2月25日 - DAY 7 (PART 6)
然別湖
食完晚飯響房hea 到八點鐘，我地就換返衫出發去夜遊 Ice Bar 啦......
我地今次酒店嘅package 包左兩張 Ice Bar 嘅 coupon，可以飲杯free drink~
夜晚附近嘅福原旅館都燈火通明喎.....
下午坐巴士嚟時就係經過呢條長隧道後就到總站嘞~
Ice Village 已經著晒燈......
首先當然去 Ice Bar 啦.....
都已經有好多人響度 hea 緊~
有好多酒擺晒響個冰架，真係幾似模似樣~
咁大個 Kirin 字樣，係咪有份sponsor呢?......冰雕上面嗰d 好似係冰杯
Bartender 響度調緊酒~
咁大個 Kirin 字樣，係咪有份sponsor呢?......冰雕上面嗰d 好似係冰杯
Bartender 響度調緊酒~
睇下飲咩先......
我地都係要cocktail，老爺order 嘅係rum coke，而我就要左 "春雪"......其實唔知係乜，不過 "春雪" 聽落個名好似幾好聽咁
呢個Ice Bar 都幾大，有兩層樓，又分隔左幾間細細嘅房仔，好有趣~
我地搵左間「獨立廂房」慢慢歎 cocktail.....
有冰枱....
冰凳，仲有cushions......
廂房仲有牆燈，好有情調呀!
冰枱有d 燈映照住d 粒粒大水珠，好可愛呀~
綠色嗰杯就係 "春雪"，而另外嗰杯唔駛講梗係rum coke 啦~
Hehe，所謂獨立廂房其實係咁樣咋
d 冰枱冰凳都有好多款唔同style 嫁......
仲有大房，擺部機響度直情可以做埋K 房~
題外話︰其實我有d奇怪，ice bar入面d 冰枱冰凳，甚至冰牆，照睇全部都係真冰，但點解摸落去唔濕嘅?!
歎完cocktail，我地就周圍逛下......成間冰屋，白雪雪，真係好得意~
雪牆上仲有藝術擺設，好有童心......雖然呢個 Ice Bar 只係期間限定，但搭建咁大型嘅冰屋都唔係一件簡單嘅事，而且每樣野都做得好似模似樣，好欣賞佢地嗰種認真~
好多地方位俾人影相~
樓上仲有雅座......唔怕凍可以響度 hea 住談心~
落呢條雪樓梯真係有d 驚會PK
.....兩旁有凍冰冰嘅雪牆做扶手，叫做好過無咁啦~
個interior design 真係做得幾型嫁~
老爺又響度玩影效果
.....
呢個好似係表演stage，有埋觀眾席，不過而家無人表演~
然別湖冬季舉辦Ice Village 已經有頗長歷史，Ice Bar 入面有個小型gallary，可以睇下以前 Ice Village 係點樣搭建.....
以前個冰上露天溫泉係用木搭建嫁......呢位男士赤身俾咁多人圍，仲要係一大班阿禪
，神態仍然咁自若，真係佩服佩服!
唔曉日文，不過見佢寫住通話無料喎，係咪全國free call 咁解呢
響 Ice Bar hea 左差不多一個鐘後，我地就離開嘞~
望下 Ice Bar 門外個溫度計先，而家係-13度!
好凍呀，諗唔到呢個trip 最凍嘅地方原來係然別湖~
離開 Ice Bar，當然要出去湖中心行下.......
望出去好黑呀，只有幾間冰屋仔發光.......
不過沿路兩邊有雪燈，都唔怕睇唔見路~
行到咁上下，回個頸望下先，福原旅館嘅客房都有著燈喎，之前見有d 網友講到話全棟旅館黑媽媽，嚇到我地唔敢book，睇情形大概都係咁啱得咁蹺啫~
不過比較起來好似都係風水多客d 嘅~
呢個 ice village，夜晚除左個 ice bar 比較熱鬧，其他地方都冷清清，幾間發光嘅冰屋仔響漆黑嘅冰湖上無疑顯得有d 寂寥嘅感覺
......
......
遊人都少，天氣實在太凍，就算唔stay 響酒店要外出，個個都情願響ice bar入面 hea.....
影左幾張相就返歸，周圍黑媽媽都唔係好敢行得太遠.......唔覺意抬頭一望，wow! 原來漆黑嘅夜空有好多星星呀!!
仲多過早兩晚響川湯嗰邊，好靚呀!!
......其實之前都有諗過join 佢個觀星tour，不過覺得同dinner嘅時間唔係好夾所以最後都放棄，無諗過其實就咁響湖上面都望得見滿天繁星，星星一閃一閃咁，真係今夜星光燦爛呀，絕對可以用繁星流動嚟形容
，不過我地d 攝影技術實在太差，影唔出當時繁星閃爍嘅感覺......算啦，就算影左出嚟都係黑色背景上一點點白光啫，睇過將影像記響心上仲好啦~ 
周圍靜悄悄，都係二月中旬啫，呢個ice village 唔知咩時候先會有熱鬧d 嘅時段?
長此落去，唔知會唔會終於有摺埋嘅一日，好在總算嚟玩過
連街燈都無乜幾盞，不過行返去酒店嘅路都唔算遠~
返到房攤抖一陣，當然又係夜宵時間，下面呢個係日本燒酒，老爺之前見人飲成日都想試，終於今日響酒店souvnier shop見到呢個樽幾得意，就買嚟飲下啦.....
開餐啦~
個燒酒都幾勁嫁，老爺當然無問題，但我飲完就暈陀陀
，睇左陣電視，頂唔順都係早d去教豬lu
~~
第七日行程終於又搞掂啦，yeah!!
(...待續)