2011年2月北海道道東道北12日 - 告別然別湖~

 

2月26日 - DAY 8 (PART 1)
然別湖

第八日啦!! 晨咁早六點半就起左身，因為預約左玩升空汽球......一起身即刻走去望下窗外邊check下咩環境先......嘩! 好暗好多雲，矇矇矓矓一片呀.......

 

之前同Nature Centre 預約時講左話呢個升空汽球要睇返當日嘅天氣狀況，佢地會響七點前打電話俾我地再同我地confirm......果然差不多七點咁上下電話就響起，對方用好簡單嘅英文同我地講，too windy, cancel, sorry.......唉，又無緣玩啦!

望出去有好多人響湖面上.......好windy咩?? 都唔係好覺啫，好失望呀，上次響富良野因為落大雨又係無得玩，唔通我地同北海道嘅升空汽球真係無緣? 不過呢樣野唔到我地控制，都無計......




晨咁早個露天溫泉唔知有無人浸緊呢




湖邊d 冰好似裂開緊咁喎，會唔會愈裂愈利害嫁

 

既然起左身，都洗晒面刷埋牙，都無意欲去瞓返，我地就決定走落去湖面逛下，仲帶定毛巾諗住浸多次個露天溫泉啦.......


好多人同我地一樣，晨早都唔怕冷走出黎逛~


Wow, 今朝氣溫只有-13度!

Ice Bar 朝早closed 左未開~


清晨下嘅然別湖好美喔!!

呢個人好似托住條屍咁

唔知呢兩個人係咪浸完露天溫泉出黎呢

雖然冷冷嘅天氣，但然別湖嘅雪景實在太靚，兩隻bears 都要走出黎活動一下~










影完造型照就出去逛下......太陽出來了，不過好多雲，而且風好大，冷冷嘅風刮到臉上，好寒呀!!

 

汽球會場，無得玩都影張相啦~


好得意呀，好似冰糖葫蘆




又去到冰上露天風呂區......

 

有人響度浸緊喎......清早天氣實在太凍，我同老爺對望左一眼，唔駛一秒鐘即刻好有默契走返出黎，太凍啦，兩個懶人都唔想除衫，而且要同陌生人一齊浸個感覺有d 怪......尋日浸過都叫已經完成左個心願就算啦......d 野唔駛下下去到咁盡嘅


兩個人兩隻bears 都一致同意響冰湖上影下相就算

而且個天色真係麻麻，超大風，仲愈來愈大雪，唔怪得個升空汽球要取消~

似唔似去左南極考察

冰酒店.....又入去參觀下先.......

冰梳化，仲有茶几......


寒冰床，練玉女心經最好


好簡單嘅木門，夜晚瞓瞓下會有人闖入嗎?

 

影下我地間酒店先~

響冰湖逛左半個鐘，影左好多雪地相，真係好自在，鍾意點樣攤手攤腳大字形瞓響雪地上影都得呀!! 之後我地就返歸嘞......兩個凍到好似兩條雪條咁!!




有點不捨，清晨下嘅然別湖好美喔

行到返酒店我地就直接去食事處食早餐.......






係 buffet，野食一般，不過不失啦~

 

食事處望出去係湖景......


同房間望出去個view一樣~

 

嘩! 好大風雪呀! 

 

 食食下有個日本團加入，真係好嘈，原來唔係只有強國人先可以製造咁大嗓音嫁，我忽然有所頓悟.......

今朝時間好鬆動，食飽我地就響酒店lobby逛下......




近門口有好多雪靴，住客可以著住出去玩雪~






Souvnier shop! 當然要入返小小貨啦




之後就上返房執埋d行李嘞......

 

 埋單走人~  

我地會搭9:50由酒店開出嘅免費巴士，原本我地打算11:00 去到新得駅stay一個鐘再轉12:05 嘅JR去Tomamu，12:30到達諗住可以有多d 時間響Tomanu hea，不過原來星期六、日拓殖巴士係唔去新得，於是我地唯有改返去帶廣駅，希望可以趕得切搭到 11:35 嗰班JR，咁就可以跟返個行程12:30抵達 Tomamu~

未夠鐘，我地又身痕走出去外面逛下......再望多眼啦，因為唔知仲會唔會有機會再黎嘛，就算真係pat pat 痕再走黎都唔會係冬天啦......


冬天到訪然別湖只係可以去到風水酒店，另一邊嘅路係封左唔俾車行.......

 

 

酒店對面有個細細嘅觀光案內所......

又去ice bar 望多眼先......




氣溫高返d，-11度~


被白雪覆蓋住嘅然別湖，好寧靜，雪景好優美~


要同夢冰村告別啦!!

 

 

9:50巴士準時開出，離開然別湖離開雪白嘅夢冰村，我地又向住下一個景點進發.......


Sayonara，然別湖



(...待續)