2013年9月北海道又去道東 - 戰利品篇

又到左 show time 時間.....今次雖然去左八日，但真正響札幌嘅 shopping 時間其實好少，尤其第一日去到老爺因為又病(!)所以早早返酒店無去敗家 (條友仔去日本成日都病，我開始懷疑佢係心理上想制止我 shopping 從而將個 idea 不自覺 develop 左去生理上等我被迫 stop shopping....我記得成日睇美劇講醫學上係好似有d 咁嘅案例，不過我唔記得叫咩 term)....Well, 當然你地會話第一日去到都三點幾四點啦，返埋札幌酒店 check in 先再出嚟 shop 都唔慌多時間敗家，但對於我地呢d shopaholic 嚟講，即使只得半粒鐘只係放我響條地下街由得我任 shop 我分分鐘都有本事敗你十零廿萬円....講左咁耐我個 point 其實係想指出因為無左第一晚最終我嘅整體收獲真係強差人意，我決定下次如果再去我真係要 at least 留返多 one full day 響札幌先得囉~ 

好啦，講返正經，我嘅毛病就係太鍾意 gossip，成日乜都 up 一餐嘥晒 d 時間所以 d 遊記永遠寫唔完.....OK, 先嚟我最鐘意 shop 嘅包包，今次又敗左個 Coach，巧平呀，原價62000 半價後再有30% off，折實21700，當八算，只需一千七百幾! 老爺響旁邊不斷叫我買，hehe~

既然咁平唔爭在買多個化妝袋，折後五舊水唔駛~

跟住係 Bao Bao....其實年頭嗰次去東京都已經唔大興趣去買，當你察覺市面上連坐響茶餐廳 hea 嘅嬸嬸都拎緊時你個購物意慾真係會熄滅，不過而家HK真係炒得好貴，咁既然今次收獲唔多又去開附近狸小路入貨，咁就順道去望下啦....有同事七月時去，好勤力一共去左三朝，朝朝等開門終於俾佢掃左六、七個返嚟，之後轉手賺左一千蚊一個....我咁 lazy 當然無打算做呢d 野...去嗰晚已經係七點，預左無乜款揀，果然只係得番幾個，我見呢個隻色幾 sharp 同埋我無細格所以就掃埋佢，叩稅後 only 16000円咋~

My collection....之前見有人咁樣影過，等我又試下先~

今次 shop 得最多嘅都係食物.....

重點︰Potato Farm 除左薯條三兄弟，今次仲買左呢個薯片.....

都幾好食，除左薯片仲有昆布~

呢個北海道牛乳 cake 係響機場最後衝刺，試食過唔錯.....

用之前響日本網購返嚟嘅花花碟食，特別覺得好味

雖然今次無去帶廣同小樽，但都要買返盒六花亭酒心糖，真係好鍾意佢個波子棋 look~

原來個蓋嘅花係同個罐 match 嫁!

係，我又響日本買呢隻 Godiva 朱古力，細細盒又唔阻地方.....香港要賣$68，響 outlet 只需500円，有乜理由唔買

重點︰響知床買嘅流冰 jelly.....

其實就只係一般 jelly，不過一邊食一邊回味返早兩年玩流冰浸步情景，正~

另一款 jelly，阿寒湖嘅綠藻球，響酒店 buffet 食過都幾好食，最主要係賣相好 cute~~

其他垃垃雜雜，有 d 都係買左放響車食唔晒帶返嚟~

大空町特產醬油

又係買左諗住返酒店飲但唔記得左最後要帶返嚟~

今次竟然無買 Hello Kitty 電話繩、key holder etc 等精品....Oh no! 只係得一個 lavender folder! 前所未有地少

 

100円店，係咁意掃小小~

又買日本摭....次次都係咁，明明有帶摭去，但次次都放左響喼.....一屋都係呢d 摭，唉~

去阿寒湖一定要買返d 真嘅綠藻球掛?

仲有綠藻球電話繩~

靚靚 bear bear 電話繩

D 狐狸咁 cute，整返個叩叩先，紫色毛毛.....小姪女超愛!!

鶴雅出嘅書籤....原本係諗住買今次住宿嗰兩間，點解最後會買左兩片 Lake Samora?? 我記得明明係揀阿寒嗰塊喎

Marie, 買俾姪女~

去知床見唔到棕熊，失望....買返隻 bear bear 先~

兩隻 bears 好驚︰棕熊！會唔會食左我地.....

D bear bear 真係好得意，買埋指南針同鈴鐺......

隻 bear 嘅造型真係好可愛~

又係知床買嘅哨子，入森林用嚟嚇退 d bear bear, hehe~

整污漕左對鞋，當然要買返對

今次去晒兩個outlet....day 1 一到埗就即刻衝去三井先，不過無乜做減價，加上有人唔舒服都無乜心機逛，最後只係買左小小野食同件衫~

都係 Rera Outlet 啱逛 d....

鍾意個 cutting, d pleating 巧靚，最重要係 big sale，折上折為起 only $90!

Gap....都係揀 discount items......

三百幾咋，抵呀!

買五個 items 有額外15% off，揀 socks 就最抵啦~

藥房 & 便利店時間.....

去日本當然要入返 d skincare products.....

Travel sets 係少不免.....Shiseido，之前用過 basic line & supreme white line，今次試下呢個 superieur line，有 firming effect....年紀大係時候要開始用

全部係溫泉酒店買嘅溫泉 skincare....其實一 d 都唔平，不過我好鍾意響溫泉酒店食完 dinner 飽一飽一邊 hea 逛一邊買野

我的美麗日記....雖然香港賣都唔貴，但係日版喎，點都要入返小小啦~~

雖然而家少用左日本 skincare products，不過呢隻美白豆腐 mask 係 must to buy......

 響 Matsumoto Kiyoshi 只係3675円，三舊水唔駛! 好開心，連老爺都話如果咁抵點解唔買多兩罐.....真係好好用，用完塊面好滑滑，而且只係按摩一分鐘敷五分鐘，啱晒我呢d 懶人~

個質地真係好似豆腐，搽上面個感覺好過癮，大家未試過真係要買嚟 try try

今次去之前無時間做 on-line shopping，但係唔駛愁，只要有心 shop，仍然可以響 duty free 同機上 shopping 返夠本喎.....

最 happy 買左呢個 Crabtree Evelyn rose special set.....

個袋袋好靚，仲要有一大一細兩個 bags~

有一枝 shower gel、一枝 body lotion、兩枝 hand therapy 同一細盒香氛膏~

呢個細袋仔好 cute，可以用嚟做散紙包

Next, Jo Malone....其實一向好少搽香水，不過自從有人送左枝  Red Roses 俾我之後就開始出事.....

今次機上有呢個 set，15% off 之後只需 $918~ 

一套兩枝.....有好清香嘅 English Pear & Freesia.....

同埋未試過嘅 Wild Bluebell~

Hehe, 又可以同屋企嗰 d 玩遊戲啦

 

呢個係札幌テル京阪酒店送嘅.....

Kalahari? 鄉下婆唔識呢，不過 Pola skincare 一向好似唔錯....最緊要係 free 嘛!

話時話其實今次嘅 skincare & make up products 都唔係好多啫，不過當我擺緊陣影相之時有人忍唔住響一邊咿咿哦哦，問我成日買香港又買去到外地又買但點解搽咁多野塊面都仲係咁....(係咪嫌命長?!).....然後又隨手攞起下面呢個 BB cream 問︰你唔好話我知你學似 d 阿毛咁會相信用左呢枝野後塊面會變到好似呢個女人咁?!.....

響道之駅見到有呢本stamp rally booklet，俾 d 自駕者響每個駅蓋印.....原來全個北海道響2013年總共有114個道之駅......嘩，要想全部蓋晒咪要去好多次先搞得掂?

我地知道有呢本野已經係好後期，所以只係響三個道之駅蓋左......

睇嚟真係要去密 d 密 d, hehe~~

雖然今次無去富良野，但仍然阻唔到我買薰衣草 products，例牌要入返 d 香薰包同 candle.....

仲有 diffuser，係咁意樣樣買 d la~

最開心買左呢個 candle glass holder，個花係 lavender.....

可以同以前買嘅小王子湊埋一set，開心~~

大合照時間 

(同一個機場，試過上次痛苦經歷，好大陰影，今次真係好克制 shop 得好忍手!!)

兩個喼加一個行李袋，total 50.6 kg.....要罰錢呢，我地今次早有預備，行李袋入面嗰 d 都係可以 hand carry 上機，於是即刻減磅，但抽起左兩次都仲係爭少少，死人CX 就係咁，俾鬆 d d 都唔怕死啦....真係唔想再攞，於是我地開始不斷 lur 個姐姐，最後佢都勉為其難肯放我地一馬, yeah!!

此行戰利品又介紹完畢....詳細遊記，相信總有一日會見光啦~~