2014年新春九州好hea 6日 - 戰利品篇

終於去到最後一篇亦係我最鍾意寫嘅戰利品篇......要快 d 寫呢，下一個 trip 都即將出發，到時又去敗家，又掃埋一大堆無里啦更垃雜野，又試會好多野寫呢.....未去諗諗都興奮

首先一定要講下今次第一次響 amazon.co.jp on-line shopping 嘅經驗，on-line shopping 平時我都試得多，但去日本 pre-order 都係第一次......Wow! 簡直係開發左一個新天地......勁多野 shop 呀，而且好多好平同埋超多減價貨!! 購物狂點忍手?! 尤其係 d 衫，pre-order 真係慳返好多試衫時間，不過我係臨出發前幾日先上網 shop，好多 items 都驚趕唔切送貨所以最後 cut 左個 order......經過我同細妹研究後，嚟緊下一個日本 trip，我地決定 join 佢個 prime member，好處係大部份貨品 free shipping，同埋可以指定送貨日期，join 呢個 member 要收 3900円會費，但佢有一個 trial period，只要響一個月內 cancel 個 membership 就可以，咁我地就一於出發前 join 佢之後落 order，去完返嚟再 cancel 咪得囉

成個過程真係超簡單方便，上網、搜刮、碌卡.....3 simple steps only!! 完全不需要驚動第二個人，最適合夜深人靜意志最薄弱之時獨個兒靜俏俏去處理，完事時真係超 happy，真正係未開始旅程都已經好興奮......之後就可以撟埋雙手等收貨，第一日去到酒店 d 貨已經到左，正所謂米已成炊老爺點怒睥都改變唔到個事實啦，哈哈

最後一日都有兩箱，好在趕得切，真係抹一把汗

OK，係時候睇下敗家精今次又敗左d 乜......先嚟 amazon order，首先睇下 scarf, 呢個有擋 UV 效果，只需 990円~ 

呢款仲平，只係 693円~~

呢條貴 d，要 1319円，因為有 lace~

呢件 sweater only cost 910 yen ar! 仲平過上面條 scarf! Unbelievable!! 而且好保暖~

件衫個款好似怪怪咁，不過個 model 著得比我型~

Next, 1500円......

對袖都有 lace 通花嫁

呢件款色夠大路，著返工都可以，1100円 only~

呢件原本只係 1790，不過要加 525 運費，合共 2315円，係貴左 DD，不過好鍾意衫腳嗰層 lace.....

Back side 仲靚~

我影得唔靚，post 張 model 嘅 promote photo 俾大家睇~

 

1490! 粗著都抵啦

大家無睇錯，呢件斗篷只係 1875円 only......兩舊水唔駛一件褸，歷史性新低，N 年前都唔得啦.!!

塊毛毛領係可以拆走~

呢件貴d, 因為係 earth music&ecology, but 都係1978円啫.....

領底有多塊 lace，巧靚~~

呢兩條圍巾唔係 from Amazon order，但都好平，響300円店買.....廿幾蚊一條，想點?? Quality 都唔差喎

博多駅旁邊有座 bus terminal building，由一樓到六樓都勁多野 shop，其中響四樓有間百貨公司叫 Avail，入面好多野都好平呀! 我地專攻 sale items，終於響度消磨左個幾鐘......下面呢件 Kumamon T shirt，只需 980円咋~

Back side, 好Q呀~~

呢件仲平，900!!

Hehe，癲到連羽絨都買左件

Boot，內裡係毛毛，only 1500円!!

Heat tec 內衣，500円! 香港 Uniqlo 當時減左價都唔得啦!

跟住係食物......

呢個係響鹿兒島櫻島火山上買嘅......

係咪好似溶岩塊呢

茶包同拉麵都係 Amazon 預先 order......

熊本麵 10包都係 1450円咋.....阿信屋會員價都做唔到呢個價錢啦

機場最後一擊.....雖然唔係去北海道但都要買，實在太好味，尤其鍾意個薯仔湯

Kumamon 果汁糖，柚子味，入面一樣有粒粒嫁~

100円店都掃到 d 野食.....Back row from L to R, 100円四小盒明治朱古力、100円三小包明星麵、100円兩包栗子....前排100円兩包朱古力......

呢隻糖口感煙煙 un un，好似食緊糖不甩咁

好便宜嘅明太子薯條，一般係150円，響車站便利店忽然見到 98円，因為只有一個月期限.....即買啦，當晚都 KO 左啦，早知買多幾盒

好可愛嘅 Kumamon 罐......

So cute~~

其實係健康茶.....

內裡仲係有膠封蓋嫁，飲晒 d 茶葉個罐又可以裝第二樣野.....好精明嘅消費者

當時已經有打算四月會去立山黑部，所以買定~

旅行必備壓縮袋

以下都係 100円店掃返嚟......

響博多駅旁邊巴士大樓五樓嗰間 Daiso 真係超大，好好逛

搵到呢個指甲套......

好方便呢，塗完甲油即刻攞野食都得

有埋個袋仔收藏 d 套唔駛散收收，正~

而家實在太多野要 charge，買定多個 spare

又係 seven 搜刮 made in japan product 時間~

Kitty 福袋，今次呢個係響湯布院買嫁......

真係好抵.....一把扇 + 四枝筆 + 六條電話繩 + 公仔 + memo pad + 粟米餅 + candy......嗰盒餅同 candy 仲係即場攞俾你，確保食物嘅有效期，日本人真係好認真

D 產品真係唔係流嫁，單係呢把扇已經好靚，係 Tokyo Skytree~

呢個膠袋係我地 join 鹿兒島 local tour 上櫻島火山時個導遊姐姐送嫁，用嚟裝火山灰.....hehe, 唔捨得用呢~

呢條毛巾仲正，我地去指宿砂樂會館玩砂浴，每人都要買一條毛巾去包耳仔，因為好小家諗住慳錢所以只係買左一條，諗住細妹玩完我先用佢嗰條.......個工作人員見我無但又生得可愛，所以就送左一條俾我，110円嫁，好開心!!

又買雨傘......落雨濕左把摭就會出晒 d 花紋，往時都只係見到長直傘有呢個款，今次響湯布院竟然見到有短款，即買!

響阿蘇親和苑旅館買嘅 Kumamon 餐枱墊，soooooo cute nei!!

大家鍾唔鍾意逛 300円店? 我就好 like 嘞，d 野真係比 100円店靚同精緻好多嫁~

毛毛鞋 for myself，sock for 小姪女.....紫色，our 飛佛

呢個抱菇菇 kitty 真係超人氣，個個都爭住要，除左造型可愛，最主要係平，我地響由布院車站對面嗰間 souvenir shop 見到只係540円，即掃!!

Sooooooooooooo cute!!

之後響阿蘇某店見到要1100円!! 超 happy ar!!!

今次個 trip 無自駕，去湯布院終於可以坐下「由布院之森」express JR，坐車 of course 不忘 shopping.......

\

當然要 shop 返架由布院特快列車啦~

去九州點可以唔買 Kumamon products......太陽能搖搖擺設~

Kumamon BB

Kumamon 都要浸溫泉

藥房時間......

曼秀雷敦AD 軟膏，當然要買 made in japan~

呢隻 Pair Acne Cream W 係針對荳荳，搽左隔日已經有消炎效果，cream 係白色，不過慢慢會變透明，出街搽都好方便.....下次要買多枝先

新 lu lu，唔駛多講啦，遊日必買感冒藥

之前一直都只係會買綠色呢隻牌子，今次試下呢個 Ora2，有美白防蛀防口臭作用

試埋呢個 breath fine spray，可以放響手袋隨時攞出嚟噴，有好多款，我揀左 cool mint

自從爽健無出 callus removal pad，對於我地呢d 成個腳底都係厚繭嘅 lady 嚟講簡直係惡夢，好在日本有，試下如果好用下次大量入貨~

我知大部份香港都有得賣，但而家円平響日本買真係抵好多，去藥房 shopping 真係超 happy!!

去日本必幫同事買嘅防曬，響鹿兒島藥房搵到只係 1890円!

呢個 Ma Cherie 想試左好耐，就買個旅行裝 try 下先，我唔知香港幾多錢，響福岡係 320円~

DHC 橄欖 lip cream，十分滋潤，香港正價要$75，響福岡見到只係 598円~

曼秀雷敦 lip fondue，529円，同香港差不多，不過因為唔記得帶潤唇膏所以又可以有借口買

Maquillage Multi Base BB cream, v gd for 我呢 d 混合性尤其多暗粒嘅皮膚，薄薄一層已經搞掂，而且好透氣又 long lasting

今次揀左呢一枝仲有兩片 True Liquid UV trial set 送添，響鹿兒島藥房好似平D，3150円

正所謂工欲善其事，必先利其器，呢個 Shiseido 131 粉底掃近期好 hit，粉餅同 liquid 都可以用，毛質軟硬適中，刷起嚟好均勻，真係好好用，下次要入多枝~~

仲有埋專用收納袋，正

當然又有野送，有三片 Fullmake washable base，據講只需要用溫水就可以洗走，最適合 lazy 人使用，不過我仲未得閒試，所以唔知係咪真係咁勁

Shiseido eye mask，有埋個專用盒，帶去外遊都唔阻地方

呢個叫 magical puff，可以抹走面油而又唔會掃走化妝......

有鏡同個粉撲可以套手指，方便使用......

仲有三塊吸油布.....細細盒放響手袋方便隨時用，good ar~

Kanebo Suisai 酵素洗顏粉，我呢 d 貪小便宜嘅 C9 當然係揀有送 lotion & emulsion 嘅 package 啦，2 sets with 贈品都係 2520円咋!

好 like 佢一小盒嘅 packing，加小小水就可以起泡，洗完面唔會有繃緊感覺，最方面外遊，好正

染髮用品......嗯，D 白髮好困擾呢，我都唔係好老啫，都唔知點解愈來愈多，下面呢隻 Cielo 係 temporary use，急救好正~

大島樁髮油，福岡搵到 60ml 只係 1200円咋.....敗家精就係敗家精，連梳都要配返把

我好鍾意用 diffuser，雖然只係 300円 shop 貨色，但都幾出味~

Shop @指宿嘅溫泉化妝水，上次響四國道後溫泉買過一枝幾好用，就快用完係時候要入貨......

有埋說明書，good

老爺專用，臭男人必備

我有買 hand cream 癮，屋企同 office 嘅 stock 相信足夠用到2017年，但仍然忍唔到手，呢隻 Shiseido 玫瑰味幾清香，原價1000円，響機場只係 700円

機場 duty free shop 最後一擊，夏天將至我本來係想買 BB cream，不過個 BA 話呢隻 UV base 有調色作用，suggest 我試下......

BA 幫我揀左藍色.....搽左又真係好似白淨左 d，老爺話啱晒我呢 d 黃面婆喎.....欠打

港嬸除左黃面同一臉雀班，仲有最可怕嘅包包面，今次買左呢個新出嘅 Ya-Man Platinum White 瘦面機試下......

除左 face，仲可以做埋手臂同 body d bye bye 肉，不過我只係集中做 face......做嗰日好似幾有效，一唔做當然又鬆返，不過我會努力 keep 住做，相信總有一日會見返以前嗰塊 V 煞面

最後又嚟大合照

Shop 左咁多野當然都無超重啦，雖然細妹嘅敗家力指數同我不相上下，但因為今次媽咪同行，有多大半個吉喼位俾我地入貨嘛，YEAH~~

三個月完成晒對上一個遊記，好叻呀!! 自己讚下自己先

(完)