追櫻之旅第二個景點係靖國神社.......
雖然成日去日本，但講真從來無諗過會去靖國神社，今次之所以會去只因為想要去附近嘅千鳥之淵賞櫻，搜習資料時發覺原來周邊嘅靖國神社都有櫻花，所以就順道走過來逛逛吧~
以為呢個神社對於日本人嚟講應該係好神聖嘅地方，但原來一到櫻花季節一樣係好似嘉年華咁，通向神社嘅大道兩旁擺放晒小食檔，搖身一變成為一個市集.......
甚至放滿長枱長凳，應該係預備晚上俾遊人邊食邊賞夜櫻~
嫌遠觀唔夠皮，仲可以買盆返屋企慢慢欣賞......我覺得直頭好似行緊維園年宵咁囉~~
呢一年係終戰七十年......
去過日本好多個神社，呢個係唯一一個我無去潔淨手嘅神社......Well, 我其實都只係嚟賞花啫~~
從外觀睇同一般神社無乜分別~
呢度嘅櫻花唔算好壯觀，而且人好多，逛咗一圈買咗少少紀念品就離開啦~~
(...待續)
沒有留言:
發佈留言