2月20日 - DAY 2 (PART 1)
(札幌 > 層雲峽)
第二日，朝早八點約左朋友一齊食早餐.....
早餐buffet野食一般啦，呢d商務酒店，都唔會有咩特別期望~
朋友下午就返香港，所以兩兜友都好似無咩mood
......食完早餐同佢地bye bye後，上返房執埋d野，就去check out......因為尾二兩日會stay返響呢間酒店，所以將一個大喼留響呢度，拖住一個喼就離開啦.....
8日之後先再見啦~~
天氣幾好，有陽光呀!!
今日會去層雲峽，預約左酒店shuttle bus 11:30響札幌JR站北口等，趁有d時間，當然去做我最拿手嘅野，shopping呀!!
.....行返出去札幌站，將d行李暫時keep響車站locker先，雖然d大locker都成500円，亦唔係keep好耐，不過費事阻手阻腳啦.....我地嘅出門座右銘︰錢解決得到嘅野就用錢去解決......
未夠十點地下街水靜河飛，好在都有間藥房可以逛下~
十點後d舖都陸續開嘞~~
之後就走去Steller Place逛下Comme Ca.....
其實Steller Place有好多舖都好好行，不過唔夠時間
西武!! 咁小時間，真係可望而不可及!!
十一點零鐘我地就返去JR站攞返d行李......
札幌站成日都咁多人等車~
北口有個鐘之廣場，好多團體都係響度集合~
我地今晚book左層雲峽Choyo Resort Hotel，book呢間酒店最大原因係因為佢有免費送迎服務，層雲峽d酒店一般嘅送迎服務只係來往旭川或上川，我地今次行程唔去旭川，單係節省呢段由札幌去層雲峽嘅車程，已經可以慳成萬幾円!!
11:15去到指定集合地點，已經見到有酒店員工響度，著晒黃衫好搶眼.....同佢地核對左資料，佢地就話10分鐘後出發，可以入去室內等.....
既然仲有十分鐘，我地當然唔會放過逛下車站入面d shops嘅機會啦....去埋個toilet返黎，嚇死人，原來已經好多人響度等緊，場面真係好虛憾!! 呢個無料巴士迎送服務，除左我地入住嘅Choyo Resort Hotel，仲有酒店同一集團嘅朝陽亭，再加上今日係星期六，所以好多住客.....不過去到層雲峽就發覺大部份嘅人都係入住朝陽亭囉~
夠鐘就有酒店職員拎住個大聲公響度講左一大段野，之後就一個跟一個行啦.....個感覺真係好似細個時學校旅行咁呀!!
好快就去到停車處....上車 lu!!
真係好多人嫁，旅遊巴都有兩架，我地坐一號車~
上車無耐我地就開始瞓啦
......差唔多12:45去到一個叫砂川嘅地方，司機先生泊低架車話係休息時間，13:25先再起行.....見我地係外國人仲專登同我地用英文confirm多次個上車時間添，好nice呀!!
呢個道之駅都幾大，入面有各式售賣紀念品counter、小食店、餐廳.....
連北菓樓都有......
我地當然走入去試食番夠本啦~~
呢個時間應該係午餐時間，不過得嗰半個鐘頭多dd，餐廳入面又好似好多人，我地驚唔夠時間食，最主要係又想四周逛下，所以我地決定先做左d緊要野 (i.e. shopping) 之後再買外賣返上車食啦~~
現成嘅野食種類唔算好多，不過樣樣買d都可以好豐富.....揀左要買邊d店主會幫你叮熱外帶嫁~~
差不多夠鐘就上車嘞.....原來外面有個雪梯，早知早d出黎玩啦....
呢架就係我地嘅旅遊巴，上面有寫埋個集合時間嫁.....
上車口預備埋個輔助凳，方便大家上落，好體貼~~
上車就埋位開餐啦!!
正當我地影緊d食物時，隔離有位伯伯主動話幫我地同d食物影合照，日本人真係好nice呀，好懷念佢地嘅熱情，而家唔知要等幾耐先可以去日本再一次感受風土人情
.....
食飽飽後就繼續瞓.....瞓到咁上下架車又停低左，原來係放水時間....
放完水又買d粟米湯暖下個肚先~
再繼續上路，都已經瞓夠，睇下沿路風景先~~
終於未夠三點就到達Choyo Resort Hotel嘞....
一入到大堂已經有職員響當眼處擺定個架步等住客，對左個名俾埋passport佢地影印後，連form都唔需要填，個職員就響枱面攞起條room key俾我地，真係五分鐘都唔駛就搞掂
.....問明左今晚去冰瀑祭嘅接送安排，同confirm埋個貸切風呂就上房啦~~
我地住6024號房~
房間都ok，之前睇旅遊書話層雲峽d酒店內部都比較舊，揀呢間酒店除左有長程無料迎送服務外，仲有就係貪佢早兩年有裝修過，新淨d....
基本上住親溫泉酒店，房入面個washroom我地都無用過，因為慳時間好多時都響大浴場搞掂埋~
窗外嘅風景
響房Hea左一陣我地就出去逛.....
呢條路好得意，d水不斷咁放，係用黎避免路面結冰防跣~
行左大約五分鐘就到左呢條石狩川.....
左手面一堆野白得黎有d藍嗰度就係冰瀑祭會場嘞~
呢條溫泉街就咁望過去好似無咩料到咁喎.....
響呢條橋望過去d景色都幾靚~~
再行過小小就到觀光案內所，入去睇下先.....
同個職員confirm聽朝去上川嘅巴士時間，順手攞d資料同蓋印仔......
都話左今次個trip無咩準備，平時我會帶定本簿仔用黎蓋紀念章，今次竟然唔記得帶，朝早響札幌都搵唔到無間線嘅簿仔，唯有攞d宣傳單張頂當.....
觀光案內所隔離就係郵政局~
案內所門口就係去旭川同上川經巴士站.....
只不過入一入案內所啫，出返黎個天色已經變左，仲開始大雪.....於是放棄去冰瀑祭會場，直接去溫泉街逛下.....
不過呢條溫泉街真係無咩料到，冷清清，望過去d店都無幾間，我地只係響間便利店買左dd野咋~
逛完便利店就行返酒店，d雪愈落愈大，我地仲要逆風而行，d雪勁打落塊面，仲要入埋鼻孔，凍到黐肺!!
同風雪搏鬥一輪，終於返到酒店，塊面同隻手凍到好似雪條咁，呢個時候當然係去浸一浸浴泡個靚湯暖返個身先啦~~
(...待續)