DAY 1
PART 2 (南千歲...札幌...)
離開outlet，我地搭13:07嘅JR返札幌，因為已經行得好攰下，驚無位坐要企半個鐘，所以寧願貴DD都買指定席......
半個鐘多DD嘅車程，可能因為一晚無教好瞓，一上車就開始瞓
，瞓醒個人自然吽吽地
，再加上響outlet唔係買左好多野，至少無預期中咁多囉
，D興奮情緒一下子降低晒，所以當抵達札幌時個人就好似好悶好down咁
.......
但係唔知點解，一出左閘見到熟悉嘅札幌站，成個人即刻精神晒，突然覺得好高興，情緒又再次高漲返
.......大家記唔記得呢個出口呀??
睇見呢個熟悉嘅建築物，個感覺就好似返左鄉下咁呀，當時真係好開心嫁!!!
Sapporo, I miss U sooooooooooooooo much))))))
(係咪好變態呢
.....)
我地今次響札幌嘅住宿揀左呢間 Hotel Gracery Sapporo (http://gracery-sapporo.com/)，就響札幌站對面~
酒店大堂響七樓.....
去到未夠兩點，原本諗住放低D行李，點知個姐姐話可以俾我地check in先呀，好野，可以上房攤一攤~~
我地住十三樓，望出去就係大丸同Steller Place~
呢間房真係好細，一入門口就已經一眼見晒.....
可以同大家介紹下.....照例倒模型浴室同toilet......
張床霸左間房一半嘅空間~
床尾就係電視，對正個落地窗.....真係要瞓住響度睇電視~
小型辦公 / 梳妝枱，窄到要加多個小型板面響枱度拉出黎先夠用....
房間雖然好細，但都設備齊全，有齊雪櫃、電熱水爐，而且都好乾淨企理~
響酒店攤抖左一陣，我地就去食午餐喇，原本打算去二条市場食魚生飯，不過已經兩點幾，所以就打算響就近嘅Steller Place搵食算，記得六樓有間叫根室花嘅迴轉壽司，網友紅米奇都推介過，點知去到勁多人響度等緊位
.....嗰時鬼死咁肚餓又鬼死咁攰，梗係唔會排等啦，於是就搵過第二間.....
Steller Place 六樓全層都係食店，我地最後揀左呢間叫牛角 (http://www.gyukaku.ne.jp/)
大熱天時兩條友走去食炭燒牛肉......D冷氣又唔係好夠，D炭火又旺，結果老爺一路食一路流汗.....
Menu有相片，食咩都看圖識字~
坐低即刻啤啤佢先啦~~
我地叫左兩個set，一個 1,400yen，老爺要大盛飯呀.....
另加一個 1,200yen......
再加多個菜，有麻油嫁，好好味!!
開餐啦))))
D牛肉、雞肉同豬肉都好好味
，但係其中一個set有好大碗唔知係D咩粉腸，D味道好Q怪，平時響香港我好鍾意食炸大腸，不過呢個腸真係幾難食
座位望出去就係西武.....我個人坐響呢邊，但個心就已經飛左過去喇......
食飽已經三點幾，飲飽食醉D精力又返晒黎，係時候埋單開始下午嘅行程......
下一篇預告︰嘩!!! 五級地震呀))))))))
地震 好緊張呀
回覆刪除[版主回覆09/03/2009 23:11:00]係呀，真係幾難忘嫁......
我啱啱去完, 再睇番你啲相, 我都有返鄉下的感覺呀! 真係睇相都咁開心. 牛角我每次去北海道都吃嫁, 不過唔知係咪我吃晚餐, 無 set 喎. 咁根室花終於有無去到?
回覆刪除地震..........
[版主回覆09/03/2009 23:15:00]我諗淨係lunch先有set啦......根室花後來都再去一次，不過仲多人過第一日，起碼要排一個鐘，我地梗係無等啦，唯有再等下一次去北海道先去試過啦~
這間酒店房同你上次在東北那些溫泉酒店真的爭很遠, 不過日本的酒店房間一向都很蚊形, 很多年前去過一次大板, 跟團不記得是什麼酒店, 真是小得可憐, 連行李都沒地方放, 那次還是渡蜜月, 真是難忘 牛角我在東京也吃過, 很不錯
回覆刪除[版主回覆09/03/2009 23:27:00]大板我都住過一間酒店D房真係細得好過份，連窗都無一個，最攪野係連個浴缸唔知係咪唔夠位擺所以改成三角形，間酒店叫Daiichi，唔知係咪你住過嗰間呢~
牛角系連鎖店, 周維都有, 根室花我都聽過但無時間去, 下次一定去試試....嘿嘿, 我已plan左去完東北, 再去日本就去北海道, 但要再多等一年啊.....好漫長呢, 幸好中途有d小旅行調劑下
回覆刪除[版主回覆09/03/2009 23:29:00]你D小旅行都好密同好正啫.....咁下一次去日本係去邊度呀? 幾時去呢?
睇見你去到札幌好似返鄉下真係羨慕！我只去過北海道一次係冬天，所以下一次去日本都想夏季去北海道。
回覆刪除[版主回覆09/03/2009 23:34:00]北海道嘅夏天同冬天真係好唔同，單係行步路都快D，因為唔駛擔心個雪地會跣腳，個人始終都係鍾意冬天嘅北海道多D，不過夏天D花田真係好靚，而且無咁早天黑，時間好用好多，真係點都要去一次，快D plan啦~~
Semi-double room 係咁架喇, 我哋舊年的 Twin room 都ok, 有張sofa 添。地震?
回覆刪除[版主回覆09/03/2009 23:36:00]Hehe, 無計啦，因為semi-double平DD嘛，不過都好乾淨企理，雖然細，但整體上絕對可以接受嘅~
piggybread : 上次我去 "札幌" 都企半粒鐘多D , 不過呢度真係百看不厭架 , 正 ~
回覆刪除至於酒店就真係細D , (床尾放電視 ? 咁都得 ) 個燒烤都唔錯 , 不過杯啤酒先至係主角 . 下篇地震 ?
Bye Bye !
[版主回覆09/03/2009 23:40:00]你真係嗜啤酒如命!!
回歸感覺我明白呀 ~ 不過就唔係 札幌 ,係池袋...
回覆刪除你喜歡札幌是因為可以 shopping ? 是重歸北海道感覺 ? 還是... ?
雖然房間細 , 不過旺季好難訂房架 ~
[版主回覆09/03/2009 23:45:00]鍾意北海道當然係最主要原因啦，其實如果要比較，我會鍾意札幌多過東京新宿同池袋，因為無咁擠迫，但係就好多野逛，而且北海道始終民風比較純樸D，D人都nice D嫁~~
好想快D去~~~~~~
回覆刪除我本黎都好想訂呢間酒店，但真係好貴，因要訂twins room，所以都係放棄，如果之後有特價先會考慮轉黎呢間，我就訂左係北口一出行2分鐘的酒店，起碼佢話間房有20M，但就8000-8200yen就攪掂，希望唔差啦!!!
你地講個間根室花真係好好食架咩???希望下次去有得試下~~~~~~
之前日本有地震，我仲以為只係東京先感覺到...估唔到北海道都係!!我朋友剛剛個段時間係東京，佢話好驚....第一次就感覺唔到，之後打9號波，跟住個日再黎都個地震，呢次勁D!!!一個女仔嚇都嚇死......好彩大家都無事番到黎香港!!!
[版主回覆09/05/2009 11:22:00]我訂呢間酒店除左因為比較近JR站，最主要係佢地下街可以直達嫁，夏天無咩所謂，但係冬天落雪就爭好遠，唔駛行路面，路面永遠結晒冰，我次次都響過馬路嘅時候PK，真係好驚好大陰影，所以今次試下佢地下街直過，下次冬天再去北海道就實訂返呢間囉，雖然我鍾意住京王多D，但係要過幾條馬路，卜死都未行到去車站!!
根室花應該真係好正，我見好多網友都係咁講，除左D壽司我真係好想試佢個蟹湯，你十二月去一定要試下，返黎再報告一下唔該~~~
未夠鐘又肯比房你真是唔錯呢 , 房細唔緊要喎, 至緊要價錢正同方便企理
回覆刪除查實你點會好似覺得悶同down喎, 嗱! 咪扮down喎, 想比多d藉口自己提起精神咋 , 北海道的人確實大多數的人比東京nice, 但講到shopping, 好似都係東京強d播 , 不過呢, 要接受東京繁華地區人來人往
[版主回覆09/05/2009 11:32:00]嗰次真係好down嫁，你無奶油唔明格 ，響outlet買唔到野再加上成晚無好瞓，睇住隔離嗰個反而有幾袋，嗰種失落嘅感覺真係好難形容......
去shopping一定係東京至正啦，不過整體黎講我都係鍾意札幌多d，或者因為日本呢個國家我最愛嘅地方始終都係北海道啦~
北海道真係有一種攝人魅力,我第一次去日本就係去[北海道賞薰衣草] ,一到步就FEEL到有一種吸引力,好享受,好舒服,好自由咁呀!!除了老家,我最鍾意係哩到!!
回覆刪除[版主回覆09/06/2009 22:38:00]係呀，連空氣都清新D嫁 ，同埋最重要佢冬天會落雪，我最鍾意就係落雪~~~~
好好笑你形容自己返鄉下, 真是幾奇怪, 日本地方如此大, 但啲酒店房就如此細.
回覆刪除[版主回覆09/08/2009 23:43:00]Hehe, 如果真係鄉下就好啦，我一定一年返一次~
回覆刪除你又黎野呀~ 哈哈~
[版主回覆09/08/2009 23:45:00]你咁講係咪即係你都有試過呀?? 真係幾難食，等我得閒去返你個blog度check下先