上星期日同老豆慶祝生日，揀左Mega Box 7/F嘅肇順名匯，呢間野標榜河鮮，即管去試下啦~~
我地叫左個八人套餐，$988，價錢OK喎，幾好意頭.......
啤酒$15三枝，當然俾老豆啤啤佢啦~
先黎天麻魚頭湯，個侍應話可以醫頭痛嫁......食食下先醒起唔記得影個湯，影番D湯渣補數，不過唔見個魚頭嘅......邊個連魚頭都食埋呀，抑或姪女攞左去玩??
呢個叫三太寶，即係鯪魚球、蓮藕餅、釀青椒~
焗走地雞，幾大盤，同埋雞肉都幾滑，幾好味~~
咕嚕魚球，味道一般.....
蒸鯇魚，好大條，不過勁多骨......
秀珍菇炒肥牛，比較咸~~
天下第一炒......其實係立立雜雜炒埋一碟，真係無咩特別，家常小菜一個~
啫啫芥蘭煲.....個煲真係好大個，一打開個蓋就覺得好好笑，無諗過入面係一堆清一色芥蘭頭，不過其實幾好味，幾腍，蝦醬味好濃~~
食飽響Mega Box逛左陣，老媽子話想買對波球，一村人走去試左好耐，最後都買得成.......老豆生日，不過反而買野俾佢老婆，我地一家人都真係好騎呢.......
Piggybread : 唔太貴 , 幾有特式 .
回覆刪除Bye Bye !
[版主回覆09/27/2009 22:58:00]價錢我覺得OK嫁~~
呢間野我地以前成日去, 不過系屯門間分店, 老實講佢價錢唔平, 但店內環境麻麻, 以前去好鍾意食焗魚頭, 板鴨(而加唔做這個菜lu)....叫3個菜都5舊水埋單, 但而加越煮越難食, 所以唔去lu, 而且又唔近我屋企, 要山長水遠去
回覆刪除[版主回覆09/27/2009 23:01:00]近入口因為放左好多魚缸同埋有D大水龜，所以好腥味，不過入面都還算OK啦~
支啤酒好似唔夠凍喎 魚頭都可以玩 睇黎妳唔多欣賞中菜
回覆刪除[版主回覆09/27/2009 23:03:00]我都係鍾意食日本菜多D嫁.......乜睇相可以睇到夠唔夠凍咩?不過D啤酒又真係放左響度好耐先影......
啫啫芥蘭煲第一次聽 , 不過好有創意
回覆刪除菜整法來來去去都係嗰d , 一堆人圍埋笑下都好
[版主回覆09/27/2009 23:13:00]係呀，出外搵野食有時真係好難攪，尤其係中菜，食開都係嗰幾間，真係好悶......不過我地如果一家人齊全食飯係會好嘈，好多時講多過食 .....
好似唔錯bor, 連魚頭都攞去玩, 唔驚小朋友整親
回覆刪除[版主回覆09/27/2009 23:15:00]點會整親，我地屋企呢個小朋友連魚眼都夠膽食.....