2009年8月北海道親親大自然之旅 - 花田第一擊

DAY 2
PART 2 (美瑛‧ZERUBU之丘)

 

 

中午大約一點鐘，我地終於去到以廣闊嘅草園同山丘而聞名嘅美瑛，美瑛最出名嘅係佢交錯嘅田園同起伏嘅丘陵，不過當中都有唔少靚靚花田，而今個trip我地第一個巡視嘅花田就係所謂 Patchwork Road 拚布之路入口處必經嘅Zerubu之丘......

 *** Zerubu之丘 自駕資料 ***

網址︰http://biei.selfip.com
地址︰上川郡美瑛町大三
電話︰0166-02-3160
Map Code︰389 101 245

花田入口就係免費停車場，泊好架車，真係拍拍屁股就可以起行喇，連手袋都唔駛拎，好輕鬆自在呀~~~~

好開心!! 一去到入口處就見到長長嘅七彩嘅花田!!!

所謂Zerubu之丘，其實分為「ぜるぷの丘」同「亞斗夢之丘」兩個部份，ぜるぶの丘係花田區，而亞斗夢之丘就係展望台~

ぜるぷ(Zerubu)係一個有三個音節嘅組合字，而呢三個音節，就係以「ぜ = 風 (kaze)」、「る = 花香 (kaoru)」、「ふ = 玩樂 (asobu)」三個字嘅字尾而取名為「Ze-ru-bu」，意思係響微風中帶住陣陣嘅花香，欣賞丘陵靚靚嘅景色.....

見到咁鮮艷嘅花海，簡直影到停唔倒手.........

園內有呢D高球車，可以自駕遊覽花園一周，費用500yen......

或者另有一種叫Buggy嘅，類似D電單車咁，前後坐兩個人，費用以人頭計，每人500yen......不過其實整個花園都未至於好大，慢慢行一路影下相都唔覺攰~

呢度就係亞斗夢之丘，即展望台，由入口直行上山丘頂就見到......地下係必備嘅小賣部......唔駛講我呢個購物狂當然有趁機shop下啦~~

其實個展望台都唔係好高，不過都可以望到遠D嘅田園~

雖然天色陰暗，但好慶幸無落出雨，遠D嘅群山都隱約望到，有陣陣風吹過黎，好舒服呀!!

響展望台hea左陣就繼續去賞花喇~

呢D唔知係咪萬壽菊呢? 抑或係波斯菊??

一如所預期，D薰衣草好多都已經枯晒喇.........

不過都仲有DD遲開嘅淡紫品種，顏色當然無咁吸引，但都好過無啦~~

仲有D粉白色嘅薰衣草嫁........

沿途見到好多人坐遊覽車

我地好似發狂咁猛咁影影影，咩都影一餐..........

好鍾意呢D綠色一個個球狀植物.......

由花園嘅另一邊望返過去嘅亞斗夢之丘

D旅遊書又話會有大片向日葵花海，我地行晒成個花丘一小朵都見唔倒~~

好多旅遊書成日會介紹富良野同美瑛D花園有幾大幾公頃，老實講我就真係無咩概念，據講呢個Zerubu之丘佔地兩公頃，即係幾大我唔知，但係我地行一個圈計埋響展望台小賣部shopping大約都係用左大半個鐘啫~~

行晒成個花丘已經差唔多兩點，我地就響花丘入口前嗰間餐廳食午餐喇~

好有一種民宿feel~

我要左個日式草姑意粉

老爺嘅咖哩豬扒飯，賣相好可愛~~

仲買左個可樂

同埋提子汁，好好味~

食飽之後當然走去餐廳前面嘅souvenir shop巡返個圈入返D貨先啦.......

成功掃左DD薰衣草精品後，我地就離開起程去下一站 拚布之路喇........(待續)

下一篇︰所謂名木....有咩咁特別呀???