2009年8月北海道親親大自然之旅 - 意料之外嘅花花世界

DAY 2
PART 4 (美馬牛．菅野農場)

上回講到離開北西之丘展望公園，心入面因為搵唔到Mild Seven之丘而有D耿耿於懷，但係老爺唔想再嘥時間響條拚布之路兜黎兜去，所以就唯有放棄直踩去深山峠今晚入住嘅地方.......

我地沿住237國道行，沿途都係D樹林同一片片田園，百無聊賴開始想搵周公傾下計之際，忽然駛經一處五顏六色嘅地方，當堂精神一振!! 望下地圖，原來我地唔覺意去左美馬牛嘅管野農場......

本來心情麻麻嘅我地，突然見到咁靚嘅大片花田，嗰種興奮程度真係好難形容，總之就係勁雀躍，唔駛講梗係拿拿聲泊低架車走去狂影相啦~~

 *** 管野農場Kanno Farm 自駕資料 ***

網址︰http://www1.ocn.ne.jp/~kanno/
地址︰空知郡上富良野町西12線北36號
電話︰0167-45-9528
Map Code︰389 070 368

 

 

 

Wow!! 成個山頭都係花呀!!!!

有好多我最鍾意嘅綠色球狀植物~~

有個著住衫嘅稻草人響度唔知望咩........

景色超靚!!!!!

一大片紫色嘅花田，好靚呀~~

其實呢個花田唔係好大，旅遊書介紹話只係佔地0.7公頃，但因為D花花好集中，一排一排由上而下咁連綿間住栽種，所以好有層次感!!

最意外竟然仲有薰衣草呀!!

D花花真係好靚呀!!

可以行上山丘上面影返落黎，不過我地行左一半無繼續行，因為好大風好鬼凍.......

影到停唔倒手!!!

一樣有白色嘅薰衣草~

狂影完一輪相後，發覺山腳有兩間木屋仔.......

原來係小賣店呀.....Yeah!! 我最愛蒲嘅地方呀~~

即刻以九秒九速度衝入去......

Oh...my...god!!! 入面有好多精品呀.......咦!! 係咪幻覺呢? 我feel到佢地好似響度等左我好耐，一去到就大大聲呼喚我快D黎揀啦咁......

正!! 一角有好多乾花製成品......

成個屋頂都掛滿晒乾花!!.....我要買呀))))

呢D都忍唔住買左.....

下面嗰格係香薰用品......都買埋!!!

唔知係咪之前響拚布之路太down關係，響Kanno Farm本人好似發左癲咁買左好多唔等使嘅野......不過唔緊要啦，最緊要係買得高興嘛......

心情勁靚......來來來，大家睇下，由精品店望出去外面個花田都特別靚D嫁!!

好滿足咁shopping完，出返去室外，另一邊有一大片薰衣草田，不過已經謝晒~

仲有溫室

呢個身形有姚明咁高大嘅人兄又係稻草人先生黎嫁.......

呢間屋仔都有幾個稻草人公仔......講真如果夜晚黎見到都幾恐怖.......

逛完呢個農場，好滿足咁離開，因為呢個景點唔係預算之內，所以真係有種特別嘅驚喜，而呢個花田嘅花花亦無令我地失望，甚至可以算係我地今個旅程入面最靚嘅一個花田!!

離開管野農場，我地又起程去下一站，深山峠......(待續)

下一篇︰玩到唔捨得走嘅美術館~~