2009年8月北海道親親大自然之旅 - 「豪宅」巡禮

DAY 3
PART 1 (深山峠．Woody Life)

 

 

 

 

第三日啦!!!

七點鐘就俾晨光照醒......

張tatami好舒服呀~~

起身望出窗外，啱啱有棵向日葵對住，一朝早就見到靚靚嘅花，心情都靚D呀~~

黎左美瑛深山峠咁耐，係時候要介紹下我地嘅住宿.......所謂豪宅，其實係講笑啫，只不過係我地今次住呢間pension，係有兩層樓嫁，出去旅行咁耐，都未試過住兩層樓嘅獨立屋，仲唔算係「豪宅」?!

睡房響二樓，屋頂係尖嫁，天花正中有個吊扇燈~~

好鍾意間屋仔D窗，全部有顏色圖畫~

二樓其實好簡單，無咩擺設，純粹放兩張tatami~

成間屋都係木做嫁~

呢個係全棟屋嘅大門

成棟木屋有兩伙住宅，開左大門後就係兩間屋嘅入口，我地住左手邊，右手邊住嘅都係香港人~

門牌唔知寫乜

一入去就係toilet......

旁邊係拖鞋架 (另外有鞋架響大門入口)

之後又係一道大門

客廳

客廳大燈

樓梯通去二樓睡房.....

浴室好乾淨企理

有齊一般電器.....

外面係花園

可以坐響度欣賞下花田景色，如果唔怕蚊嘅話......

景色OK嫁，視野幾廣闊~

參觀完我地呢間木屋，係咪都覺得唔錯呢? 當初搵美瑛富良野住宿時，一心已經要搵D pension住下，不過我個人真係超級麻煩，首要一定要有冷氣，toilet同浴室更係必需，仲要有埋TV，咁又想住下D獨立屋仔，而美瑛富良野一帶要有齊以上幾點條件，其實唔係得好多間揀，所以雖然呢間Woody Life比較貴DD，但我呢個嘥錢精就唔理三七二十一即刻第一時間走去做reservation喇~~

睇完我地間屋仔，再睇下成個民宿嘅環境啦......

民宿嘅入口......

附近都有另一間民宿~

民宿周圍都係花田，不過D向日葵已經謝晒......

停車場，右面第二架就係我地架戰車喇~

除左我地嗰棟兩層木屋外，仲有兩間獨立屋仔，不過比較細，好似得100呎左右~

好的骰但好可愛~~

有木頭鷹幫你守門口.....

紅色屋頂呢座就係事務所同用餐嘅地方.....

成間民宿處處都種滿花花草草......一朝早響度散步好舒服呀!!

小蜜蜂一早就做採花賊~

呢個係通去我地間屋仔嘅小路....

環境好舒服，不過我每次行過呢條小路我都好驚有昆蟲會彈出黎.....

呢座係老闆嘅私人展覽館，入面收藏左好多貝殼，食完早餐佢就會帶我地參觀~

呢度係餐廳後面休憩嘅地方，最後面灰藍色屋頂就係我地間木屋仔....

呢張玻璃面嘅茶几，裡面D貝殼裝飾係老闆自己做嫁......

響民宿周圍逛左一陣，八點鐘就去食早餐喇......(待續)

下一篇︰溫馨的早會