2009年8月北海道親親大自然之旅 - 唔願返歸嘅兩個人......

DAY 2
PART 6 (美瑛...中富良野)

離開魔幻美術館，我地又揸返幾個字車走返去美瑛，目的係搵食

.......沿路靜蠅蠅，真係鬼影都唔多隻，都係六點幾啫，D人咁早返晒屋企返旅館做咩呢??

睇旅遊書發覺美瑛D食店同餐廳好多都好早就close，真係唔明，點解唔做夜市嫁? D人唔出街食飯嘅咩?? 就算當地人唔興出街食飯，外國遊客都要食飯啫.......

響無乜得點揀嘅情況下，我地決定走返去下午去過嗰條拚布之路一帶，雖然都係D渺無人煙嘅小路，但話晒D路都叫做有D印象，一陣食完出返黎都唔駛夜媽媽唔知訂~~

我地最後去左一個之前都曾經考慮入住嘅民宿，Potato Village，因為知道佢地有間餐廳係close八點半.......

就係呢間Blanc Rouge，個外形好歐陸色彩呀......不過外面勁多蚊.......

入面嘅食客基本上都係Potato Village嘅住客，因為我地一踏入去個負責人就問我地係幾號房......

 *** Blanc Rouge 自駕資料 ***

網址︰http://www15.ocn.ne.jp/~blanc-r
地址︰上川郡美瑛町大村村山
電話︰0166-92-5820

 

 

 

我地要左一個魚&一個牛，一個要齊course & 前菜，一個只跟飯同沙律set~~

以下張相，玻璃反影嗰兩個人一路行埋黎我地旁邊張枱，我求神拜佛希望唔好係香港人，點知希望落空......其實大家都知對方係香港人，不過即使坐響隔離大家都無打招呼......其實我地都唔係真係好介意撞到同鄉，不過唔知點解有好多香港人出到外面好鬼cool，你望一眼就知同佢地唔會有計傾~~

呢個係前菜....個蜜瓜好鬼甜!!

個餐湯係凍嘅，或者其實因為係凍湯.......

簡簡單單嘅沙律，不過好新鮮~

我嘅魚，不過最好食都係D薯仔，唔知係咪就係出名嘅男爵薯仔呢??

老爺嘅牛扒

每人一碟白飯

飯後甜品

唔少得嘅咖啡

食飽離開，成個天已經黑晒.....夜晚駕車無難度，但係呢條拚布之路係一盞街燈都無嫁，只係靠自己架車嗰對車頭燈睇路，四周黑漆漆一片，最慘你又知道周圍都係原野，鬼咁空曠又渺無人煙，都唔好話唔得人驚，我地一路行我一路好驚唔知會唔會有D咩野由D田園走出黎.........

行完條拚布之路，出返去美瑛市大路，總算有小小街燈，但四圍都一樣係死寂一片!!人呀人!! D人去晒邊呀??

 話晒都叫做美瑛市中心，都唔期望有咩夜市，但點都只不過係夜晚七點半倒啫，搵D人氣睇下都好掛........

七點半，平時都未食飯，咁早返旅館做咩呀?? 好彩之前上網搵資料時，見過有網友去過中富良野一間超市，好似話close九點，啱晒我地呢D夜遊人!!

於是兩條唔願返歸嘅茂李，決定揸住架車響條靜悄悄嘅237國道飛馳，由美瑛直駛去中富良野......

行左大約二十分鐘就到左呢間叫Bestom嘅大型超市~

 *** Bestom Super Center 自駕資料 ***

中富良野店
電話︰0167-39-3000

 

 

 

呢間supermarket真係好大，睇唔倒盡頭.......

除一般食品，有賣衫褲.....

賣鞋.....

運動用品

Golf Assessories

仲有100yen shop!!

好想買左佢帶返公司掛響D狗賊嘅partition或者門口

，不過有人唔俾........

行得攰可以停低玩下遊戲機~

甚至有埋傢私~~

雪糕機都有!!

我地行左一個鐘都行唔完，真係唔想走，不過人地差唔多要close.......

係咁意買左三袋啫~~~

返到去pension，九點幾，食宵夜時間~~

仲有響supermarket買嘅赤肉蜜瓜，498 yen!! 超平呀))))))

好好味，勁甜

.......好想再食

........

食飽飽，響屋仔攤抖一下，睇下電視，之後就上樓去教教豬喇

.......係呀，係上樓呀，因為我地呢間屋仔係有兩層嫁~~

下一篇︰「豪宅」巡禮