2月22日 (DAY 4 - PART 2)
晨早響大自然之下泡完靚靚湯,成個人都精神晒
.......浸完浴好肚餓! 係時候去食早餐.........都係坐返尋晚食晚餐嘅地方.........
外面嘅風景~
一個人嘅坐位,都好正喎!!
溫泉旅館嘅日式早餐,間間都係咁上下,D野食已經set晒響度........
飛驒地區,一定唔少得朴葉味噌
其實我覺得呢隻魚食得好麻煩,D細骨又多,肉又小.......
嬸嬸響度攪咩呢?
原來係磨豆腐~
果汁任攞......有人飲完一杯又一杯
,真失禮........以為係咩.........
原來只係一煲面豉湯!
呢個早餐只係一般,唔係好多野食
......好彩有咖啡,真係救左老爺一命!!食完早餐,旅館老闆話九點鐘響大堂有個show,叫我地一定要去睇.......未夠鐘我地就四周逛下影下相~~
Souvenier shop開左啦,買返D野先!!
大堂另一邊有個日式休憩地方,有個火爐.......
燒緊魚喎,係咪一陣間請我地食呢?
大堂嘅環境幾靚~
天然雪櫃
凍嘅唔啱,可以揀熱~
原來表演整野食.........
師傅將D米飯不斷響度鎚~
老闆叫我地當師傅每鎚一下我地就叫一下佢加油..........
個個一路影相一路叫加油,好有氣氛!!
老闆負責加水,我成日好驚師傅一個唔覺意 "dub" 左落去老闆隻手........
師傅 "dub" 到咁上下,老闆就請我地出去試下玩.......老爺真失禮,第一下 "dub" 左落個邊位度,好彩之後都叫 "dub" 得中........
我仲瘀皮,好似玩緊慢鏡重溫咁.......枝鎚原來好重嫁!! "dub"左落去要抽返起枝鎚都要用D力........
個個都出去玩,大家都玩得好開心.......不過嗰堆米係人都走去 "dub" 兩下,唔知變左咩樣,最後都要老闆佢地執埋D手尾........
呢個就係大家嘅製成品嘞,每人一碟,味道都OK嫁,好似我地嗰D糖不甩咁上下,不過我覺得糖不甩煙韌D.......
又食又拎又有表演睇又有得玩,真高興........玩完亦係時候離開,入房攞返D行李就埋單走人.......
響門口影返D相留念先~~
Bye-bye!!
離開槍見館,我地向住新穗高吊車站駛去........
(待續
)
沒有留言:
發佈留言