2月21日 - DAY 3 (PART 4)
知床Utoro溫泉
坐左接近一個鐘頭嘅巴士，差不多五點半終於去到知床Utoro溫泉，今晚入住好多香港人去知床都會揀嘅知床グランドホテル北こぶし (知床Grand Hotel)，呢間酒店我地係經jalan做reservation，d packages真係多到呢，總有一款啱大家，同埋d價錢我覺得唔算特別貴囉，就算係我平時最鍾意住嘅露天風呂付客室，較平嗰d基本上都係around 19xxx円一個人，臨近出發日仲有d做special promotion，只需16xxx円一個人咋，超平囉，不過special promotion當然好搶手，d plan一出就即刻full，我咁lazy當然唔夠人快手.....再加上響呢度夜晚同朝早我地都有戶外節目，留響房嘅時間唔多，所以一開始其實就無打算book私家風呂房啦~~
我地book左本館七樓嘅展望和洋室，呢種房比一般普通房貴dd，因為高層同埋有好大面窗對住無敵大海景可以欣賞流冰....不過其實都幾無謂，老爺話唔知我book黎做咩，我地去到呢晚已經天黑，外面咩都睇唔到，第二朝晨咁早又出左去玩流冰漫步，玩完返黎又趕住走，根本都無咩時間坐響窗前慢慢欣賞.....結論︰又係嘥錢一例!!
好快搞掂check in.....有兩條room key，好方便~~
房間都算幾大
有個好闊落嘅窗台，可以坐響度欣賞窗外嘅流冰，不過去到天已經黑晒 lu，咩都睇唔到啦~
房間設備都好齊全.....
連咖啡機都有，夜晚浸完浴返黎又可以玩下~
我鍾意個washroom，地方夠大，有兩個sink盆，同埋一張凳，唔好睇小呢張凳，好多溫泉旅館都無，好似好小事，但有張凳可以坐響度洗完手慢慢除con帶con，個感覺真係爭好遠~~
呢堆野全部俾我攞走晒~
響房hea左一陣，因為今晚晏d要出去睇激光show，所以六點鐘就去食dinner.....
食dinner嘅地方叫知床テラス ダイニング波音，響二樓~
食事處好大好闊落~
我地被安排坐響最角落位置，無咁嘈~
今晚又係食buffet.....呢間野，真係好多野食揀，同埋好多野都幾好味.....
我鍾意佢有列明當日有咩刺身，雖然唔知寫咩，但個感覺就係好似矜貴d
有好多款揀嫁~~
又有長腳蟹~
全部係有機蔬菜~
甜品都有好多種類.....
大家快來開餐啦!!
先啤啤佢，cheers!!
呢度d雪糕有好多款，不過太飽我只係試左三款~
呢個buffet幾正唔錯，不過比較美中不足係d碗碟無waiter收拾，擺到一枱都係~
食飽飽將近七點半，又係時候返上房著返d禦寒衣物，準備八點鐘要去睇極光show!!
(...待續)
話時話，我都幾鍾意住呢種和洋室架，有高床軟枕之餘 ( 訓唔慣和式房的話會好似訓地下咁架 ! )，又不失日本 feel，而且和洋室的房一般黎講都好似大間 o的咁，最 o岩我地 shopping 完一袋二袋隨便掉 o係地上都唔覺亂呀 !
回覆刪除想問淺藍色果個雪糕，係唔係流冰味雪糕呀 ?
[版主回覆05/11/2011 17:17:00]哈哈~你個point都係想講話shopping完一袋二袋啫
講真，我真係唔多記得d味道，除非係超好味或者超難食，否則我一概都係用幾好味形容囉...不過我估應該唔會係流冰味囉，流冰有味嘅咩??
呀 … 我個 point 係話和洋室夠大 o者 ( 唔好拆穿我啦 ! )
回覆刪除我食過流冰雪糕同糖都係粉藍色架，但就唔記得咩味 ( 印象中咪就係冇味囉 只有普通甜味 )，所以問下你
[版主回覆05/13/2011 15:56:00]我都鍾意和洋室，通常都真係大好多，學你講，shopping完返黎攤開擺到一室都係，嗰種感覺真係好正
係呢個時候見到日本d buffet又開始流口水, 是日剌身又唔少喎, 好懷念呢!!!
回覆刪除[版主回覆05/13/2011 15:57:00]睇住相頂癮先啦，都唔知幾時先有得去~
個自助餐幾正wo, 去旅行我都鐘意食自助餐, 可以揀自己喜歡的. 好想去北海道呢, 唔知幾時可以去
回覆刪除[版主回覆05/13/2011 15:58:00]ok嫁...睇住相頂下癮先啦，我都好想去北海道呀~
果度寫住『勝手丼』.......
回覆刪除[版主回覆05/13/2011 15:59:00]我知呀，不過下面d字唔知點解囉~
你嘥錢就全宇宙都知啦 , 你第一, 我第二
回覆刪除去知床10個9個都系住呢間, 我去住個晚系假期前, 住有溫泉房, 我地個間既湯碗溫泉應該系最大, 不過3條友埋單63000YEN, 傅小孩仲系比入館費咋, 而加去要70%, 我唔捨得LU, 餐懷石料理就好好食.
[版主回覆05/13/2011 16:19:00]哈! 難得你自己肯認第二...阿太! 嘥錢呢家野，你認第二真係無人敢認第一，我地呢d小兒科，逛街都係買下衫買下袋，有幾可會買焗爐同煲同大電視，仲要唔貴唔買，講敗家我一早已封你做我偶像
63000!! 我地包埋玩流冰漫步都係萬九円一位，你話邊個敗家??
呢間酒店自助餐唔錯, 款都好多, 我地都食左好多round, 勝手丼的三文魚籽任食, 熊貓仔唔客氣舀左好多!
回覆刪除[版主回覆05/13/2011 16:27:00]係呀!! 我都攞左好多三文魚籽，真係好正!!
piggybread : 白朱古力噴泉 ? 唔係嘛 ~ 呢間酒店要記低 .
回覆刪除仲有 : 300年 , 好快過架咋 .
Bye Bye !
[版主回覆05/13/2011 16:28:00]ok嫁，白朱古力都唔係好甜啫~
睇完好想即刻去日本呀!! 呢間酒店個buffet好得呀, 是日刺身都有咁多款!
回覆刪除[版主回覆05/13/2011 16:29:00]係呀，d刺身都算幾多，同埋都算新鮮囉~
點解你可以咁平? 如果有下次再去我都唔住有溫泉既房了, 去得多溫泉酒店已經唔怕同其他人一齊浸.
回覆刪除買衫買鞋都可以好貴, 你買到要比幾萬YEN寄返來, 你唔記得左? 你同我半斤八兩啦
[版主回覆05/13/2011 16:54:00]點解咁平? 因為我聰明囉 ...一見佢出流冰漫步plan就book啦~
話雖如此，私家風呂始終可以一齊浸傾下計唔駛咁悶，我地呢d鍾意講野嘅人把口真係可以唔停，同埋可以隨時去浸都得嘛，所以我都係like私家風呂室嫁~
算把啦，大家唔好再推讓，我認沉迷shopping，你就沉迷貴價酒店囉 (你唔好再同我拗，你沉迷貴價酒店呢樣野真係出晒名啦 )
下而啲字........就係已經落晒妳個肚消化埋嘅刺身名囉.......,其實妳係咪想講上面好細行果行字?朦到我睇唔到佢寫咩
回覆刪除[版主回覆05/13/2011 16:57:00]係呀，我係想講上面d字先啱
你沉迷貴價酒店呢樣野真係出晒名啦
回覆刪除你米標籤我呀! 我唔認架 , 我去享受下人地既美好生活o者, 一年一次, 如果要體驗生活就去第三世界國家!!!!
[版主回覆05/14/2011 11:22:00]Me 2, 都幾十歲啦 (我講我呀)，仲體驗生活!!...我都係鍾意享受人地d美好生活，不過要$$囉
考眼力好好玩
回覆刪除個綠色牌仔上面應該寫住「おしょう油は奧です」... 鼓油放面
BTW 哩間酒店都幾好咁喎！
[版主回覆05/16/2011 22:59:00]原來咁意思，好搞野~
OK嫁，我地幾滿意嫁~
好耐無上嚟，近况好嗎？
回覆刪除[版主回覆05/16/2011 23:01:00]OK啦，都係咁上下，成日想去日本囉，不過隔離嗰個唔肯，無計~
正 ~
回覆刪除[版主回覆05/16/2011 23:01:00]係呀，OK幾好嫁~