2011年2月北海道道東道北12日 - 知床極光Show

2月21日 - DAY 3 (PART 5)
知床Utoro溫泉

食完個buffet晚餐，返上房攞返d禦寒衣物，我地就去睇知床激光show嘞.....酒店lobby有counter賣入場卷......

入場費300円

仲即刻俾定個體驗証明書~

個staff話會有人帶我地去會場，叫我地響lobby等一陣集合埋一齊行.....響等嘅時刻當然周圍影下相.......

有個流冰館......

入面嗰d係真係由霍鄂次克海流過黎嘅冰，長期keep住響零下十幾度~

仲有對流冰嘅詳盡介紹.....

有天使流冰魚

你真係不得不佩服日本人，連Q & A都有~

d天使魚好難影......

有野試飲，有人又飲完一杯又一杯，唉~

有時間又蓋下印仔先，不過今次d顏色好淺.....

酒店lobby都幾大，當然唔小得souvenir shop，不過而家無時間行住，睇完show返黎先shop啦.....

等左一陣，就跟住大隊行嘞....由酒店行去會場大約10分鐘，一出左酒店就見到條街好多人向住一個方向行，大概都係去會場睇show，好多人，個感覺幾熱鬧.....去到會場入口先要經過一條時光隧道.....

所謂激光show其實係一個模擬極光show，據講響1958年知床曾經出現過極光，為左重現當時嘅光景，由1987年開始，知床Utoro溫泉每年都會舉辦知床極光祭，利用激光同煙霧造成嘅效果重現極光幻象~

會場嘅setting只係響空曠嘅廣場上set左一個小型stage，後面就係黑媽媽嘅大海同夜空，觀眾就一排排咁企響度望住個天.....我成日都覺得冬天響日本睇呢d祭典好奇怪，好似上次響白川鄉等睇點燈咁，成班人凍冰冰咁企響度唔郁齋等睇表演，個感覺就好似一大郡企鵝企響度齊齊望住個海唔知做咩.....

激光show開始前又有d著左公仔服飾嘅工作人員先講下d開場白表演下咁.....

好快就開始嘞.....

響漆黑嘅夜空之下，唔同顏色嘅激光同煙霧四射，襯埋會場播放嘅音樂，都幾有feel~

想感受一下現場氣氛，去片.....

結尾係一條好可愛嘅天使魚.....

對翼拍下拍下幾得意.....

最後係個心心~~

呢個極光show都ok啦，雖然只係利用一d激光造成嘅效果，同真嘅極光可以話一d都唔似，不過現場有音樂同旁述，就算唔知up咩都算幾有feel....我地去日本睇呢d冬日祭，基本上都係抱住一暏無妨嘅心態，至在參與，所以唔會有咩好高嘅期望，真係好好睇好精彩咪拍多兩下手掌同人讚多兩句囉，單調d亦唔會媽人地，人地攪個event出黎，又唔係收得你多錢，仲想點，我地而家都儘量學去包容多一d啦~

表演完畢d人開始陸續閃......

我地當然唔會閃住，係都要磨爛蓆，趁無咩人睇下會場仲有咩睇先......

原來都有d冰神社，不過當然無層雲峽冰瀑祭打左燈後咁靚~

會場盡頭好似仲有d野......

係流冰露天風呂......嘩女湯嗰邊真係有人浸緊，又凍又暗好勇啫!!

仲有個展覽室......

展覽室show左d魚同海澡咁，無咩特別.....

呢條好似係mini shark??

有天使流冰魚~

睇完展覽室就行返出去......呢個就係剛剛我地成班人好似企鵝咁企晒響度睇激光show嘅地方，而家d人已經散晒......

行返出去條時光隧道，仲有班香港人未走好high咁響度影相，我地當然都趁無人迫影返d造型照先啦~~

同呢個公仔影相，條友唔知有心定無意，無啦啦俾佢抽左一下水，好在我件羽絨夠厚.....

雖然話呢個show要收入場費，但會場都只係放左個箱響入口俾大家放低入場卷，衰d唔買飛入場都無人理.....日本人就係最識自律，唔好成日話針對祖國，我絕對相信同樣情況香港起碼有一半人會唔買飛囉~

離開會場，d人散晒可以慢慢睇下周圍係咩環境.....近海，有d船泊左響度......

有個手湯，d水都幾熱，剛剛可以暖返下已經冰凍左好耐嘅手~~

會場出口附近有壳店，唔駛講當然二話不說貢入去......

入面都有d野賣......

有免費甘酒飲，不過咪搞我，老爺去飲埋我嗰份~

燒緊炭，室內好溫暖~

請問邊個遊客會買呢d咁重嘅鹿角返屋企??

響壳店混左一陣吉就閃人.....壳店附近仲有幾間shop未close嫁，我地當然唔放過.....呢間酋長之家好多木製品同其他精品賣.....

店入面都有印仔蓋......

我地響呢間酋長之家都hea左一段時間，店主好識做猛咁同我地用英文單字傾計，又讚我kawaii，搞到我鬼死咁開心，咁呢個世界當然有來有往，我地最後都放低幾兩銀攞返d精品走啦~~

之後就行返去酒店，呢日未完嫁，因為我地仲要趕返去浸浴同shopping呀!!

(...待續)