2011年2月北海道道東道北12日 - 抵達阿寒湖

 2月23日 - DAY 5 (PART 3)
釧路 > 阿寒湖

響釧路JR站食左個簡單嘅lunch，差不多兩點，夠鐘搭巴士去阿寒湖....今晚我地會住響阿寒湖鶴雅集團嘅鄙の座，據講呢間野係一間高級溫泉旅館，所以我地都幾期待....旅館設有免費shuttle bus接送，上車嘅location就響JR站外邊左手面站前巴士站附近...呢個shuttle bus要之前預約定，車長會同你confirm姓名就可以上車~




14:00準時開車....呢程巴士都好多人坐，因為真係幾抵，如果自己搭公共巴士由釧路去阿寒湖車資要2,750円一位嫁~



上左車無耐我地就開始瞓...大約一粒鐘之後去到一個道之駅，大家可以落車去個toilet鬆一鬆...



呢個道之駅都有個細小嘅便利店逛下，我當然唔放過，唔買野行個圈都好...



好快要上返車~









大約15:45就到阿寒湖....shuttle bus會響唔同嘅酒店放低d住客，停左兩間酒店之後就去到鄙の座....全架車得我地兩個落車，我諗好多人都係住鶴雅，如果下次再有機會去我地都想住下....落左車已經有幾個人企左響酒店門口迎接我地，你話我虛榮都係咁話，我真係好鍾意日本呢d溫泉旅館嘅接待方式同態度

先要經過一條長廊....


一入酒店玄關位就有張好型嘅大木椅，有名堂嫁，叫湖森之座...


同大部份溫泉旅館一樣館內係唔可以著鞋...呢間旅館嘅土間好大，但問題係又唔係有好多凳俾人舒舒服服咁坐響度換鞋喎，咁要咁大地方做咩呢??


當時一入到去有d混亂，因為好多職員響我地身邊，我地只知道需要除鞋，無留意稍遠處有張凳可以坐...於是就有d狼狽咁企響度除鞋，但d職員又無示意我地埋去張凳嗰邊...或者你地又會覺得我好 "港嬸"，咁都要哦一餐，但老實講，站在消費者嘅角度，咁高級嘅一間溫泉旅館，我會expect d細節會做得好d， d staff會細心一d囉~


除左鞋就入去lobby lounge做check in....


環境真係好優雅~


呢張bar枱真係好長...


一邊check in 一邊望住落地大窗外嘅阿寒湖雪景~


職員首先遞上有淡淡薄荷香味嘅熱毛巾....真係，抹個手都好似矜貴d


迎賓茶點


係pudding同袖子茶，好味!


填寫簡單嘅入住form....我想講嘅係枝筆，係鋼筆而非原子筆


地方真係好大，不過一個人都無，成間酒店任何時候都好幽靜，事實上由check in嗰刻至check out離開我地都無見過一個住客~


有個女職員同我地講解左一d酒店嘅facility，佢d英文好掂，溝通完全無問題，之後就帶我地去揀浴衣，又只係女士有得揀，男士得一款~


之後就帶我地上房...鄙の座全個旅館將部屋劃分為五款，總共有25間房，最豪嘅係「天の座」，房價最貴要成84,000円一位，當年舒淇嗰套非誠勿擾就係響度拍左個湖景shot，好鬼正....咁天價住一晚我地當然住唔起，我地揀左「森の座」，所有房間都係面向內街，無景睇...我地住五樓，全間酒店幾乎最便宜嗰個plan...


不過對於我地黎講，超過六十平米嘅酒店房間已經好大，面積大唔大其實唔係最重要，最重要係感覺住得舒服...女職員好詳細同我地介紹房間入面每一樣設施，真係介紹得好detail，講左成十分鐘，係我地住咁多次溫泉旅館之中最好嘅一次presentation，good 呀! 

女職員離開後我地趁未搞亂間房先影幾張相....呢個和室係休憩同瞓教嘅地方....

睇下有d咩welcome snack....

和果子

黑豆

呢個咁精緻嘅小盒係咩呢?

有名堂嫁，叫名水甘納豆...

呢個甘納豆好好味，我地幾乎食晒~

又係咩呢?

哦，知道你地食完野要用牙籤

房嘅另一邊係起居室

外面就係私家風呂~


景觀係向內街...


對面有間Lawson~

係咁意求其影左幾張相，趁天仲未黑我地就打算出去商店街逛下...之前招呼我地嗰位女職員曾經講過話如果我地外出可以安排酒店車接送，咁我地就諗住去front desk請佢地安排，點知一去到個職員以為我地要去鶴雅浸浴 (鄙の座嘅住客可以任用鶴雅集團旗下酒店嘅設施)，拿拿聲走去攞左兩pack梳洗用品同毛巾俾我地，雖然我地都好想去浸下鶴雅嗰個景觀一流嘅露天溫泉，不過時間實在唔夠，希望下次有機會啦~

好快地酒店就安排左架車送我地去幸運の森商店銜...呢架酒店車個內籠好闊落，我地坐上去真係好有賓至如歸嘅感覺，唔計剛到酒店換鞋嗰part有些少失望外，成個過程我地都覺得好似VIP咁，上左車我同老爺竟然都不約而同哼起葉麗儀嗰首廣告歌︰Hey, big spender...真係笑左出黎呀

司機話如果我地幾時返酒店隨時打俾佢地，即刻會安排車黎接我地~

我地首先去愛奴部族村落看看...

愛奴族係北海道原住民，而阿寒湖畔嘅愛奴部族村就係北海道最大嘅愛奴族村，愛奴族人運用舞蹈同傳統工藝傳揚文化，而呢度一帶嘅商店大部份都係售賣木雕工藝品...

貓頭鷹係愛奴族人嘅吉祥物，周圍都見到佢地嘅蹤跡~

呢度d建築物好有民族特色...

兩旁有好多間原住民商店...

d裝修好有原始民族風味~

時間有限，我地都係行左個圈，之後就行去幸運の森商店街...

聞名已久嘅鶴雅溫泉旅館

呢條商店街d shop 大部份都係賣d木雕紀念品...

唔知係咪而家太多內地遊客，間間舖都貼左「歡迎使用銀聯卡」字樣，係簡體字，好似返左內地咁...店舖d人一見我地就用普通話招呼我地入內，本來當我地係內地客唔緊要，反正而家全世界都當內地客係大豪客，我地都唔介意俾人當上賓招待，不過有一間shop，我地都未行入去，只不過響門口望緊之際，個老闆即刻黑住面同我地講 No discount, no discount....有無搞錯，當我地係咩人，本姑娘響日本shopping從來唔講價嫁!!  哼，即刻扯住老爺走人!

我地一路沿住條商店街向鄙の座方向行，都shop左小小野啦，始終木雕工藝品唔係我杯茶~

行完條商店街，老爺望下個map，發覺都已經行左一半路，行多一陣都就到酒店，不如索性行埋返去啦，唔駛call酒店shuttle bus黎接我地...邊逛邊睇下雪景都幾寫意~

返到去酒店個天都未黑齊...

每次行過呢條長廊都會有風鈴聲響起，好好聽~~

呢個時候未夠五點半，我地約左六點dinner，趁有d時間一於去浸下溫泉relax下先....

(...待續)