2011年10月日本北九州5日 - 小休返來啦!!

Hello hello!! 踏入十月，又係一年一度嘅小休時間啦，趁住國慶同重陽有幾日假期，我地揀左日本嘅北九州去玩左五日....

其實呢壇野要由一年前開始講起，哈哈，咁講有d恐怖，我寫野咁龜速，由一年前講起有排唔到尾....長話短說，舊年呢個時候因為asia miles儲左d分夠期要兌換，but當時已經搞緊年頭嘅北海道trip，知道今年已經無咩年假，所以就揀定左今年個國慶假期諗住請三日假就有六日玩，當時想去北海道，十月頭或者有紅葉睇嘛，不過 of course免費機位一早已經full 晒，於是唯有揀去東京，當時CX啱啱開始做凌晨機，咁諗住去東京近郊都OK唔錯，後來就發生311事件，最初都以為要取消暫時唔可以再去日本.....當然香港人都好善忘，過一陣好多人又去返晒，不過屋企人始終唔係咁想我地去東京啦，所以一路都懶懶行無去搞，去到九月頭CX打電話黎話個凌晨機OK無改，咁我地就諗住不如飛東京再轉去大阪，不過一check之下發覺無論轉機或轉JR d時間都好唔夾，正當愁緊之際CX又打黎話個凌晨機要cancel改下午機，唉，去得嗰五日第一日去到成田都天黑啦，仲要轉來轉去，諗起都煩，於是把心一橫唔飛東京加多d里數改去福岡算~

去過咁多次日本，其實未試過自遊行去九州，只係N年前跟團去過鹿兒島阿蘇火山同豪斯登堡，已經無咩印象，所以今次去都好有新鮮感.....九州都好大，去得五日當然無可能去晒，今次我地只係揀左去福岡市、長崎市、湯布院同別府，景點都係出名嗰d啦，我地最鍾意去人氣景點....長崎市當然係睇原爆館同夜景、湯布院就浸溫泉、別府一定係睇地獄、而shopping當然就響福岡市.....

先講講景點，日本三大夜景之一長崎市，講真，函館靚d囉~

湯布院，呢間溫泉旅館唔錯，自己房間都有三個私家風呂，真係浸到皮都甩

今次個日程雖然唔算長，但愈來愈lazy嘅我一直都好hea唔去做planning，咁唔駛講我咁懶梗係唔想左度右度JR班次而要老爺自駕啦.....今次我地揸返Toyota，已經係第四次響日本自駕，總算叫第一次好順利咁攞到車，亦係從未試過竟然無行錯路，可以話咁多次日本自駕遊最ichiban係今次呀，而想去嘅地方基本上都完成晒，好happy呀!!

不過人生又點會咁順暢呢，正當我地好開心咁以為今次個trip將會無驚無險好正咁過左去之際，樂極總會生悲，唉，我呢個PK王又PK啦，今次仲要好 "應" 嗰隻，即係連救命病棟24小時都要參觀埋嗰隻....

唔信? 俾大家睇下我響救命病棟治療完出黎嘅完美無暇look啦.....



 唯一叫不幸中之大幸嘅係第四日先PK囉.....如果係第一晚就PK就真係邊度都唔駛去，不過當然最尾亦都無得響福岡盡情咁shopping啦，所以今次買左好小野，一路好擔心嘅行李亦係無超重嘅，最終好沮喪咁要帶返好多円返黎HK

OKay，係時候要循例咁俾大家look下今次究竟shop左幾小野，唉~

化妝&護膚品，數量小得出奇，有一部份甚至係響回程機上買先有咁嘅狀況

Kitty products，仲小.....最basic嘅電話繩，only ONE....慘不忍睹!!

食物亦唔算多 (嘆氣ing)

好在之前第一日買左箱拉麵

總算執左幾件減價衫

慣例大合照......有無搞錯，張梳化竟然搵到吉位!!!

所以，九州，I will be back)))))

至於詳細遊記，這個....總有一日會寫到吧

(...待續)