2011年2月北海道道東道北12日 - 早晨! 阿寒湖~

2月24日 - DAY 6 (PART 1)
阿寒湖

第六日啦! Good morning~~

一起身走出去睇下外面個view先....

晨早起身當然第一時間浸下個私家溫泉啦....唔浸盡佢點對得住已經乾晒塘嘅銀行戶口~

一朝早浸個熱辣辣嘅風呂，正呀!

之後坐響度relax下，好舒服呀!!

今日嘅行程好鬆動，約左七點半食早餐，趁仲有時間我地就諗住出去外面阿寒湖逛下，雖然尋晚去冬華美祭典已經去過，但只係見過夜景，一場黎到，一定要去睇下日景嫁~

朝早酒店已經將住客d鞋放定響度方便大家外出~

出左酒店左手面行一陣就見到會場嘅指示...

兜個彎就見到我地間酒店，呢邊d房向住湖面，風景好正，當然房價都好金....

一地白雪，好靚呀~

橋下面應該係湖水，而家俾厚厚嘅白雪鋪蓋住~

中間大玻璃嘅位置就係我地尋日check in時坐嘅lobby lounge，左手面就係足浴，晏d有時間要去浸浸呀!!


呢間New Akan Hote係好大型嘅酒店，個lobby樓底好高好宏偉，尋晚由湖中心望返過黎d燈色好搶眼~

呢個就係New Akan Hotel嘅後門，好似d深山洞穴咁...

睇下酒店中間大玻璃窗部份就係酒店lobby，個feel好grand呀!


會場入口


阿寒湖湖面結滿晒冰，極目之處白茫茫一片~






尋晚舉行祭典嘅地方~



其實咁多呢d結晒冰嘅湖會唔會突然裂開嫁? 如果響度行行下忽然裂開咁咪好大鑊? 大叫都無人聽見啦??


好多tent，唔知係咪俾人釣魚用呢?


好想去玩呢，可惜今個trip始終無時間去玩冰釣~




呢度就係好早就close嘅ticket centre


著名嘅鶴雅酒店


呢d跑道係玩snow mobile~


一朝早未有得玩，不過見到有工作人員響雪地上飛馳，好正呀！










尋晚玩冰滑梯嘅地方...


好想再去玩，不過有人唔俾...有人話一朝早出黎逛下散下步就算，唔好搞咁多野....都唔知係咩歪理!!




有人話難得有咁靚嘅湖景，應該細心欣賞下....








俾人影相嘅龍貓


有個冰神社~




祭典舞台




呢個就係點聖火嘅火爐


朝早一個人都無，d冰屋任影~




呢個mini-阿寒湖，要夜晚先影到個效果，可惜尋晚掛住玩無留意到


鋸冰


小龍女嘅寒冰床，有無人想瞓上去練下內功?


玩冰壺




好悠閒咁逛左一陣，係時候返酒店....


有隻烏鴉響度呱呱叫，唔知係咪唔捨得我地走


清晨漫步雪地上，好寫意嘅感覺!


觀光船碼頭，夏天可以乘船出去遊湖，而家冬天關閉~






尋晚去完祭典返酒店時俾呢隻熊嚇左一跳~


好快就返到酒店....










好鍾意呢條長廊，每次有人行過都會有風鈴聲響起....




原來響個ceiling set左d感應....






清脆嘅鈴鈴鐺鐺，好似響度歡迎你返黎咁~~




大門口又係有自動感應，有人黎到會自動打開....




返到酒店已經七點半，係時候去食早餐啦....

(...待續)