2011年2月北海道道東道北12日 - 漫步然別湖夢冰村

2月25日 - DAY 7 (PART 4)
然別湖

泡完冰上露天風呂，我地就響Ice Village周圍逛下.......酒店前面白色嗰度就係剛剛浸得好爽嘅露天風呂啦~


雪山前面嗰座就係另一間酒店福原，其實就響風水附近~


呢個白色圓球屋仔好可愛呀......


入面有兩張類似床嘅物體......呢間唔知係咪冰酒店呢? 之前曾經有諗過不如試下住一晚，冰酒店住宿體驗係free of charge，只係需要租借睡袋，不過一想到成晚耍抵受起碼零下十幾度嘅氣溫，of course 打消呢個念頭啦，年紀大都係鍾意高床軟枕多d~


旁邊又有另一間......


睇落有d 似以前古時嗰d 山墳.....阿祝英台去拜祭梁山泊個墳咪係呢種咁樣囉，哈哈.....


入面有幾張凳，大概係俾遊客影相用~

 

呢個規模大d.....

 

真係好鬼可愛!!




呢d一粒粒雪立方體好似方糖呀~~

呢個應該係冰教堂......


不過close左無得入......幾日前有人響度舉行婚禮喎，我諗一定好浪漫


無得入，都可以由外面望入去影幾張相啦......




好多六角形冰塊~

 

望返過去岸邊先......左邊福原，右邊風水，一眼睇晒~


天色開始陰暗......

 

好似愈來愈凍咁，係時候要返歸~


又行去冰上露天風呂望下先.......


今次做遊客觀光下......


兩個浴池，右邊嗰個好似有好多人響度浸緊喎......左邊嗰個有人企左響外面觀賞，應該無人浸緊......


等我地都去望下先，無人.....如果頭先我地浸緊時有人企響外面望住晒都真係幾唔舒服......


黃昏景，好靚!!

 

要返酒店啦~


d工作人員仍然響度努力維修緊~

 

加油加油!! 今晚個夜景就全靠你地啦~






望返過去白茫茫一片......




忽然仲落起大雪.....

 

好在閃得快~


開始亮燈啦~

 

未捨得返酒店住，見個Ice Bar  仲未close 走去避下雪順便參觀下先......

Ice Bar 日間五點會close，夜晚八點會再開......


-7度!! 好凍呀~~


本來好想玩鑿冰杯體驗，不過已經接近五點，今次無緣lu，唯有趁個Ice Bar未close 逛個圈啦~


個電話係咪work 嘅呢?


有圖片展覽......

都係一d以往Igloo Village 嘅紀錄......




仲可以 order 杯 cafe 嗎?


Sorry，d 職員都走晒，夜晚請早啦~


Ice table，好得意呀


有d mat 鋪左響 ice chair 上面，唔駛驚會坐濕條褲啦

 

另外一邊仲有電影睇，不過將近五點又係停止播放~ 

凍冰冰，其實有無人真係咁有耐性坐響度睇呢?


響 ice bar 快速掃左個圈就離開，今晚食完dinner後我地會再嚟嫁，到時著晒燈應該會好有氣氛......Ice bar 旁邊係 Ice factory，盲中中走入去昅下，原來係職員嘅office~


參觀完 Ice Village 出嚟，大雪已經停左......被白雪掩蓋嘅然別湖真係好靚!


之後就行返去酒店......

好快返到去酒店，我地約左六點dinner，趁仲有時間當然去大浴場浸下浴先啦~


(...待續)