2014年4月日本中部立山8日 - 漫步下呂溫泉街

Day 2 (下呂溫泉)


上次講到去完溫泉博物館，本來打算去埋溫泉寺，但發覺天色陰陰，所以決定早 d 去旅館 check in......我地今晚入住嘅旅館叫紗々羅，由溫泉博物館過去只係五分鐘車程~

做完 check in，響房 hea 左一陣，差不多四點，趁天仲未黑爭取時間出去逛下條溫泉街......由酒店行去大約十分鐘就去到~

所謂溫泉街其實係指阿多野通兩側，除左溫泉酒店，主要係手信店同小食店~

店鋪好多都附設足湯......絕對係邊買邊食邊浸

我地去左呢間ゆあみ屋........

近門口有個溫泉池，將 d 雞蛋溫熱.........

不過我最想食當然係人氣溫玉ソフト，即係溫泉蛋加雪糕新地.....

仲有牛奶布甸~

牛奶布甸一直用燙熱嘅溫泉水溫熱，付費後便可以自取~

本來想一邊食一邊足浴，不過個溫泉池其實唔係好大，又已經坐左好多人，只好坐旁邊嘅座位~

半生熟嘅溫泉蛋配冷冷嘅雪糕，過癮呀!! 個牛奶布甸亦都好滑.....yum yum

唔夠喉可以買籃溫泉蛋返去酒店再食過.......呢間小店除左有野食，入面仲係一間精品店，食完又可以 shopping

Tea 完後足湯 d 人亦已走得七七八八，淨返一對著左浴衣嘅情侶響度，好溫馨啊，我地無謂插入去打擾人啦~~

而且仲要趕住去 shopping 呀!!

沿路好多白鷺嘅標示......

據講，好多年以前下呂呢度有一個好正嘅溫泉，但一次大地震後 d 溫泉水就停止再湧出，無耐忽然有一隻白鷺連續三日飛到嚟河岸上，之後個溫泉就再次湧出大量泉水，當隻白鷺飛走後就留低左一尊藥師如來像，d 村民就認為呢尊像就係白鷺嘅化身 (我真係好鬼鍾意聽呢 d 民間神話故事，不論東方定西方，一樣都係好九唔搭八)......所以為左紀念呢件事響下呂溫泉到處都見到白鷺嘅標誌~

條溫泉街其實唔係好長，好快行到去飛驒川~

影返過去溫泉街先~

呢幾座 buildings 就係下呂溫泉最出名嘅水明館，不過房價好貴，實在 book 唔落手......咁唔入住都影張相啦~

沿河畔一帶都係溫泉酒店~

過左大橋仲有好多手信店

d 民居裝飾得好靚~~

下呂既然係日本三大名泉之一，果然周街都係手湯足湯，行到邊浸到邊~

逛下逛下去到下呂車站.......

又有櫻花呀

到左下呂駅就從另一側行返轉頭~

當然繼續 shopping.......

Hehe.....呢隻招財貓真係好鍾意 $$

Shopping 夠就沿另一邊下呂大橋行返去溫泉街......

點解咁多手印嘅?

傳說中嘅露天混浴.......

可惜個個都著晒 under，而且全部都係叔叔伯伯，想搵個精壯 d 昅下都無.......

不過 d uncle 好 nice，見有美女影相，佢地一d 都唔介意，仲舉手同我打招呼

大橋呢邊可以望見我地間酒店，最高嗰兩座就係紗々羅啦~

好快行到返去溫泉街......

溫泉街旁邊嘅河道有一條せせらぎの小徑......

有時間可以行落去散下步~

街道兩旁種左好多楊柳，景色都唔錯~

慢慢逛好寫意

不過可惜開始落雨

真係好多唔同造型嘅白鷺......

連水渠蓋都係~

望下錶已經過左五點，要加快腳步返旅館，因為我地約左五點半要去浸家族風呂~~

(....待續)