2014年4月日本中部立山8日 - 紗々羅溫泉旅館

Day 2 (下呂溫泉)

今次響下呂溫泉我地住宿嘅酒店係位處半山嘅紗々羅......

因為住宿 plan 有個特典係包埋三十分鐘貸切風呂同五十分鐘岩盤浴，之前已經預約咗五點半先去貸切風呂，所以響溫泉街逛咗個多小時就快手快腳趕返旅館~

Hehe, 旅館大門口有當日入住客人嘅名牌嫁......好耐無住過門口掛有名牌嘅酒店，對上一次好似已經係 09年松島嘅絕景之館?

酒店 lobby 走西洋風格，有別一般傳統溫泉旅館，耳邊傳來輕鬆嘅爵士樂，令人心境暢快~

我地就係坐響呢度做 check in 啦~

Lobby 另一邊係 bar，中間有小橋流水......

大堂樓底好高，天花板有幅好大嘅西洋畫.....

成個大堂嘅佈置都好古典別緻~

我地住別館森山館，由本館經過地下通道過去......

今次住和室，12.5疊，都好闊落......

近窗邊有個小小嘅偏廳~

有 CD 機.....

每間房都供應咗幾隻音樂 CD~

一般房間設備都有齊~

Toilet 都係附設洗淨同自動開關功能~

我最 like 有張凳

每人一個籃攞住去泡湯......不過呢一間酒店實在太多野搞，平時幾趕都好我地點都要去浸浸個大浴場，但今次實在無時間可以抽個空.....蝕咗呀!!

Washroom 旁邊係私家風呂房......

繪木風呂池，I like it

旁邊有 shower......

外面就係停車場

做完 check in 後有穿著和服嘅嬸嬸帶我地上房，又幫我地沖茶，去日本溫泉旅館我好鍾意呢一個細節，覺得好 warm 

好多 welcome snack，右邊下底嘅菇菇幾好食，試過後響下面 souvenir shop 都買咗盒帶返香港回味

五點半就換浴衣去浸貸切風呂囉~

貸切風呂響本館，不過要先去大堂接待處攞鎖匙，然後職員會帶路去~

貸切風呂有兩個，分別係岩石同原木.......無得揀，由旅館分配

岩風呂成日都浸，我希望係原木，特別 d 嘛......果然如我所願，yeah!

更衣同梳妝地方都乾淨企理.......

.基本設備齊全~

而泡湯嘅地方亦好闊落......

最特別係個風呂池，原樹木挖空，樹齡有 700年歷史嫁!

好大，兩個人浸都仲有空位~~

泉水好夠熱......最正係浸完 d 皮膚真係好滑溜，完全唔需要再搽 lotion，下呂溫泉果然名不虛傳，正呀!!

泡完湯返到房都仲未天黑噃......別館呢邊望唔見飛驒川，但都有小小景啦，一分錢一分貨係咁上下，下呂既然係日本三大名泉之一，d 酒店真係好貴，上次我地去有馬都唔捨得住宿，今次我地揀咗好耐先揀到呢個附私人溫泉而又包兩款貸切風呂嘅 plan

約咗七點鐘食晚餐，6:50 已經敲門幫我地 set table.......

好耐未試過響自己房間食........

雖然話響房入面進食會將食物氣味殘留響房內，所以高級旅館一般係唔會有呢種安排，但我地其實係低級人士，我真係好鍾意響自己房食，食到瞓響度或棟高雙腳都得嘛

特典送咗枝 sparkling wine 俾我地.....但最搞野係個嬸嬸唔肯幫我地開，佢示意話一定得由老爺親手開喎

Cheers~~

隔咗半年都唔太記得食咗 d 咩，所以唔廢話只放圖片

唯一唔可能唔記得嘅朴葉味噌飛驒牛.......

Oishi!!

壓軸係呢間旅館最出名嘅「龍之曈」，即係下呂出產嘅一種米，已經連續三年獲得全日本最美味大米金獎，據講呢隻米係由一對夫婦一齊栽種，所以名字嘅緣由係有根據︰「龍」係丈夫嘅名，「曈」就係太太嘅名囉.......

個飯煲都型仔過人~

不過食咗一大半先記得影相

配飛驒味噌好正呀!!

食完就打電話請嬸嬸過來收拾，搞掂之後有個猛男走來幫我地整床舖~

攤抖夠又係時候出動，約咗 21:30 岩盤浴......我地未試過岩盤浴，好緊張呀!!.......今次唔需要去大堂攞鎖匙，直接去貸切風呂室等職員帶我地去......

旁邊有間談話室，去到等緊之際周圍逛下影下相.......

呢個談話室似一個書房~

舊時嘅玩具、圖書~

等咗一陣個職員就到......岩盤浴室就響貸切風呂隔離.......

職員俾咗兩個袋我地，每個袋入面都有套衫褲係專 for 岩盤浴、大小毛巾各一條，同埋一枝水......套衫褲有分紅色同藍色，好明顯係分左男女~

呢個岩盤浴平常要 2500円一次 50分鐘，不過我地個 plan 係包埋

職員向我地講解入浴方法，聽唔明或者唔記得唔緊要，浴室內有圖指示~

OK，首先響岩盤床上鋪上大毛巾，然後俯臥五分鐘......

每人都有個沙漏方便自己計時.....塊石熱熱地但又未至於超燙嗰種，而且室內溫度無焗 sauna 咁高，舒服好多呀!

俯臥五分鐘之後，再平躺十分鐘......

十分鐘後就出返去休息同補充水份，五分鐘後再入嚟做一次，之後就可以自由側臥......做完之後真係成身都出晒汗呀，唔知咁樣做一做排咗幾多汗幾多毒呢?......據講一次岩盤浴相等於跑30公里! 就咁瞓響度都可以瘦，真係好適合我呢 d 懶人

玩完岩盤浴就返房，出咗一身汗當然要整返個甜品，呢個係剛才鋪完床後送嚟~

仲有下午買嘅布甸......

Yummy~~

食完甜點，休息咗一陣臨瞓前當然唔駛講要去浸下個私家風呂啦......浸完浴發返個好夢，good night~~~

(...待續)