2015年2月日本長島鳥羽零景點 hea 到無可再 hea 6日 (鳥羽篇)

響長島住咗兩晚，之後我地 book 咗一晚位於伊勢志摩嘅石鏡第一ホテル神俱良，酒店有 shuttle bus 響鳥羽駅送迎，於是我地就響長島先搭巴士去桑名駅.....

巴士座位係麵包超人，好 cute~

去到桑名駅未夠鐘上車就先去食 lunch，不過桑名駅唔係好大站，食店唔多選擇~

由桑名去鳥羽都要個多小時~

去到鳥羽就即刻坐酒店 shuttle bus 去酒店......係，我地係無響鳥羽停留嘅，只純粹響酒店 hea 到飛起，一來我同老爺早兩年已去鳥羽同伊勢玩過，二來講明親子遊係唔會有行程，而且呢間酒店都唔便宜當然要早去遲走住盡佢啦，所以呢篇叫鳥羽篇嚴格來講係有 d tricky

由鳥羽駅去酒店都差不多半個鐘，有酒店送迎真係慳好多

酒店 lobby 有一面好大嘅玻璃可以一邊睇住無敵大海景做 check in~

女士可以揀靚靚浴衣~

做完 check in 酒店搵咗一位講普通話嘅內地靚靚女生接待我地，據佢講佢話就話係響呢間酒店實習，其實都係做埋 d 打雜操重工作，聽佢 d 語氣好似日本人其實都好歧視佢地咁......我地 book 咗兩間露天風呂付客室，第一間叫 "Tiga"......

Living area 係和式~

呢個 welcome sweet 幾好食~

有兩部 TV~

Bedroom 係洋式.....好大嘅床，瞓四個瘦人都得

Toilet 都係一般可以洗 pat pat 嗰 d 啦，不過廁板無自動感應開關~

Washroom 設備齊全，一人一個 sink 盤......

除咗基本梳洗用品，女士有一片 Q10 mask, good ar!

另外仲有一 set shampoo, conditioner & body soap，係 Mikimoto! 正，呢套 gift set 之後響另一間溫泉旅館見到有得賣，要 1500円嫁!!

Shower 地方都好闊落，而且有暖氣，舒舒服服沖完涼先出去泡湯~

展望風呂外望係大海~

另外一間房個名係 Empat~

呢間房大 d，living area 有獨立一間和室.....

有 DVD 機~

另有洋室可以坐得舒服 d~

Washroom 間格基本一樣 design....

兩個女士各有一 set，正正正~~

 

呢一邊嘅展望風呂係望山景......

不過都可以望到一part 海景

個溫泉池亦大d，三個人一齊浸都勉強可以~

雖然房間有私家溫泉，但我地呢 d 愛貪小便宜嘅 C9 當然要去埋大浴場.......

個露天風呂都 ok 嫁~

(Photo extracted from Official web site)

呢度係夕食同朝食嘅地方，另外仲係朝早睇日出嘅場所......

入口前有按摩設施，免費任用

浸完溫泉再玩埋按摩係時候去食 dinner......早晚餐地方都係獨立個室......

好豐盛嘅感覺呀!! 真係超級飽

Serve 我地嘅女士不斷同我地講埋 d 無謂野，掛住講結果個鮑魚燒得有點老，老媽子覺得佢好唔專業，勁唔 like

實在太多野，食到呢個飯真係食唔落，但其實幾好食~

不過無論食到幾飽，出外旅行夜晚都一定要食返個 ice cream

第二朝晨咁早起身去泡湯，之後順手去埋「日之出拝観場」睇日出，酒店會通知定日出時間，仲有免費甘酒飲~

雖然我地向大海嘅房都可以望得到日出，但我地都係走嚟呢度睇~

一邊飲甘酒一邊等日出，個甘酒都好好飲~

不過可惜今朝有好厚一層雲響海岸線，最終睇唔到......唔緊要啦，之前兩日響長島已經睇咗啦~~

睇完日出仲有節目，七點多又去餵麻鷹......

酒店一 d 都唔吝惜，好大一盤魚生俾我地做餌!

一到時候就好多麻鷹飛嚟搵食~~

d 麻鷹瞄得好準嫁，幾乎百發百中....好好玩呀!!

玩完就去食早餐，都係昨晚夕食嘅獨立個室......早餐係半自助式~

食飽飽就去 shopping

我地響酒店 hea 到最後一刻鐘，當然浸多兩次個私家風呂啦

好 relax 呀!!

Check out 後就坐返酒店 shuttle bus 去鳥羽駅.....

總括來說，呢間酒店都相當不錯，不論環境、服務以及房間設備都令人滿意，尤其係有得玩餵麻鷹，完全係意外驚喜~~

(...待續)