2015年2月日本長島鳥羽零景點 hea 到無可再 hea 6日 (戰利品篇)

好耐無 update.....點都要的起心肝完成親子遊最後一篇，亦即係我最鍾意寫嘅戰利品篇，不過響 show 戰利品之前都要簡單寫埋餘下一日嘅行程啦~

上一篇講到第五日朝早搭酒店 shuttle bus 出返去鳥羽站，之後就買車票搭近鐵返去名古屋啦......

去到名古屋接近一點鐘，於是就響名鐵百貨是但搵咗間食店醫肚~

話說食食下忽然聽到有人好大聲尖叫，原來係一家香港人 (唉!!!)，好似係兩個小朋友爭食定爭玩具，其中一個小朋友不斷響度大叫，侍應請佢地細聲 d，但嗰位疑似 daddy 似乎搞唔掂兩個細路......綜合我地偷聽嘅結果，兩個唔係兄弟關係嘅細路唔知爭乜野，大 d 嗰個情緒好似有 d 問題，不斷發出尖聲嘈音......咁其實阿媽去咗邊?? 原來兩個媽咪去咗 shopping 未到，到我地食完埋單先見佢地一抽二袋入黎.......講到呢度，其實我都覺得好無聊，人地 d 野關我 X 事咩~~

食野就食野啦，都唔知點解一家人都咁鬼八!!

食完野當然爭取時間響車站周邊 shopping......逛咗兩個鐘，差不多時候要去機場.......返酒店攞行李時見到原來有機場巴士往返名古屋車站，一樣響名鐵巴士總站上車，超方便，我地好多件行李，所以就決定唔搭名鐵改搭巴士，雖然車程長時間 d，但免卻拎住行李上上落落，而且車費只係 1000円，仲平 d 添~~

因為第二朝九點半機，唔想媽咪一早趕頭趕命去機場，同埋最最最重要係我同細妹仲要響機場血拼呀，住近機場就可以 shop 到 last minute 啦!! 呢 d 咪叫 win win 囉，哈哈....所以最後呢晚我地就入住機場旁邊嘅 Centrair Hotel.....

酒店房間都幾大，整體感覺非常好~

窗外望出去就係機場~

地下大堂有行李磅，可以先 check check 有無超重先去 check in, good ar!

不過成個 trip shopping 時間超小，無論我個心幾想將成個日本托晒返去，始終都係有心無力，最終只係用咗九十幾 kg.....唉，四個人原本可以有 184 kg 限額囉......真嘥料呀!!!

最後一日只係搭機日，機場搞掂 check in 就去食早餐~

遊記總算告一段落 (忽然發現呢個竟然依然係 15 年嘅新春遊記，實在太太太太 lazy 啦).....最後補多個 note, ANA 個特飲 "aromatic kabosu" 好好味呀~~

I love ANA meal

-----

完成遊記，係時候去到 show show 戰利品嘅 moment 嘞......打頭陣係 LC......無錯! 我終於都開始咗 LC 毒，對於一個超級購物狂嚟講都算遲

有睇開我個 blog 嘅朋友都一定知道，我係唔識唔會唔鍾意唔願意煮飯嘅港嬸，所以唔好問我買 LC 嚟做乜......初次入貨，買咗個附有蒸架嘅~

雖然隻色唔係自己鍾意嘅紫或粉紅，但因為響 outlet 佢係特價 set，所以都忍唔住買咗.......

個 set 除咗 24cm round 同蒸架外，仲有個湯煲......

同埋兩個 silicone 小盒~

心心.....

花花~

買野買全套......專用 cleanser

第一次係咁意入咗呢 D

　同場加映︰細妹嘅收獲.....我真係一個 gd sis, 我竟然將我心愛嘅紫色拱手相讓咗比佢.....後悔莫及......我當時一定係癲咗

OK，買咗煲當然要買米.......有人話，一星期都未必煮到一餐，都唔駛買 3 kg 咁多掛.....hehe，小意思......

因為唔止，仲有 5 kg 嘅無洗米

邏輯題︰因為買咗 LC，所以要買米，因為買咗米，所以要學煮飯，因為要學煮飯，所以要買 kitchen towel~~~

買咗好多衫褲，全部減價貨......當然!

件 trench coat 後面腰位有美美嘅蝴蝶結

好可愛嘅襪子

痴線!! Boot 都掃咗四對

食物~

On-line ordered 嘅 Furano Delice bear bear cake.......

Packing 好 cute，而且好好食呢~~

我幾有先見之名，買定呢 d 旅遊書.......果然，去年買定，今年年頭已經要用左邊兩本，要讚下自己︰好醒呀.....咦，仲有一本日光喎，要快 d 用埋佢先得，哈哈~

港嬸要學煮飯，當然要買定 cooking book set.......

Recipe 係日文.......

Hehe, 其實係想要 d 小鍋啫

用來做燉蛋燉奶份量剛剛好呀~~

期間限定櫻花香味 hand cream & 香水

小量藥房搜購.....真係好小量

Outlet 買嘅 diffuser......

Muji 仍然只搵 sale items~~

Starbucks 櫻花杯 

咦! 忽然咁快就大合照......搞錯!! 實在買得太少......不過唔緊張，呢一年陸續有來

(完)