2009年2月日本東北8日溫泉之旅 - Day 2 (Part 5 妙乃湯‧下篇)

2月15日   星期日   (東京 > 田沢湖 > 乳頭溫泉鄉)

響房hea左一陣，夠鐘就落去樓下食晚飯~

妙乃湯有兩個食事處，其中一個係我地最唔想坐嘅tatami.......其實做人每日都係為兩餐啫，可以嘅話梗係想坐得舒舒服服慢慢食啦......好彩今次安排我地坐枱櫈~~

食事處嘅間格都幾雅緻嫁~

無啦啦有幅唐詩響餐廳角落.........九唔搭八.....

每張枱都放左個木牌標示屬於自己個室嘅名嫁~

非一般的筷子套~

菜單

餐前酒.....先乾一杯~~~

前菜

聞名嘅佐藤養助稻庭烏冬， 可惜份量好小，兩啖攪掂....

刺身，又係好小，得四件....

漬物

西京燒魚....o-i-shii~

蘑菇湯

天婦羅....得兩小件.......

煮物

雜箘鍋

另外多order一樽sake~~

呢餐鄉土料理都算OK啦，只係略嫌無乜肉食，不過我地成日只係食過一個麵包，再加上浸完溫泉，真係好肚餓，所以都食得好滋味，老爺更加連食三碗飯~~

飯後嘆杯麥茶先~

仲有最愛嘅雪糕~~

食飽飽就響旅館逛下~

接待處

有電腦喎，仲係算係幾新款添~

老爺幫我上網check下E mail~~

電腦旁邊有部古老電話，下面放左三種唔同強度嘅老花眼鏡，莫非俾人用黎上網用？真係幾周到~~

逛完就返番房，已經幫我地鋪左床鋪喇~

仲幫我地換過晒D茶杯~

我地預約左十一點貸切風呂，所謂貸切風呂又叫家族風呂，即係租用溫泉浸私家湯，妙乃湯住客可以免費預約一個鐘頭嘅時段.....未夠鐘浸浴只能夠響房吽.....無電視睇真係有D唔慣，人就係咁，平時響酒店成部Plasma棟響度，硬係唔會點睇，而家無電視就反為唔知做咩好！無無聊聊攤抖左一輪，差唔多捱到十點就再出發去浸浴喇~~

夜晚男女湯已經調轉，今次呢邊風呂嘅擺位無之前果邊咁複雜，除晒衫響脫衣所行出去就係銀湯，再出去係金湯，兩個都係內湯，再出去就係混浴露天風呂~~

未夠鐘浸貸切風呂，梗係又去浸下個混浴風呂先啦.....夜晚金銀兩個混浴風呂都一樣有人響度浸緊，不過今日浸過咁多次混浴，已經唔會覺得尷尬.....個金湯因為D水無銀湯咁熱，而且係全露天，對正個瀑布，所以浸得好舒服.....浸浸下仲落埋雪，D雪飄落塊面度，個感覺真係好爽！

因為頭先響混浴入口見到有個女仔由男湯果邊返入黎，而內湯同混浴都唔再見佢蹤影，估計佢應該係浸完十點時段嘅貸切風呂，所以我地浸完混浴就走去貨切風呂睇下有無人浸緊.....

係咪好空泛唔知我講乜？唔緊要，有興趣可以細心睇下下面張map就會明我嗡乜嫁啦.....貸切風呂係響八點後時段男湯(右面藍色)果邊，行晒條木板通道會先經過貸切風呂嘅入口，然後先至到露天混浴.......

去到貸切風呂見度門開左，果然係無人浸緊，我地見當時都已經差唔多十點九，睇怕上一手嘅人應該浸完唔會再返轉頭浸掛，於是就走入去鎖埋門，一於提早享受下個私家風呂先啦~~

呢個貸切風呂唔算好大，不過兩個人一齊浸就絕對綽綽有餘......D水好鬼熱，第一下真係辣到成個人彈起，慢慢適應左就OK.....風呂係半露天，浴池望出去依然係瀑布雪景，不過個角度有DD唔同咁囉~~

浸夠後都係十一點過D，其實預一個鐘俾住客似乎係多左D囉.....浸完就同老爺暫別各自去下個內湯。內湯入面嘅金同銀湯都無咩特別，而且煙霧迷漫好鬼焗，浸左一陣就離開返房喇~

返到房攤抖一陣就瞓教喇......今日浸左六、七次浴，真係乜都夠晒，單係除衫著衫嘅次數都數唔清，響咁寒冷嘅天氣下不斷赤身露體都無冷親真係奇蹟！

第二日嘅行程又騎騎呢呢咁過左去，第一次浸日歸浴，雖然趕頭趕命，但係玩得好開心，而且真係好難忘.....不過我諗老爺會比我更深刻囉，無乜邊幾個人會先響漫天風雪下好似香港先生咁當眾表演真人騷，然後再光脫脫跣一鑊.....唔係人人都有咁嘅機會嫁~~~

懷住好滿足嘅心情去瞓教喇.......Good night~~

---> Day 3 - Part 1 告別乳頭溫泉鄉