2月17日 星期二 (松島 > 山形 > 藏王溫泉)
好快去到第四日喇！今日係我嘅生日，先同自己講聲Happy Birthday~~~
唔知響邊本書睇過或聽人講過，話松島灣會睇到日出....不過老爺對我呢個說法有D疑惑
，因為我尋日又同佢講過話響福浦橋睇日落好正....究竟係睇日出定日落我都唔係好記得....
點都好，都要試下起身睇架，所以一早較定鬧錶....
五點鐘晨咁早就被叫醒，不過望出去漆黑一片，於是繼續瞓.....
5:20到老爺嘅鬧錶響，佢起身望下，依然一線曙光都無喎，繼續去瞓......
5:45最後一個鬧錶響，老爺推極佢都唔肯理我，唯有自己捲住張被碌過去昅下.....咦，好似有D光喎....拿拿聲碌返去搖醒老爺.....
兩個傻仔天濛光著返件羽絨就走出去露台stand by~~
福浦橋呢邊個月亮仲響度喎.....
等到6:00仲係咁上下......
調較定個溫泉水先，一陣一路睇日出一路浸浴.....
6:05.....
福浦橋呢邊好似光左D.....
6:08.....等到開始有D悶.....
6:10 天都光晒啦，點解仲未見個朝陽嘅?????
等到呆晒.....
6:15.....相信個太陽已經唔知響邊度升起左???......我地開始猶疑係咪應該放棄守候改去浸浴算數.....
6:26 正當我地預備除衫跳落個溫泉時，忽然見到有D曙光啦)))))
6:27....好緊張.....個太陽閞始見邊啦~~~~
6:28 出黎喇出黎喇~~
6:29....Yeah!!! 終於睇到日出啦
~~~
6:30.....好靚呀))))))
6:32成個蛋黃見晒~~
6:33 旭日完全初升~~~
影晒相終於可以舒舒服服去浸浴啦~~~~
一路浸浴一路睇住個太陽慢慢升高，嗰種感覺真係好正~~
6:50浸夠就起身著衫，因為7:00要去食早餐.....(待續)
浸住溫泉睇日出，正！
回覆刪除[版主回覆03/30/2009 23:57:00]我地都係第一次浸住溫泉睇日出，真係幾難忘....你好似無響松島過夜喎，下次有機會可以試下~~
個日出成6:30先出現都算遲喎
回覆刪除好彩你地都無白地, 可以係日本睇日出, 好正呢
[版主回覆03/30/2009 23:54:00]係呀，都無諗過6:30個太陽先出現....不過真係好靚，等大半粒鐘都值得嘅~~
piggybread : 等咁耐 ~ 值唔值就真係見仁見智 , 不過俾我就一定 ... . 不過睇妳D相等如自己睇 , 真係有賺 .
回覆刪除Bye Bye !
[版主回覆04/28/2009 23:08:00]睇相點都唔及現場睇，去到外面個心情就唔同D，好自然肯起身等~