DAY 3
PART 4 (拓真館...千代田之丘)
離開四季彩之丘，我地繼續沿Panorama Road行，呢條景點路線真係好開揚，朝早間唔中有D陽光，望過去好舒服~~
好快就到左拓真館.....
地址︰上川郡美瑛町拓進
電話︰0166-92-3355
Map Code︰349 703 206
呢個展館係免費入場，入面有兩層，展出嘅都係一個叫前田真三嘅知名攝影師嘅作品，佢D相片全部都係美瑛靚靚嘅田園~
好快速兜左個圈後就離開，響拓真館附近有間四季之交流館.....
門前有部堆土機.....
所謂交流館，其實就係一個小賣部.....不過唔好太興奮
，我咁鍾意shopping嘅人都買唔倒野，可想而知呢度係幾咁乏味
，不過可以順道去個toilet啦~~
之後就繼續上路，沿路又係D片片田園.....
行行下忽然見到有一棵樹孤伶伶咁響田園之上，個形都幾靚，咁就叫老爺停一停車影返張相先啦.......
影影下突然醒起呢棵野會唔會又係D咩名木呢，即刻check下D資料，原來係哲學之木
......
相傳因為呢棵野個形似義大利比薩斜塔，斜斜嘅樹形十足諗緊野咁樣喎
......
之後車行多七、八分鐘就去到千代田之丘......
網址︰http://f-chiyoda.com
地址︰上川郡美瑛町春日台4221
電話︰0166-92-1718
Map Code︰349 734 764
響山丘上有個展望台，叫見晴台 ，可以直接駕車上到去......
響見晴台望出去嘅景色都幾開揚~
如果天氣好可以睇到遠處嘅十勝岳.....
仲可以望見尋日去過嗰個魔幻美術館嘅魔天輛嫁~
個展望台響山丘上，如果唔係自駕，要行條碎石路先上到去都幾係野.......
山丘下係千代田牧場.....
農場餐廳，個logo好似三色台.....
有時間可以響牧場行一圈......
個牧場都幾大，每個區牧有唔同嘅動物，好似羊、迷你馬、白鹿、鴕鳥等等~
可以近距離睇D動物~
響農場逛左一陣，我地就離開.....
觀景之路其實仲有一個三愛之丘，不過時間所限，再加上我地諗D咩咩丘都係咁上下啦，所以都唔打算花時間去......離開千代田之丘，結束美瑛田園之旅，我地向住白金溫泉嘅方向駛去.....
下一篇︰尋找傳說中的青池
Piggybread : 個 "青池" 好似 "白金溫泉" 附近 ? 我都好想去睇 .
回覆刪除Bye Bye !
[版主回覆11/22/2009 11:03:00]如果唔係自駕應該可以響白金溫泉觀光中心行去，好似有簡單地圖攞嫁~
好緊張呀 傳說係點嘅呢
回覆刪除[版主回覆11/22/2009 11:04:00]我個人覺得傳說誇張左D囉
拓真館內的攝影作品真係好靚, 美瑛大自然真是美, 心曠神怡, 吸多2下新鮮空氣, 個人都醒d, 我未去過青池, 等你介紹呀
回覆刪除[版主回覆11/22/2009 11:10:00]係呀，D相真係好靚，不過要影一張靚相真係要好配合時機，如果天氣好個大自然都靚D，今次我地兩日都麻麻，所以遲D我諗都又要去過
這個哲學之木的樹形也不錯, 不過說似比薩斜塔似乎又其怪了點
回覆刪除[版主回覆11/22/2009 11:10:00]直頭無離頭啦~
每棵樹都有個名堂, 真係 '攪' 嘢.
回覆刪除[版主回覆11/22/2009 11:12:00]日本人最鍾意安D咩咩名堂，咁就又成為一個景點，不過衰在D人又受嗰下呢
HI~~你個花田之行寫得好好呀~~
回覆刪除間民宿真係好正呀~~
[版主回覆11/22/2009 11:14:00]歡迎光臨
間民宿真係唔錯嫁，有機會可以去住返晚relax下~~
那個所為比薩斜塔, 只能配服日本人的想像力
回覆刪除[版主回覆11/22/2009 11:17:00]係呀，點睇都好難想像囉~
美瑛真係好多セ木セ木 , 但種棵樹嗰嗰又好識種 , 咁大個田園襯得好靚
回覆刪除[版主回覆11/30/2009 22:52:00]我都覺得呢棵樹個形態同個構圖幾靚，所以先叫話停低欣賞下.....當時唔知係名木嫁，証明我幾有慧眼
睇到d相...好想去呀!!
回覆刪除[版主回覆11/30/2009 22:53:00]咁就一於plan去一次啦