DAY 3
PART 6 (上富良野．日之出公園)
離開青池，我地向住富良野方向前進，唔同美瑛地區都係大幅田園，沿路開始見到有花花響路兩旁
.......
由於比原定時間遲左好多，原本諗住去Flower Land，因為好似話嗰度D薰衣草比較遲開，不過入園要收場費，但既然時間唔係咁充裕，又未必真係肯定可以睇到薰衣草，所以我地決定skip左唔去，改為直接駛去上富良野區嘅另一著名賞花景點，日之出公園~~
網址︰http://town.kamifurano.hokkaido.jp/
地址︰空知郡上富良野町東1線北27號
電話︰0167-45-6983
Map Code︰349 463 372
又話係著名景點，我地去到只係寥寥幾人，而成個花田D花都謝得七七八八
......
沿斜坡上只可以睇到零零星星嘅花......
呢D小黃菊都幾靚~
斜坡中段D花算係開得幾多........
上到最高處有公園木碑，話俾大家知呢度係薰衣草發源地喎.....really???
係真唔係呀
........
日之出公園最出名有兩樣野，其中一樣係園內種植左3.7公頃嘅薰衣草，不過我地去到已經全部枯謝
.......
觸目所及都係一束束枯謝嘅薰衣草，成個山頭嘅感覺好似好孤清咁
不過除左薰衣草都仲有其他花嘅.......都OK好過無咁啦
........
另一邊可以遠望富良野綠油油嘅田園.......不過講真，其實已經開始睇到有D厭
.......
日之出公園另一個出名地方就係響山坡上展望台旁邊有個婚禮用嘅「愛之鐘」，每年七月中會舉行「花與火之四季彩色祭」，除左有花火大會，更會有薰衣草婚禮，不過旅遊書話而家好似已經取消左........唔好睇個鐘好似細細咁，敲起上黎原來好大聲好響嫁~~
可以想像如果成個山頭都滿開紫色嘅薰衣草，氣氛應該幾浪漫
......不過個人認為如果要山長水遠走到黎，著晒禮服化恆晒裝就為左舉行個儀式，其實幾無聊
當然，如果係一對小情侶黎到，咁啱遇著遍地花香，兩人手拖手並肩遙望四周遼闊嘅風景，再搖搖幸福嘅花鐘，就絕對會係十分浪漫嘅一件事
。。。。。
我地兩個老餅，響度影影相，敲敲鐘，係咁意「浪漫」左一陣，望下手錶已經中午一點幾，係時候要閃人繼續下一個景點........
下一篇︰紫色的肚臍
冇薰衣草個花園真係差好遠, 一年才兩個月開花, 其他日子都不用去了
回覆刪除[版主回覆12/12/2009 11:29:00]但係我睇其他網友話冬天鋪滿雪都好靚，所以都想冬天再去多次
又確實幾少花喎, 可能你會寧願比入場費去Flower Land, 雖然比較商業化, 但至少有野shop下, 包你又hea多大半粒鐘去買紀念品
回覆刪除[版主回覆12/12/2009 11:31:00]你真了解我 ，我真係有D後悔早知去flower land啦, 無花但至少有得shop都唔算太差嘛~
Piggybread : 謝晒 ? 遲到定早 ~
回覆刪除Bye Bye !
[版主回覆12/12/2009 11:33:00]遲晒啦，薰衣草開到八月頭就開始謝~
>話俾大家知呢度係薰衣草發源地喎.....really???
回覆刪除Yes, it is....
http://pucchi.net/hokkaido/spot_north2/kamifurano_hinode.php
[版主回覆12/12/2009 11:36:00]Thx ar! Hehe, 咁我一向以為薰衣草係響法國嘛，原來係指響日本嘅發源地....
雖然好少花 , 不過你自駕好方便~
回覆刪除flowerland 都好多花款
[版主回覆12/12/2009 11:37:00]係呀，再有機會我一定會揀flower land囉
好心急想睇"紫色的肚臍"呀!
回覆刪除[版主回覆12/22/2009 22:41:00]Hehe, 多謝捧場，剛剛出左新post喇~