DAY 3
PART 5 (白金溫泉．青い池)
完成左美瑛條景觀之路，我地向住白金溫泉嘅方向駛去，一路天色都陰雲密佈....
其實最初無打算去白金溫泉，不過臨出發之前一星期，偶然見到雜誌介紹，話美瑛附近嘅白金溫泉有個鮮為人知嘅超靚景點，叫青い池，景色絕對媲美九寨溝咁話喎
.......傳說日本政府因為要保護生態環境，所以無將呢個青池嘅確實位置公開，不過近年有D網民去完響blog上面post左出黎，漸漸呢個青池就成為一個公開嘅秘密......
由千代田之丘駕車去白金溫泉，據GPS指示，車程都係大約十分鐘鬆D，既然講得咁正，又唔係好遠路，咁就一於去尋幽探秘一下啦
.......
因為無旅遊書有介紹過呢個景點，只有靠雜誌嗰幾句指示......去到白金溫泉嘅Information Centre (電話號碼︰0166-94-3355)，響左手面見到有「白金インフ才メ一シヨンセン夕一」路牌，再繼續向前行多一兩分鐘，就會見到「青い池」嘅路牌喇.......
架車去到呢度唔可以再向前行，呢處勉強可以叫做停車場啦，其實係爛地一片....
有指示教遊客點樣行.......
我地跟住個指示就開始出發去搵呢個隱蔽嘅神秘青池，沿路靜悄悄，都好荒蕪下，想搵個人睇下都無，小路係D石仔路，我踢住對涼鞋真係好鬼難行
......仲要路兩邊都係D草叢，好驚有野彈出黎
.......
久不久響D分叉路都會有指示方向......
行左大約六、七分鐘，去到一個類似水壩嘅地方，穿過D樹林同雜草，終於見到呢個神秘嘅青池喇
......
呢個青池其實唔係好大，所謂「青」，其實即係藍色，據講係因為附近嘅白金溫泉泉水D礦物質做成.....
D池水真係好藍嫁!!
好多枯木響個湖中......
四周好幽靜，有D攝影發燒友響度set晒腳架影相......講真，呢度風景唔錯，不過如果話係美瑛九寨溝又似乎誇張左D囉
，雖然我地未去過九寨溝，但係都見過老媽子同埋D朋友去完返黎影嘅相，靚好多喎
.......
不過個池真係好藍，嗰種藍色真係好少見，加埋嗰一堆枯木，同四周幽靜嘅環境，的確有幾分意境嘅~~
響度hea左一陣，正當擺緊pose俾老爺影靚靚相之際，忽然覺得有D野響我周圍飛黎飛去
......嘩!! 救命!! 蚊呀!!!! 好驚
......不過當然，我地呢D咁精伶嘅自遊人士梗係早有準備，即刻響個袋攞D蚊貼同蚊怕水出黎狂噴啦
......正當我響度V嘩鬼叫，唔知我係咪太嘈呢，附近D日本人用D好古怪嘅眼神咁望住我地，好似覺得我地破壞緊D氣氛咁
......喂大佬，我係城市人黎嫁，偶然走黎親親大自然都無奶油任俾蚊咬掛
噴晒半枝蚊怕水，影完晒相，我地就速速閃人
.......心疼我嘅blog友 (你地知道自己係邊個，眨眼ing) 好替我著急，幫我諗左好多方法去stop成件事，但係是非嘅野真係無日無之，人地講嘅野又唔影響到我嘅生活同情緒，就由得人地表達自己嘅睇法啦，不過講到話我影衰晒香港人，呢個罪名可大可小，小女子擔當唔起，所以就響呢度補返個說明........實情係當日根本無其他人睥我嫌我 "V嘩鬼叫"，當時係有兩三個遊客響度影相，但佢地只係望左望我地兩眼啫，亦都無表現厭惡或唔耐煩，我當時嘅聲線亦都未至於去到之前所形容嘅 "V嘩鬼叫"，而我亦都無噴晒半枝蚊怕水咁誇張......「誇張」係我一貫寫遊記嘅手法，熟悉我嘅朋友同blog友都知，寫到咁誇只不過係想突出俾人知嗰度好多蚊蟲啫，想提醒大家如果去到記得做好防範措施，無諗到咁都要俾人擺上枱俾人鬧，我以為明眼人一睇就會get到我嘅意思，會領悟我嘅幽默感啦.......自問我做人做事一向都好知分寸，從來唔會興風作浪，去到人地國家玩從來唔會做失禮香港人同阿媽阿爸嘅事，只不過響自己地頭講野就放肆D咁解啫.......當然，俾人鬧總係事出有因，自己都應該要檢討一下........如果我所寫嘅野曾經或將會令人睇得不快或唔順眼，響呢度同大家講聲抱歉，同人分享旅行嘅樂趣係我寫blog嘅本意，只希望大家睇得enjoy........或者下次寫野收歛DD啦，唔好咁惹火........但浮誇一向係我嘅風格，自小係亦舒fans嘅我，好奉行佢嗰句︰勇於認錯，堅決不改.......
下一篇︰敲敲幸福的花鐘
piggybread : 真係好青喎 , 既然冇機會去 "九寨溝" , 去呢度都唔錯 , 真係要好好咁度 , 點樣可以去得到先 .
回覆刪除Bye Bye !
[版主回覆11/25/2009 22:52:00]Ok 嘅，有時間可以去下，唔駛好似淨係睇田園咁，睇得多其實真係有 d 悶囉，不過如果唔係自駕就比較煩 d ，要先去白金溫泉觀光中心再行去 ~
九寨溝有時間一定要去睇下先得架 我去咗兩次都仲要再去 睇完娥眉山同九寨溝之後 其他世界風景遺產都比咗落去
回覆刪除[版主回覆11/25/2009 22:53:00]我都知九寨溝好靚，不過內地 ….. 暫時都唔打算去囉，或者等我第時老左先諗啦
依家起緊 carpark + 遊步道喇.
回覆刪除等你下一篇:日之出公園~
[版主回覆11/25/2009 22:55:00]厲害 ! 咁都估到下一篇係日之出公園，果然係前輩
清清靜靜唔錯吖, 如阿老爺早一步買女友一號可能影得更多相
回覆刪除竟然話擺晒post影靚靚相, 不如post一張美人照 , 睇下你破唔破戒
[版主回覆11/25/2009 22:59:00]哈哈，打死我都唔會破戒啦 ….. 美人照 !! 話明正野，D 好野都係留返俾自己人欣賞好 D~~
其實真係好似無咩特別, 不過啲水真係好藍, 好少見. 係呢, 你知唔知 keroppi 同 不老不死係 12月6號攪咗個 bbq blog 友聚會, 你有無興趣去呀?
回覆刪除[版主回覆11/25/2009 23:03:00]我嗰日唔去啦，你地玩得開心D 啦，記得影多 d 相俾大家睇呀 ~~
看上去環境唔錯, 不過又唔算真係好美, 要山長水遠走去只看個湖 好似很花時間
回覆刪除[版主回覆11/25/2009 23:05:00]係呀，有車又預啱有 d 時間鬆動就去下，如果唔係一來一回都幾嘥時間嫁 ~
令人心動的好文章~~
回覆刪除. . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
不過青池又幾有探秘 feel , 幾好玩 ~
回覆刪除日本保留自然景色 , 不遺餘力 ~
[版主回覆11/30/2009 22:42:00]其實都唔算難搵，只不過無咩旅遊書有介紹，所以好似隱敝D....係響日本先夠膽尋幽探秘啫，如果換轉內地，你打死我好過.....
相中背影是你家老爺? 冬天不知道會不會結冰, 但看照片都吸引力不大, 估計也不會去了, 九塞溝都有人叫我去, 但去了幾次大陸, 真的再提不起興趣去, 下年有時間想去韓國或者台灣, 好耐無去LU....嘿嘿
回覆刪除[版主回覆11/30/2009 22:48:00]係呀，係咪連個背影都好威猛呢??
你所謂嘅好耐係幾耐先?? 你一年都出門九千幾次啦.....
我都係咁話，早幾年去左北京同上海，算係做左個好漢，未來無咩需要都唔會揀返大陸旅行....
藍色又幾特別，另加一D枯木又幾靚!!!!但又真係唔會特別去.........九寨溝點都靚過佢~~~~`
回覆刪除[版主回覆12/05/2009 11:13:00]你講得啱，係幾靚，不過未至於要非去不可囉~
我今年8月份先去過, 可能我去果時好曬, 所以影出來d相影到個池係Tiffany blue的.
回覆刪除果度有兩個池, 第一個行7-8分鐘到的(小路的右邊), d水唔係咁靚, 要再行多10分鐘去到另一個池(路的盡頭), d水淺色d, 靚好多.
http://hk.myblog.yahoo.com/ahbit/article?mid=1068
漏左寫tim, 我個blog第9-12張相就係行到盡頭果個池度影的相.
回覆刪除http://hk.myblog.yahoo.com/ahbit/article?mid=1068
第13張相開始就係之前近入口果個池度影的.
[版主回覆12/22/2009 22:46:00]多謝你嘅分享，有陽光真係爭好遠呀，果然係雜誌上面所講嗰種tiffany blue喎.....我都係八月份去，點解爭咁遠嫁!!