離開Woody Life，我地就起程去今日第一個景點路線，Panorama Road.....
所謂Panorama Road，係指美瑛沿花人街道南東面嘅一條景觀之路，同拼布之路相比，呢條路線較多牧場，同埋平原較大，據稱有180度無敵景觀，所以就叫panorama喎，不過試過尋日響條拼布之路兜到七彩都好似有D無聊咁，今日我地只打算揀選兩三個景點逛下就算.......
沿路都係一D綠油油嘅田園.......
Panorama Road必經嘅第一個景點，美馬牛小學，我地只經過停一停影左張相.....
沿路嘅景色的確幾廣闊~~
我地今日第一個目的地係四季彩之丘~
網址︰http://www18.ocn.ne.jp/~shikisai/
地址︰上川郡美瑛町新星第三
電話︰0166-95-2748
呢個花田佔地七公頃，即係有三個東京巨蛋球場咁大，真係．好．大．呀!!!
入口處有兩個巨大嘅乾草人，係呢度嘅吉祥物，叫Roll君，一男一女，好可愛~~
旅遊書介紹呢處有成三十多種唔同花卉，現場所見真係有好多花嫁~~
園內有呢D遊覽車出租......個花田咁大，為左慳返D時間，我地都有租黎坐下.....
租車時間十五分鐘，800yen兩個人.....
不過我想坐得舒服D，所以揀左2000yen呢隻(真正敗家王!!
)......架車有蓋嫁，有太陽晒都可以摭下嘛，我地D咁嫩滑嘅肌膚，俾D紫外光兜頭兜面咁照落黎，用幾多護膚品都補唔返
，所以貴小小唔緊要啦~~
科水俾左錢就拿拿聲上車起行，老爺負責揸車，我就負責揸機影video，不過架車好震，D片跳得好厲害，自己一路影都有D頭暈
......還返架車就響附近四圍逛下，個花田真係好大，如果唔坐車有D地方真係有排先行到去......
好多花花呀~~~
有好大片向日葵花田，不過無咩花lu......
D花好靚呀!!
.....成個山頭都係，好開心呀~~
呢度都有延伸至地平線嘅彩色花田嫁，好壯觀呀!!!!!
呢個花田咁大，花田主人並無浪費咁正嘅地方，長長嘅花田，好似見唔到盡頭咁，不同嘅花種，間隔住唔同嘅顏色，D花真係靚到不得了，非筆墨所能夠形容.........
有我最鍾意嘅紫色花，好靚呀!!
雖然時間唔係好多，但我地係花都影，開緊嘅固然要影，謝與唔謝之間都唔放過，簡直影到停唔倒手
......影影下忽然見另一邊天好多烏雲，好似山雨欲來嘅感覺......Oh no!! D黑雲千祈唔好咁快飄到過黎呀~
唔理住喇，快D影埋D花花先啦........
呢種好似叫鼠尾草，好靚呀~~
紅色小木屋，滿地紅花開遍.......好似去左童話國度
.......
都有DD薰衣草嫁~~
除左七彩花田，都可以睇到大片嘅綠色平原......
呢棵樹，如果遲D俾人發掘左去拍廣告，話唔定又會成為另一個景點，一於幫佢影番張相留個底先
.....
大家細心睇，呢棵樹嘅形狀係咪好似一個心呢??
呢個花田係我地今個trip響美瑛睇嘅第二個花田，如果要比較，我會鐘意四季彩之丘多過Zerubu之丘，始終覺得Zerubu之丘比較人工化，而且四季彩之丘D花比較耐開，連綿嘅花海真係好壯觀
，走在其中幾乎有一種好幸福嘅感覺......好慶幸我地有到此一遊呀!!
響四季彩之丘逛左大半個鐘真係唔捨得走，不過時間所限，幾唔捨得都要離開.....
好滿足咁同四季彩之丘講bye-bye後，我地繼續我地嘅追花之旅~~
下一篇︰觀景之路走走看.......
沒有留言:
發佈留言