2011年2月北海道道東道北12日 - 層雲峽冰瀑祭

2月20日 - DAY 2 (PART 2)
層雲峽

上一回講到由溫泉街冒住大風雪行返酒店，塊面同對手凍到僵硬晒，未到食飯時間，當然去大浴場浸下溫泉先.....

大浴場同露天風呂就響酒店地下......

呢間酒店嘅溫泉設施一般啦，男女分別都有大浴場同露天風呂，仲有sauna房，半夜三至四點男女浴場對換，不過女性夜晚時段嘅所謂露天風呂「鳥之聲」，其實只得兩個唔算好大嘅木浴槽，一圓一方，有多兩個人佔用感覺上就比較迫，同埋都唔好意思走入去，要響大浴場入面留意住外邊，睇見有人浸完就拿拿聲走出去......

 (酒店網頁圖片)

男性時段嘅露天風呂「川之細雨」就闊落好多啦.......

 (酒店網頁圖片)

層雲峽嘅溫泉水性質係屬於硫磺泉質，所以都幾大硫磺味，據講有助治療高血壓、動脈硬化等症狀......

浸完溫泉就落去大堂逛下......

酒店都有得蓋章~

一落到大堂個目光第一時間就俾souvenier shop吸引左去.....

呢間紀念品店有好多野買呀!! 但因為我地去浸浴無點帶錢響身，所以暫時只可眼看手勿動.....唔緊張，乖乖地響度等等我，我今晚遲d再黎攞硬你地!!

巡左一圈就返上房hea一陣，食下野......

飲枝好好味嘅北海道牛奶補充返體力~

跟住就去二樓食dinner.....

酒店安排左一位曉講普通話嘅女仔接待我地，不過我地d普通話實在太普通，而且台灣人講嗰d普通話嘅音唔同內地嗰d，尤其而家後生嗰d音真係好難聽，所以好多時都情願佢地講英文~~

我地響呢間酒店訂嘅package係「貸切風呂＋三大蟹おかわりし放題プラン」，
晚餐除左基本嘅自助餐另加多三大蟹，包括毛蟹、松葉蟹 & 鱈場蟹~

其實個自助餐都幾多野食.....

都有蟹腳嫁.....

老爺就話早知唔需要另加三大蟹，佢話環顧四周其他客人都係就咁食自助餐，係我地先咁煩，最後結論︰我正一嘥錢精.... (-.-)

攞完一輪野食返黎個三大蟹都到左嘞，好大碟，D蟹好大隻呀!!

我唔係唔同意老爺嘅睇法，但一場去到北海道，梗係儘量食多d蟹啦，而且最重要係另叫嘅同本身包嘅係好唔同喎......

呢款係響buffet counter任攞嘅......

呢個就係另加嘅.....size都爭好遠啦!!

真係啖啖肉嫁!!

單係食三大蟹已經飽到唔想郁，所以buffet d野食之後都無點再攞.....

不過甜點同生果就唔介意再試下塞落肚嘅~~

食到飽一飽，係時候返上房換衫去參加冰瀑祭.....因為下午外出凍到飛起，又之前唔之聽邊個講過話層雲峽個冰瀑祭會場好鬼凍，所以我著到成隻果蒸糭咁，羽絨入面super warm打底都唔夠仲要加樽領cashmere，咁都不特止，仲要條大羊毛圍巾響條頸打幾個圈，結果熱到出晒汗，條頸痕到叫救命.....自此，之後就算戶外零下十幾度，我都係一件T shirt加羽絨搞掂，至多條圍巾打多幾圈費事入風~~

酒店由19:30至21:00有shuttle bus安排俾住客往返酒店同會場，15分鐘一班車.....其實下午我地都試過徒步行去會場附近，都唔係好遠，不過入夜個天黑媽媽，反正有專車當然就搭車啦......

酒店shuttle bus其實唔係車到去會場入口，只係去到觀光案內所對出嗰個巴士總站位，好多酒店嘅專車都係泊響呢度，落左車要行過對面馬路再行過去另一面，不過好多人行，仲有好多交通警響度幫手攔住D車俾行人過馬路.......

去到會場已經好多人，真係人頭湧湧呀!!

層雲峽冰瀑祭已經有36年歷史，每年一月中至三月尾舉行，會場就響溫泉街附近嘅石狩川河畔旁邊.....有別於札幌、旭川嘅雪祭，層雲峽呢個冰瀑祭係佈滿冰洞、冰屋，白天望過去好似無咩特別，但當夜晚會場亮起晒d燈，置身其中就好似進入左一個五光十色嘅迷宮咁~~

呢個祭典唔需要入場費，不過入口處就有個捐獻箱，歡迎大家捐款100円~~

有postcard送~~

個會場望落去唔算好大......

近入口處係兩排好似愛斯基摩人住嘅冰屋，每間屋仔都有d雪雕，可以俾人祈福或影相~

仲有個冰瀑神社~

呢個係一隻招財貓，係人走入去都摸下佢個頭~~

好多人都將d硬幣貼上冰雕度，好似話會帶來好運嫁~~

綠色好大嗰個冰洞其實係一條好大好長嘅雪隧道，入面好多冰瀑，好似個迷宮咁......

不過我地首先欣賞一下表演先........

表演開始，台上個MC唔知講左D咩野，之後就同幾個著住公仔衫嘅dancers響度唱歌跳舞，仲叫觀眾一齊拍掌一齊唱，唱嘅係YMCA，我記得呢首歌當年好似係西城秀樹唱嫁，雖然係老餅歌，但個個都跟住又跳又唱，幾有氣氛~~

會場另一邊有條雪滑梯，好想玩呀，不過老爺唔俾，佢話就快放煙花，放完先好去玩......點知放完煙花我地又走左去雪隧道入面逛，影左好耐相，到逛完出黎已經九點幾，會場d人走得七七八八，我地又要去売店，所以最後都無玩........

差不多八點半，放煙花啦!!

個煙花表演大約五分鐘，初初好似好弱雞，去到最尾嗰part都幾璀璨嫁~~

睇完煙花就去行下條雪隧道先.......

成個會場都打左唔同顏色嘅燈光~

雪隧道入面有好多冰瀑、冰柱.......

五顏六色，好靚呀!!

我地響入面逛左成半個鐘有多，影左好多相~~

就係呢d射燈，將原本白色嘅冰洞變得七彩繽紛~~

條tunnel又上又落，有時又要鑽入鑽出，有D似迷宮，不過落呢條雪樓梯好驚跣......

仲有燒酒贈飲......飲返杯暖下個身先，不過杯酒都幾勁，我飲左啖唔敢再飲~~

呢個唔記得係咩，都係d免費野食咁上下......

冰井

有d冰窗口可以望返出面會場......

逛完出黎九點幾，外面好多人已經散晒......

我地唔捨得走住，因為仲要參觀埋個壳店......

入面當然又有得試食試飲......

試飲過呢d南瓜同粟米湯覺得幾好飲，所以入左d貨......

有埋中文recipe嫁.....個做法睇落好簡單啫，難唔到我嘅......不過買左返黎咁耐都未得閒 or 有mood去整.......

Shop完就離開會場返酒店，呢一日嘅行程仲未完嫁，因為夜晚仲有節目，我地book左酒店嘅貸切風呂呀!!

(...待續)