2月20日 - DAY 2 (PART 3)
層雲峽
離開冰瀑祭會場，本來可以搭酒店shuttle bus返酒店，不過上車嘅地方係響觀光案內所嗰邊，要兜返去另一邊，又要行上條斜坡，去到又唔知有無車，所以我地決定唔坐shuttle bus，反正又唔係好遠，不如行返去，當散下步啦.....沿路都有好多人行，路邊亦有街燈，d雪唔算好大，好快就行到返酒店嘞~~
返到酒店，第一時間衝去souvenier shop買返d心頭好先.......
Shop完就上返房換浴衣，我地約左22:00去浸貸切風呂.....
貸切風呂一樣係響酒店地下......
呢間酒店嘅貸切風呂都有四個，唔知安排俾邊個我地呢?
去到接待處攞鎖匙....
原來安排左呢個，其實都唔知個名點解......
自己將個木牌掛響門外......
地方都幾闊落，一入去係toilet.....
設備都唔錯，有TV......
有個雪櫃，不過入面得一樽冰水~~
有個梳妝台.....
風筒、基本梳洗清潔用品都有~
溫泉池響另一面....
個木盆都幾大，兩個人一齊浸都ok嫁~~
有冷熱水調教溫度~
外面嘅景色
浸完可以坐低睇下TV relax下......
呢個貨切風呂限時50分鐘，如果唔係package包埋，要另俾2,500円一個人.....我地當然hea到夠鐘先離開......外面都有個休憩地方~
泡完湯好舒服......上返我地住嘅六樓，近lift lobby有個日式客廳，我地又影下相先.....
影完相終於捨得返入房，當然又係每晚必做嘅宵夜時間啦~~
飲飽食醉睇埋電視終於捨得去瞓嘞.....聽日嘅行程好期待，要去遍佈流冰嘅世界文化遺產知床呀!!
(...待續)
我都係呀, 去日本自自然然就會食宵夜, 明明食完晚飯飽到嘔, 點都要去便利店買D野返去食, 唔食覺得蝕左咁!
回覆刪除[版主回覆04/18/2011 22:08:00]仲有就係成日都唔捨得咁早瞓呀...真係好想用盡響日本嘅每一分鐘呀!!
こまくさ 係一種草嘅名
回覆刪除[版主回覆04/18/2011 22:08:00]ICIC, thank you 晒~
回覆刪除好喜歡這種日式偏廳，如果屋企都可以裝修到咁樣就好 lu ( 但冇錢冇地方 … )
[版主回覆04/18/2011 22:11:00]但如果我有錢有地方都唔想坐地下囉，你後生細女唔明嫁啦，年紀大坐地下成日要起身真係好辛苦嫁
如果要比2500円又好像貴了啲
回覆刪除[版主回覆04/18/2011 22:11:00]我都係咁話~
不錯不錯，支持樓主~~~ 我有機會來我家逛逛喔
回覆刪除正在網上閑逛，發現這樣一篇部落格，內容很短，堪稱精辟。 正文如下： “大醉而歸，一摸，手機和貞操都在，睡覺。” electronic fuses suppliers transformer manufacturers taiwan connectors socket manufacturers adaptor diode fasterner screws mold washer fans relay pcb board solar cell cell batteries cable tie converter circuit breaker motors optical fiber semiconductor moniter lighting power rectifier 寵物天堂 美容時尚 台灣旅遊
piggybread : 貸切 リ風呂 , 果然好正 , Yeah !
回覆刪除Bye Bye !
[版主回覆04/18/2011 22:13:00]OK啦，雖然未至於好豪，但都唔錯啦!
如果呢個貨切係露天就好啦~~~~~~
回覆刪除[版主回覆04/18/2011 22:13:00]係呀，我都係咁話~
貸切 風呂入面設備都幾好, 仲有TV, 可以係度慢慢hea下!
回覆刪除[版主回覆04/27/2011 15:37:00]係呀，唔錯嫁，有TV睇最好~