2011年2月北海道道東道北12日 - 去帶廣食個豚丼

 

 2月24日 - DAY 6 (PART 4)
阿寒湖 > 帶廣

離開鄙之座，我地搭酒店安排嘅無料送迎巴士去帶廣.....

一上車老爺就攞部Blackberry出黎收公司email，佢話一日唔睇已經有成90多個email.....香港人，唉!

我就當然趁最後機會欣賞車窗外阿寒嘅景色~

呢個免費送迎巴士其實係由阿寒湖溫泉旅館組合共同運行，只要你住宿任何一間旅館就可以預約，除左免費外，最正係有幾條路線揀，好似尋日我地搭嘅釧路方面，仲有北見，以及我地而家搭嘅帶廣方面，甚至遠至札幌都有，如果純粹係由札幌來回，真係車錢都慳返!

美麗嘅阿寒湖，bye-bye

巴士行左大約三個鐘，今次回程竟然無響d道之駅停一停等大家去個toilet.....大概12:45巴士就到左帶廣駅嘞~~

今日其實係無行程，呢兩日都係以住宿為主，因為兩晚酒店都係比較昂貴，所以無點安排行程諗住早早去到旅館用盡佢地嘅設施同浸盡d溫泉嘛......下午我地就會去呢個行程中最貴嘅溫泉旅館三余庵，預約左旅館14:40黎帶廣站接我地，仲有成個半鐘嘅時間，我地當然去醫肚先，不過首要係將d行李放響車站嘅locker......

500円放個半鐘，不過咁多野費事拎住周圍行啦，好影響興緻嘛


搞掂晒就出去搵食~


今日氣溫係2度

我地嘅目標當然係帶廣嘅名物豚丼啦.....

既然係名物，帶廣嘅豚丼食店開到成行成市，我地唔駛諗梗係去以炭火燒烤豚丼而聞名嘅元祖豚丼，就響JR站附近......早幾年我地第一次黎帶廣都想試呢個豚丼，不過當時實在太多人排所以無食到，睇下今次運氣點啦.......

嘩，去到水靜河飛，差不多一點，食飯時間竟然一個人都無?

09年嗰次黎d人多到係排到去街尾再轉彎嫁!!

咁無人排都好，終於可以一試啦，如果要排我地一定唔會等......入面都有一、兩枱客食緊~

呢度清一色只係食豚丼，分四種，松竹梅華.....我地叫左一個松一個竹~

有得食喇!

我點嘅松，small size.....


老爺嘅medium size，竹~

睇下兩個嘅size爭幾遠!

所謂唔同size原來係指每一片豬肉嘅大細，竹嘅size真係大塊過松好多嫁!!

d 豬肉將碗飯鋪得滿滿，豬肉夾口，個醬汁好惹味....唔，yummy yummy!! 另外仲有兩個湯.....

一個海帶，一個冬姑~

食完好滿足咁離開，而家諗返起好想再食

之後我地就行返去JR站.....


帶廣呢度除左豚丼出名，仲有因為十勝嘅農產品質量好高，以牛奶、雞蛋、小麥製成嘅甜點都好出名，不過聽日我地都仲會返黎帶廣呢度，諗住聽日先去逛六花亭，費事又買一大堆野拎住走啦，拎得少一日得一日嘛.....今日就逛下帶廣站先~

聽日我地要搭巴士去然別湖，趁有時間先去二樓嘅案內所攞d資料同問下巴士站個location響邊~

跟手當然去埋車站旁嘅ESTA shopping mall逛下啦~

有100円shop

逛到咁上下就返去車站locker攞返d行李，因為約左今晚入住嘅三余庵 14:40黎接我地呀!

(...待續)

P.S. 不知不覺，311災難轉眼間已過左一年，近日睇左唔少嘅特輯，重溫返當日嘅片段，又再一次提醒我地幸福唔係理所當然....響大自然嘅摧毀下，人力係如此渺小，我地應該好好珍惜而家擁有嘅一切，因為生命中嘅變數實在太多.....尋晚睇見電視特輯裡，嗰位一剎那失去左二百年家族基業嘅伯伯真覺世事無常，但當佢響災區現場忽然發現左一枝自己當日製造嘅醬油，佢面上嗰種喜悅真係令人動容，我衷心期望日本東北所有嘅災民能夠走出陰霾、早日重建家園.....日本，加油!!