同大家簡介完個trip，跟住落黎當然係去到重點，亦即係我嘅敗家精選時間
首先係 iPhone case, Vincent Van Gogh 嘅 Starry Night
巴黎名勝玻璃紙鎮，搖下佢會有白雪洒落，用黎做手信送俾公司同事最正
磁石貼
響羅浮宮買嘅扭計骰，6幅畫面當然都係館內嘅名畫啦~
Mont St. Michel 模型相架
響修道院只係買左呢個紀念品，靚靚嘅觸台，d雕花好細緻，所以都好貴下，50e!!
買咗兩枝酒，左邊嗰枝個樽形好似燈塔，幾得意....右邊嘅紅酒本來係諗住夜晚食宵夜時飲，不過dinner已經飲左好多再飲唔落，之後晚晚都好夜先返酒店，最後唯有帶返HK~
Hehe, 開酒器都買一餐
其實呢對杯我係諗住買返黎飲sake用....
書簽都買，因為我地影唔到個倒影
好 "行" 嘅紀念品，不過係made in France嫁
買左幾枝香水....
其實我好小揸香水，不過見d 樽幾靚，咁一場去到法國，無理由一d香水都唔買掛
今次只係買左兩條電話繩.....我發覺歐洲d souvenir shops 好似唔係咁興賣電話繩，同日本爭好遠，好唔慣
響倫敦買左件褸，38.5 pounds，港紙五舊都唔駛，我會唔會唔買?!
響倫敦大英博物館買嘅.....全部都係mummy products
估下呢個 mummy 係乜東東.....
其實係 2G 手指
鎮匙叩，Harrods 嗰d真係好靚，我諗無乜邊個可以忍手.....最右面嗰個係響羅浮宮買，係印象派畫家 E. Degas 最擅長繪畫嘅芭蕾舞鞋，好cute
.gif)
，雖然成7e，但真係忍唔住要買 (因為我好鍾意印象派d畫)
今年係英女皇登基60周年紀念，好多diamond jubliee紀念品，我咁鍾意買野點可能唔買返d，不過 Royal Palace d野真係好貴，係咁意買少少當對得住自己就算~
護膚品，最左手面嗰樽係響白金漢宮sounvier shop買嘅 hand & body lotion，咁皇室人員都用咯 (我assume佢地都有用啦
)，我諗個quality都應該唔差啦.....試幻想一下或者同未來皇后Kate用埋同一隻lotion喎，係咪好過癮先
.....隔離嗰幾枝係法國品牌，見係made in France，點都要買d mini size試用下啦!!
即係好似大家去日本總係想搵made in Japan嘅原理，呢幾枝甲油其實無咩特別，都係我買開嘅顏色，but 寫明made in France 喎，so 又入d貨啦
呢枝洗甲水好過癮，入面係海綿，將隻手指插入去一下出返黎d甲油已經即刻去晒，快靚正!!
食物，買得唔多，因為真係好鬼貴.....
Harrods買嘅野食.....
最左邊嗰個係梨同番石榴味花茶，凍飲好好味，係響一間叫Whittard 嘅花茶專賣店買嫁，響London好多branch，有一次響Covent Garden間店見有得試飲，我地又發揮精明消費者嘅本色，走入去試匀晒所有幾乎唔願走
，最後都幫襯下啦，不過真係幾好飲~
Angelina 係巴黎好出名嘅甜品店，據講連Coco Chanel都成日幫襯....high tea我地始終無時間，唯有買d朱古力啦~
法國好出名嘅cake, macaroon....
呢間 Laduree 係好出名賣macaroon，好多分店，不過多人都呢，d排隊嘅人龍排到出門口仲要兜個圈，好多日本人排囉....
不過講真，唔係真係好食得咁交關啫，都幾甜囉，又貴，成港幣20蚊一粒，黐線!
而且d service好差囉!!
可愛嘅UK bear bear 文具，買俾姪女嘅
其實唔知買黎做乜，或者因為當時覺得好有親切感啦
紀念金幣，每個都係2e or 2 GBP，好多景點都有自動售賣機，真係買得好就手
響London睇左兩套musical，當然要買返本programme留念啦~~
Hehe，我地連Lido都睇埋，不過有d悶囉，d艷舞都唔係好艷啫
呢本書仔記載左英國歷屆女王同公主嘅婚紗歷史，當然唔少得封面嘅 Kate同戴安娜啦~
羅浮宮買嘅袋，左邊唔駛介紹啦，右邊就係上面提過嗰位Degas畫嘅芭蕾舞娘嘞，個tote bag仲有個袋仔，15e，抵呀!!
環保袋，右邊嗰個係因為鍾意嗰句句子，Dali 嘅名句~
Harrods 買嘅 bear bear
此行嘅重點出血地方
，Harrods 買嘅 tote bags....
好多唔同款嘅products 呀! 眼見個個女仔都好似顛左咁，瘋狂程度拍得住響 LV
......單係響呢個 Harrods products store已經消磨左個半鍾，老爺幾乎係扯住我去俾錢
連Kitty都有!!
隻狗狗好得意嫁!!
姪女好鍾意呀，好開心!!
大家唔好誤會，響Harrods 入嘅貨唔係全部都係我自己，好多都係送俾人嫁!!
Agatha，我都知HK有得賣，但我鍾意響巴黎嘅香舍麗舍大道買喎
買嘅都係狗仔系列.....頸錬
手錬
呢個響凱旋門買，設計好簡約~
壓軸當然係LV啦.....
呢個連老爺都話超靚
其實我都好忍得手，自己只係買左兩個
.....下面兩個係幫人買~
最後又黎張大合照
熟悉我嘅朋友望多兩眼張相就會發覺其實今次我真係唔算shop左好多野，至少同響北海道比較真係爭好遠，因為歐洲d野真係好貴，而且我成日都擔心行李會超重所以一路都好忍手下，不過最後都係要罰200e，諗返轉頭，因為法航罰行李超重係以件數計，咁橫掂都要罰兩件行李錢，早知唔駛咁忍手啦!!
買得兩個袋, 真系唔似你
回覆刪除[版主回覆03/03/2012 22:38:37]有人同我講，就算我係一條八爪魚，我屋企d手袋即使拎一個月都唔會重複，咁你話我仲有咩可能有人會俾我買咁多喎!
我都係覺得 Harrods o的 products 最靚
回覆刪除[版主回覆03/03/2012 22:34:25]係呀，排隊嗰d絕大部份係日本人，但我真係覺得$20先一粒cake真係好唔值，雖然而家過左個幾星期d餅皮都仲係好軟熟....
我諗如果你去Harrods都會同我一樣唔捨得走，d野真係好靚，響嗰度起碼要預留半日先得，我地唔夠時間只能留兩粒鐘，好唔想走囉!!
LV平幾多呀? 紅色果個真係好靚, 啲服務得唔得? 咁忍得手, 我都以為你會買好多名牌手袋. Harrods啲袋我都好中意用架, 黑色底紅花果個好靚
回覆刪除[版主回覆03/03/2012 22:27:05]如果以現金退稅有around 10% off, 如以credit card則有around 12%. LV d服務而家好得呀，有專人全程serve我地，真係招呼周到囉...今次買左兩個都好夠啦，夾埋成兩萬幾，有排都唔駛旨意再買住
红色嗰隻LV超靚仔 係新款? 喺香港未見有人用播! 復活節唔去日本咩?
回覆刪除[版主回覆03/04/2012 23:12:35]新過嚟啦，一入LV個大門就先見到呢個款
喂 ~ 睇下睇下，發覺你個「2011年2月北海道道東道北12日」去到 Day 6 咋喎 !
回覆刪除[版主回覆03/05/2012 23:50:03]Hehe, 我都好想跟你個schedule，不過以我一向咁lazy，都係等我真係搞掂晒個北海道遊記先算啦
[ck 鼠回覆03/05/2012 13:26:28]嘩 ! 你唔講都冇人知你有咁多遊記未埋尾喎 !
[版主回覆03/04/2012 23:50:57]哈哈，照你咁講，咁我不如自爆埋我仲有九州、中部北陸、青森等等全部未埋尾啦
[ck 鼠回覆03/04/2012 23:27:18]其實我係醒起未睇晒你個北海道遊記，過去睇時先發覺只去到 Day 6，所以咪「提提」你囉 !
[版主回覆03/04/2012 23:06:54]你駛唔駛咁心水清呀? 咁都俾你發現，哈哈....其實我都準備開始寫返北海道嫁啦，諗住英法跟北海道同步進行呀
好豐富既收鑊呀 , 係呢 ~ 法國果度多唔多見到 "內地同胞" 呀 ?
回覆刪除[版主回覆03/31/2012 12:05:39]一dd地方啦，最多內地同胞一定係響香榭麗舍大道，尤其LV附近，好多內地人想走水貨~
好多網友成日話我地食嘢有"黑洞神功",如果講買嘢,妳都應該練成咗買嘢嘅"黑洞神功"~
回覆刪除[版主回覆04/02/2012 15:32:41]我都想呀，不過要好多$$先可以練得成個神功呢~
某些旅遊書說巴黎的百貨公司及名店星期日不營業, 是真的嗎? 有點不可思議, 嘻嘻, 我和你一樣很喜歡shopping!
回覆刪除[版主回覆04/04/2012 23:21:36]係呀，星期日絕大部份係唔開嫁，除左LV，所以plan行程要注意，你明啦，明明plan左去shopping但去到先發覺close，好大打擊嫁