2月25日 - DAY 7 (PART 2)
帶廣
離開三余庵，返到去帶廣車站先十一點幾，響呢度我地有成兩個半鐘嘅空檔，所以又先將d行李放響車站locker再出外逛逛~
中午氣溫差不多九度! 呢度究竟係咪北海道?? 點解氣溫同香港差不多?!
下午我地會搭拓殖巴士去然別湖，趁有時間先去車站望下先，巴士站就響JR站出口嘅右手面......
帶廣
離開三余庵，返到去帶廣車站先十一點幾，響呢度我地有成兩個半鐘嘅空檔，所以又先將d行李放響車站locker再出外逛逛~
中午氣溫差不多九度! 呢度究竟係咪北海道?? 點解氣溫同香港差不多?!
下午我地會搭拓殖巴士去然別湖，趁有時間先去車站望下先，巴士站就響JR站出口嘅右手面......
下一班車開13:45.....剛剛有一班車11:00開左，老爺就問點解我地唔早少少離開三余庵早d搭車入然別湖，我解釋因為三余庵咁貴想stay耐d唔好嘥.......條友仔一聽我咁講就嚟料
，話我個人成日唔識分輕重總係因小失大
，早d去到然別湖可以有多d時間玩d雪地上嘅活動，一陣間去到都成四點浸得溫泉又唔夠時間去玩snow mobile同冰上釣魚，仲要響帶廣呢度無聊hea兩個幾鐘，唔知為乜
......
好煩呀
，最討厭d人又唔做planning但之後又響度擺大男人款扮晒有遠見咁!!
.....我唔係唔知早d去然別湖可以有多d時間玩，我當然有衡量過啦，咁從來都係魚與熊掌不可兼得嫁啦，六千蚊一晚酒店，如果我唔響酒店hea到last minute用盡佢d設施我真係覺得對唔住自己囉
....Okay，你話我因小失大，so what??
鬼叫你唔願做planning，而家係我話事，我鍾意點安排就點安排，吹咩?!
有成兩個幾鐘，尋日逛左車站個Esta Shopping Mall，今日當然要去市內嘅六花亭本店同柳月逛下啦......哼! 我覺得我呢個安排幾好囉
早兩年嚟帶廣曾經響柳月買過佢嘅三方六，覺得幾好食，今次都要入返小小貨
.......
好快就去到......
d 蛋糕望落去好似好好味咁......
嗰兩款公仔cake早排東海堂都有得賣喎，莫非係抄柳月??
有免費咖啡試飲
......
我地當然唔放過啦
......我地當然唔放過啦
飲完當然入左d貨
，之後就去六花亭嘞~
上次我地自駕嚟，唔知點解搵左好耐先搵到，今次睇地圖用腳搵，好快就搵到.....
當時做緊呢一款朱古力promotion，好colourful呀!!
總店嘅環境好簡約優美
今次去d人唔係太多，我記得上次嚟簡直係人頭湧湧~
好多野都好吸引.....
個盒仔好靚，不過入面d糖唔好食嘅
好可愛嘅 cake!!
d 野真係唔平，所以只係買左dd 算對得住自己咁啦
......至於佢最出名好好味嘅朱古力草莓，當然唔會響呢度買啦
，狸小路平好多哇!!
入完貨當然唔少得要買返件奶油酥......上次我地試過覺得幾好味~
店內又有免費咖啡供應
，咁就一於響度慢慢食完先走啦~
呢個奶油酥好似泡芙咁係凍食，d 酥皮好鬆化，d 奶油忌廉好軟滑，good 呀!!
食完離開，出左門口見到對面街有好大座類似shopping mall 嘅 building.....
唔駛講當然即刻衝過去!
Fujimaru，擺明係百貨公司啦
成功入貨
，好滿足咁離開
之後就行返去JR站.....
係時候要醫下個肚.....尋日食左豚丼，呢個trip已經食左幾次豚丼，開始有d膩，唔想再食，今日要改下口味.......
呢間「東家」個店名有d熟口熟面，不過又唔記得響邊度見過，望落去都好似唔錯咁.......
有蒿麥面食，正! 一於入去試試~
入面都有幾枱人食緊......
Only 日文 menu，唔知寫乜
，好在有圖片~
落左order，等緊野食上時同d戰利品影返張相先......買左野，好開心!!
我地都係要蝦天婦羅，我嘅945円，兩隻蝦......
老爺只要一隻蝦，840円......佢話︰要慳d，你唔肯去慳唯有我自己死慳死抵
......
老實講，我覺得佢搵野嚟講囉
，相差100円，10蚊啫，多隻蝦喎，點睇都應該要兩隻蝦啦!!
都唔知佢條數點計
食飽差不多一點半
，係時候要起程去然別湖啦~~
(...待續)
你係咪記得東家的 わんこそば？
回覆刪除P.S. 然別湖邊有冰上釣魚架.....
[版主回覆06/16/2012 23:25:21]因為你年年都去，相信仲密過返鄉下 >.^
[jokelib回覆06/16/2012 14:54:08]我通常只記得北海道的東西... >_<
[版主回覆06/16/2012 10:18:45]釣魚同整冰杯我都好想玩呀，不過上次兩樣都無機緣玩...你好勁連收費都記得，真係日本旅遊達人
[jokelib回覆06/15/2012 17:22:45]緊係無記錯啦, 有得整冰杯, 500yen 包埋飲品.
阿寒湖有得釣魚, トマム都有得整冰杯.
[版主回覆06/15/2012 17:15:31]我今次應該無記錯掛...肯定係有整冰杯，因為好想玩...抑或其實係阿寒湖先有呢?
[jokelib回覆06/15/2012 17:04:29]然別湖我只記得冰上露天+cross country ski
[版主回覆06/15/2012 16:52:27]係呀係呀，就係盛岡嗰間呀，之前見blog友介紹過~
無冰上釣魚咩? 咁應該係整冰杯先啱，太耐之前啦，所以是但亂作
我都覺得好慳唔慳! 100YEN多隻蝦, 我都會要兩隻, 你老爺睇完連我都丙埋
回覆刪除[版主回覆06/16/2012 23:29:33]唓，你只係咁啱無住過呢間啫...我睇你幾時忍唔住終於都要去試下!
[小肥羊回覆06/16/2012 13:34:54]你米廢話, 你次次都豪住豪食, 三餘庵我都唔捨得住
[版主回覆06/16/2012 10:23:46]咪係，我地正常人做正常事
如果俾佢知道我想好似你咁次次豪食豪住，家暴都有知
最討厭d人又唔做planning，之後去到又響度多多意見 … 哈哈 ! 我見身邊好多朋友都係咁架 ! 我有個朋友去沖繩，老公又係從來唔 plan 的，去到又成日問今日去邊、一陣有冇呢樣果樣咁，我個 friend 就火都 o黎埋，掟左本旅遊書叫佢自己睇 !
回覆刪除[版主回覆06/16/2012 11:23:15]我都想...不過如果叫佢自己睇，一陣間俾佢預先ban晒d shopping 地點咁就邊度都唔駛去咪大劑
笑死我！比我都會死hea爛Hea到最後一刻，一生人有幾多次會住六千幾蚊一晚酒店，又唔係個個係李嘉誠！
回覆刪除D蛋糕真係好吸引，我都好想食
[版主回覆06/20/2012 16:38:59]係囉，所以話女人同男人嘅思考方向係完全唔同~
最鍾意呢句: "鬼叫你唔願做planning，而家係我話事，我鍾意點安排就點安排，吹咩?!懒得理你"
回覆刪除完全同意, 一係就自己plan, 人地plan左就咪出咁多聲喇~~
[版主回覆06/26/2012 22:47:32]Hehe, 咁我都唔係咁專橫嘅，只要唔係負面說話我都會聽
"最討厭d人又唔做planning但之後又響度擺大男人款扮晒有遠見咁!!"...我撐你...宜家好多男人都係咁好乞人憎~
回覆刪除[版主回覆08/27/2012 17:08:58]Hehe, 多謝晒! 不過我就黎要俾人打，有人話我隨便發句牢騷就害到佢形象盡失喎