(頂唔順插句先，YBlog d format真係煩死人!! 寫寫下d字體大細自動幫你轉來轉去，明明我一向揀d字體係一般，出左嚟變到咁細，搞極都搞唔返，嘥晒人d時間，d隔行位忽然又會多幾行，單係執d format都想殺人，好Q煩呀!! d 相一係就download唔到，一係又忽然唔見左，寫寫下d post無啦啦又成日幫我post出去，點解咁屎嫁!! YAHOO 你 upgrade 左之後仲衰過以前，我真係好頂你唔順!!!)
---
玩完好刺激嘅「雷霆節拍」，我地就行去「熱帶雨林天地」..... 
遠處嗰邊唔知係咪鴨脷洲?
熱帶雨林只得一個遊戲，就係「熱帶激流」......呢個激流其實一d都唔激
，隻艇只係跟住條水道不斷自轉，亦無乜高低落差，不過就周不時會有好多水柱響四方八面射埋嚟....... 
玩呢個想唔濕身係無可能嘅事! 
玩完一身一頭都濕晒，又熱.....響屋企帶兩枝水去係唔夠嫁，我地不斷買野飲....好貴呀，一枝可樂要$22!
黐線!! 但唔買又唔得，真係好熱好口渴......後來見到有呢d冰瓜，二話不說即刻買枝冰下個口先~ 
賞下雀先...... 
跟住就去「急流天地」，即係以前集古村嘅地方......呢個區有三樣野玩.......下面呢個越磺飛車，好想玩呀!!
不過無人理我
...... 
另外仲有一個太空摩天輪，半空轉到飛起嘅野，更加無人睬我啦
......最後，老爺只係肯同我玩滑浪飛船.......
其實滑浪飛船都唔係好刺激
，只係最後嗰下由高處衝落嚟恐怖d，不過老爺已經叫到好淒慘
，睇返園內幫遊客影嘅相，兜友嚇到面都紅晒青筋出埋
.....唉，我係咪好殘忍呢? 成日軟硬兼施逼一個有畏高嘅人陪我玩?
滑浪飛船係最後玩嘅一個機動遊戲，海洋天地嗰邊d野玩老爺以前一向已經拒絕陪我玩，今次當然更加免問
......算啦，今次佢已經破戒同我玩左好多樣野，我已經好滿足啦
~~
抖返陣食返個魷魚先......不過好韌，食到個口好攰.....我地記得上次嗰d好好味嫁
呢度係睇海獅海豹.......我到而家仍然唔識分
....... 
估計係海獅.......
因為旁邊有介紹
帶左潛水鏡嘅海獅毛毛公仔，好得意呀!!
呢d都好得意.....唔買都要影低佢地!
海洋劇場可以眺望海洋天地嗰邊嘅機動遊戲.......
其實呢d好恐怖，我自己都唔係咁敢玩
等左一陣，開始有隊ban出嚟唱歌....... 
之後就開始海豚表演....... 
d海豚表演凌空飛躍....... 
姿態美妙
人魚共舞~ 
兩隻海獅(?)好叻呀!!
我想講嘅係，呢位姐姐個九十度姿勢都好勁喎
呢一段明知係造馬，其實幾無聊，不過又真係幾好笑，尤其後段
因為驚個show完結後會勁多人一齊走去搭纜車，記得上次我地排左好耐，所以今次無睇晒個show我地就閃，拿拿聲衝去搭cable car......水母館上次已經睇過所以今次唔睇lu，不過上左cable car先醒起未睇中華鱘
......算啦，都無計，下次唔知幾時又嚟過先睇啦~ 
橙色嗰個就係新建嘅動感快車，365度轉到內臟都甩出嚟! 
欣賞下風景先...... 
Cable car 到站之後而家變左一條香港老大街..... 
有d懷舊道具俾遊客影相~ 
仲有個電車站..... 
其實而家電車都未停辦，我有時都會搭...... 
大街兩旁又係一d攤位遊戲，究竟每日有幾多人真係會玩呢? 
亦有野飲野食賣.....呢個好似實際d~ 
早排終於無晒嘅熱狗巴士，影返張相先......細個時逢星期日老豆老媽子就會帶我同細佬坐巴士去皇后像廣場同虎豹別墅玩，好懷念舊日嘅時光
....以後都再無可能....
逛左一陣，見已經六點鬆d，因為打算睇埋夜晚個show，所以決定早d去搵野食...... 
去左呢間大熊貓餐廳...... 
唔知係時間尚早定係生意淡泊，得兩三枱客...... 
要左個牛腩麵同肉燥飯加枝橙汁...... 
$180.....搶錢!!
食完出嚟個天都未黑晒~
......好在行快兩步，個升空氣球八點鐘close，我地係尾二嗰組，無耐已經截人唔俾排~ 排響我地後面係幾個強國人，其中有個大胸女士成日唔知點解撞到我個背脊
.gif)
，我真係好想頂返佢個肺......老爺就叫我行佢前面，佢話d唔好野等佢受喎
，點知過左一陣個大胸女人唔覺唔覺就攝左響老爺旁邊，老爺細細聲同我講個女人唔知係咪想打尖.....唉，我地實在太唔了解強國人，原來個大胸女人先不屑打尖，佢只係成日唔覺意用佢個大胸壓向老爺隻手.....
老爺最初都有避，但俾佢迫下迫下迫到貼住欄杆無得郁，終於有次俾佢個大胸成功偷襲到個手臂
.....好在呢個時候咁啱我地排到去入口，個工作人員叫我地入左去個stand by zone等，老爺隻手先成功逃脫魔胸嘅壓迫.....我當然即刻問下佢有咩感覺，正啦有人自動埋身
，不過佢話無感覺，估計係裝假狗因為好硬下
...... 呢個升空氣球我地上次都坐過，不過係白天，今次連夜晚都坐埋，下次真係唔駛再坐lu.....
夜晚睇又有另一種感覺~
中間個紅色圈就係一陣間音樂show個水池~
藍色呢個好型嘅building就係新嘅海洋館~
玩完升空氣球七點十個字，仲有時間去埋個toilet買枝可樂先去搵位等開始......
音樂響起，開始啦~
呢d一個個圓形裝置係會忽然噴火~
個水池除左幻變唔同嘅顏色，仲會有影像好似龍同其他動物遊走......
個show有旁白，個主題其實係有個故事，類似叫大家環保愛護地球咁，不過大家掛住影相影video，相信無乜邊幾個人會有心機認真聽~
個show都有成二十分鐘，我覺得ok唔錯都幾好睇囉~
睇完晒show公園都開始close.....輕輕鬆鬆咁又過左一日，偶然嚟玩下都唔錯，第時港鐵通埋就更加方便，不過響海洋公園消費都勁貴，食兩餐買下野飲零食，買左張相，計埋泊車費$80同來回三條隧道費，唔覺唔覺都洗左接近一千大元，好在入場費唔駛錢
Ocean Park, byeeeeee~~
~ The End ~
歐遊日遊2邊走, 家陣中途殺出個海馬公園, 勁
回覆刪除[版主回覆06/21/2012 22:31:40]邊係勁呀，我多心鍾意乜都寫下無咁悶啫
呢個bolg係咁,妳唔理佢過一排又可以正常番,或者妳可以投訴,但佢多數搵唔到原因,即是"意見接受、態度照舊".......
回覆刪除[Manatree回覆06/22/2012 09:26:58]可能佢知妳忙,咪幫妳post埋囉,哈哈!
[版主回覆06/21/2012 22:33:35]總之就係俾佢玩殘啦，最唔鍾意係成日無啦啦未寫完就post左出去!
老爺咁好艷福, 我以為你會出手殺敵tim
回覆刪除我其實都係中意海洋公園多過迪士尼, 不過兩個小朋友有迪士尼套票, 久不久就要去. 好似海洋公園啲消費重貴過迪士尼woh
[版主回覆06/21/2012 22:37:43]傻啦，咪由佢囉，唔俾佢試下其他，又點知自家嗰個咁正喎
直情搶錢啦，d野飲野食真係貴得好過份!!
$80 粉麵套餐包咩?
回覆刪除[jokelib回覆06/21/2012 23:35:01]我就係 R 頭咩叫套餐.....
[版主回覆06/21/2012 22:40:37]你唔講我都無留意張receipt係打套餐喎...邊係粉麵套餐，只係得碗牛腩麵咋!!
每次入去都起碼要預返一千幾百落樓,真係搶錢呀~~~
回覆刪除[版主回覆06/26/2012 22:45:38]係啦，有乜理由一枝可樂要廿幾蚊，食店d野又唔好食，好食都話抵d~