2011年2月北海道道東道北12日 - 百去不厭嘅小樽 (一)

3月1日 - DAY 11 (PART 1)
札幌 > 小樽

話咁快就去到第十一日啦!! 今日行程比較鬆動，只係打算去小樽逛逛，朝早瞓到差不多八點先起身，八點半去酒店食早餐.........


只要試過歐洲酒店無咩食嘅早餐，相比呢間酒店已經叫做超豐富!

 

食完早餐就出發去小樽嘞，不過上房me me mo mo 搞完一大輪終於接近十點先去到車站，今日真係好hea.......我地嗰張JR pass 尋日已經用完，所以今日嘅車程要買票，由札幌去小樽單程620円~


我地搭10:14 快速列車，雖然10:06有班普通車，但快速列車只需半個鐘就到，比普通車抵達時間快dd~

凍冰冰整返個熱飲暖下身先~

好快就見到石狩灣~

我地習慣響南小樽落車~

其實去過咁多次小樽我地都只係第一次去時響小樽總站落車，跟住次次都係響南小樽落，因為如果響總站開始逛，日落前我地一定行唔晒成個堺町通，而偏偏我最鍾意逛嘅shops 都近南小樽呢邊，反正晏d 先去到睇運河都無乜所謂~

闊別三年，我地又再訪小樽啦~~

好體貼，有指示教遊客點行去堺町通~


唔知點解無啦啦響車站樓梯擺放左d 人形公仔，以前都唔覺有

由車站行去童話十字路口只係幾分鐘~

一去到首先就要巡視我最鍾意逛嘅小樽音樂盒堂本館.......


例必響前面嘅蒸汽時計影返張相先~


室內嘅佈置真係好靚，尤其由二樓望落去G/F 真係場面壯觀!


每一角落都充滿住各式各樣嘅音樂盒同玻璃製品，座枱嘅、手動嘅、卡通人物嘅、classic 嘅，各式其色，總有一款合你心意，真係全部都唔啱，都仲有DIY 等你自家創作........


耳邊不斷傳來陣陣悠揚嘅音樂聲，真係令人心花怒放! 即使唔幫襯單係逛下都覺得好開心

不過購物狂如我又點會只行唔買，開玩笑啦

記得嗎? N 年前嘅 Love Generation 入面講到蘋果代表愛情.......


響愛情中merry go around，咁鬼浪漫，即買啦!!

二樓有好多classic 音樂盒嫁~


呢d 模型好得意~

好可愛嘅 giant green bear!

連toilet 嘅design 都好靚.......


Toilet 入面嘅彩繪玻璃!
 

好多毛毛公仔山呀!


各式各樣嘅 Merry-go-around，真係令人愛不釋手

強國人，來吧! 日本歡迎你......就帶住你嘅銀聯卡狠狠入侵呢個原本浪漫至極嘅小城吧!

響音樂盒堂本館shop 完，好滿足咁離開......之後就過去夢之音.......


呢間shop 有好多好可愛嘅卡通人物造型嘅products 嫁!

Hello, Mickey & Minnie

二樓有好多龍貓同宮崎駿動畫products，不過d 野都普遍貴，只睇無買~

呢篇只能夠寫到呢度就要stop，因為YAHOO 不斷將我下半段嘅文字同相片cut 走晒，但又唔俾我繼續寫落去，本來我已經寫晒上下兩篇小樽遊記打算一齊發出，但而家無理由skip 左中段就出埋下篇，但寫完一次又俾佢cut 一次，真係好厭悶無晒心機寫.....我只係想講，YAHOO 你不如索性摺埋佢唔好再遺害人間啦!!!