2008年10月東京長野川越6日 - Day 1 (東京)

10月1日   星期三

今次我地搭日航朝早10:45開嘅機往東京，大概係假期關係，所以機場好多人。Check in 後我地走去二期果邊諗住飲茶，點知鬼死咁多人響度等緊，但係唔介意搭枱就唔使等，咁我地咪搭枱囉，是但食D野啫，無咩所謂啦。食完就去入閘，行左一陣就上機，班機下午四點抵成田，今次響機場竟然唔使點排，好快就攪掂 check out，出到去只係四點半咋，仲趕到16:35開果班 limousine~~

我地今晚住新宿 Hyatt Regency，架巴士去到新宿塞左好鬼耐，去到酒店已經六點幾，check in 後響房等 bell boy 攞行李上黎又等左幾個字，最後攪到差唔多七點先出去逛。

叫得做購物狂就梗係爭取時間拿拿聲去 shopping 啦，七點幾D百貨公司開始 close，咁我地就轉戰藥房同100 yen店，果時D yen仲係對緊72咋，點諗到依家已經去到85，離晒譜！

響Matsumoto Kiyoshi 同 PePe 間100 yen店掃左D貨後就去搵野食，響歌舞伎町附近行左一陣，我地就揀左博多天神拉麵~~

我家老爺點左葱油叉燒拉麵，850 yen，我就叫左個葱油紫菜叉燒拉麵，950 yen，點都要多過佢....       

食飽後就走去激安逛，不過激安D間格不嬲都好鬼窄，我地拎住一袋二袋好難行，愈夜又愈多人，行左一陣就走喇。返酒店之前響lawson買左D啤酒小食，響酒店hea下攤抖左一陣，就執定個細旅行袋，因為聽日要離開東京去白樺湖同輕井澤玩兩晚....好期待呀~~

----> Day 2 白樺湖