2009年12月台北是是但但咁就玩完4日 - DAY 3 (PART 3)

12月27日  (星期日)
烏來．西門．台北車站．士林

雖然剛由日本返黎好想即刻寫日本嘅遊記，但老爺話之前北海道嗰次已經未埋尾，叫我快D寫埋台灣呢次先好開新喎，咁我基本上都好聽佢話嘅，一於快快手攪掂埋呢個台北遊啦~~

話說上次講到去完嗰個超騎呢嘅雲仙樂園，落返山就去條烏來老街搵野食，不過行左幾間望落去個樣都唔係好想光顧，最後是但搵左呢間山地美食屋........

求其點左幾樣野~

呢個叫做滷肉飯喎.......

問佢攞多隻杯同碗，俾左呢D細細嘅紙杯碟，好攪野~

係咁意將就下一餐啦~

食完就行返去巴士站諗住搭巴士出返台北，點知勁多人排隊，咁我地又見到的士司機又響度兜搭，梗係拿拿林上車走人啦，都係100台幣一位~

出返去新店站，就再轉捷運去西門町，因為打算去西門附近嗰間小禮堂，聽人講話好多Hello Kitty賣，呢個時候天色轉壞，開始落雨，幾經辛苦冒住雨行到去，點知去到晴天霹靂竟然執左!!

門口有post其他分店地址，我地唔死心，於是就打的再去第二間.......

好彩呢間無令我地失望.......

不過D貨色只係一般，無咩特別，行左個圈已經想走，但細妹話咁轉接先黎到，死人都要磨耐D唔肯走，悶到我地抽晒筋!!

條友檻硬買左D野先肯離開，之後就去微風台北車站食牛肉麵，我地揀左呢間二董牛肉麵~

食完又走去買珍珠奶茶..........

原來D珍珠有分黑同白嫁~~

之後就去逛下車站D shop, 呢間野十足日本嘅Tokyo Hands!!

逛左一陣，我晚係最後一晚，我地決定食盡佢，於是就起程去行夜市，以前去過士林，今次想去師大，點知出到去落大雨，唯有改返去士林，其實佢搬左新地方後我都未去過.....唔駛講我同細妹呢兩個超級懶人梗係要搭的士去啦......由台北車站打的去好快，雖然落大雨但都有好多人逛~~

好多苦爪汁~

拿拿聲食返個花枝焿先~~

之後去食炒蟹......

臭豆腐，正!!

粉圓

已經好飽，有人仲想食大雞排，唯有外賣走.......

真係幾大塊，雖然凍左但都OK幾好食~

食到飽飽就早抖啦，聽日係最後一日喇~~