Dinner @ 涮肥牛火鍋

今個冬天忽冷忽熱，趁住早牌有兩日天氣突然涼返D，於是就約埋三五知己去打邊爐，我地揀左響天后附近嘅涮肥牛~~

店舖響一座商業大廈入面，地方都OK......

醬料任你整，不過後尾先知要收$10位!!

前菜就一共收$10，記得好似俾左兩碟我地~~

先啤啤佢~~

響openrice整定張優惠券，送活魚刺身一條，標價$280嫁~~

條活魚都唔錯.......

不過望住佢原本生勾勾，一路食住佢個肉身，有D唔係幾舒服囉......

食完仲要將佢嘅屍身攞去放落個鍋度煲，慘無人道.........

我地五個人，剔下剔下唔覺意都剔左好多野........

日本和牛刺身，原價四百幾，做特價$88，好薄下.....

呢個刺身拼盤亦係做promotion，只需要$98咋!! 都算係咁，有成板海膽，雖然只係一般，不過一舊水都唔駛仲想點!!

我地揀左最平嘅清湯雞鍋，$58~~

鱔片，$48~

餃子，$58~

我最鍾意嘅芋絲，$38啫~

鵝腸，$38~

香炸腐皮，$28，好味!!

冬菇 $38~

豬潤，$38~

唐生菜，$28~

叫左好多丸.......四寶丸，$48~

黑松露墨魚丸，$68~

黑椒牛丸，$48~

呢個蟹籽墨魚手唧麵好得意，好似唧cream咁要好大力咁唧條麵條出黎~~

重頭牛終於出場喇，有機雪花紅牛......呢碟牛原價標$1288!! 而家特價$268......講真OK唔算差，但如果你要我俾千幾蚊去食，傻左都唔會啦!!

又係特價，安格斯牛頸脊，原價$138，每檯限叫一碟$38，雖然平但又唔太差噃......

薄切鮮牛展，$68~

打邊爐飲下食下八下，時間過得好快，唔覺唔覺就食左三個鐘.......埋單計埋加一每人$282，唔算話好平，不過坐得幾舒服，始終商業大廈，D客路都斯文D，無咁多閒雜紋身人等~~