12月28日 (星期一)
台北．桃園機場
食完飯就打的返酒店，個的士司機好好傾，我地乘機問佢打的去機場要幾錢啦，同佢磨多兩句佢就肯收1000台幣，話包埋呢程車喎，咁抵咁就梗係即刻成交啦!!
返酒店攞返晒D行李就直奔機場喇，沿途個司機同我地都傾到停唔倒嘴
，我地問佢咩叫檳榔，佢話原來好多司機愛黎提神，但食得多會上癮嫁，咁我地又問佢檳榔西施係咪真係有嫁，佢就話要帶我地去見識下，原來沿途去機場有呢D檳榔西施響度做生意嫁，佢地全部都好後生，而且真係著得好小.......一間一間細屋仔響路邊，好大塊玻璃窗，有司機駛埋去D檳榔西施就會攞住D檳榔出黎俾司機，我地睇住個司機俾錢攞檳榔時乘機摸下個西施隻手仔真係好好笑
.......我地個司機買左包檳榔話要請我地食，我地當然唔敢試啦，不過總算叫大開眼界啦~~
我地會搭CX 20:20機，不過五點幾已經去到.......
Check in後就周圍逛行下啦~
其實唔係好明，捐發票點樣救植物人呢??
響Terminal 2有個Hello Kitty候機室，Hello Kitty fans同小朋友一定樂而忘返!!
旁邊當然唔少得gift shop啦~~
仲有個Hello Kitty育嬰室嫁~~
D用具都好齊全嫁~~
響Terminal 2 hea左一段時間，差唔多夠鐘就返去Terminal 1，由Terminal 2 去Terminal 1好似有車搭，不過我地又唔趕時間所以就行返去.......
Bye bye喇~~
呢程機有個飽食嫁，暖暖地都OK喎~~
飛機準時22:10降落，呢個是是但但都好hea下嘅台北之旅就咁就過左去啦~~
piggybread : "檳榔西施" 電視都有介紹過 , 不過食完檳榔會好似嘔血咁 , 見到都驚 .
回覆刪除機場個 Hello Kitty 館 , 真係正到爆 .
Bye Bye !
[版主回覆03/09/2010 22:31:00]吓?? 會嘔血?! 咁恐怖，好在無試.....
回覆刪除雖然我唔係 Kitty 迷，但係俾我去到一定拆左塊玻璃返屋企 ! 3 塊都好靚呀 !!
[版主回覆03/09/2010 22:33:00]嘩唔係kitty迷都要拆左佢，你仲癲過我細妹
檳榔我都未食過, 會上癮咩, 定係佢地心思思想親近下d女郎咋
回覆刪除[版主回覆03/09/2010 22:34:00]哈哈，我諗兩樣都有啦
傅生去台灣時更無聊, 成日聽人檳榔西施, 所以去到台灣真系叫親戚揸車去睇下, d女仔真身系低胸背心, 超短裙, 但傅生睇完返來講, 只可遠觀, 不能近看...嘿嘿
回覆刪除你想趕完台灣遊記先出日本? 唉..我泰國既小旅行都未寫, 最近好懶
[版主回覆03/09/2010 22:37:00]我趕完啦，可以專心寫日本喇 .....泰國大家唔急住喎，快D寫埋今次呢個先啦~
檳榔我都未食過?
回覆刪除[版主回覆03/09/2010 22:38:00]歡迎光臨~
聽下面blog友講都無謂食咯......
台灣發票有得抽獎嘛
回覆刪除[版主回覆03/11/2010 22:48:00]哦原來係咁，唔該晒
piggybread : 咁又唔係真正嘔血 , 只不過係 ..........
回覆刪除其實果D係石灰粉刺激你大量分泌既口水黎 , 不過吐出來時 , 有D似嘔血 , 見狀都唔使驚 , 會醒神好多架 .
Bye Bye !
取材自某 Blog 友 .
[版主回覆03/11/2010 22:50:00]就算唔係真正嘔血都好核突啦
你最後這幾篇都好求其
回覆刪除[版主回覆03/11/2010 22:51:00]係呀，我好三分鐘熱度嫁，寫到最後通常都草草了事
我地又係Dec25 to 28係台北，都係坐CX，仲要係哩張相見到我地d朋友添~ 真係這麼遠那麼近呀~
回覆刪除[版主回覆03/11/2010 22:54:00]嘩咁都俾你見到D朋友，咁"kiu"嘅.....最衰影唔倒你兩個入鏡啦~
台灣發票是可以抽獎的, 有錢的. 所以好多機構都有發票收集箱, 如果中咗, 咁就當捐款囉!
回覆刪除[版主回覆03/11/2010 22:56:00]原來係咁，當捐款，咁都幾好噃
行萬里路勝讀萬卷書 ^^ 羨慕你哦！ . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .
回覆刪除[版主回覆03/11/2010 22:58:00]OK啦，thx ar