鄉下婆德遊 - 戰利品篇

 

 

簡介完個行程，係時候要post 返我今次嘅戰利品啦......先黎size 最大嘅一份，就係Rimowa 行李箱........


買呢個喼都諗左好耐，一早就知全世界最平就係德國，不過airline 規定寄艙行李每人只限一件，如果買左就即係要將帶去嗰個掉左去，好似好衰咁，雖然我個喼d 轆都已經 "彎彎地" 成日走S 線.......同埋咁貴個喼寄艙俾人掟真係有d 唔捨得，所以其實一向都無點打算買........

 

不過每次響專門店或d 百貨公司見到我都會忍唔住走去昅下摸兩摸......於是我就諗，舊年響Paris 買個LV 都要過萬啦，買一個手袋可以買三個喼喎，尤其屋企d 手袋多到我輪流用一個月都用唔晒，所以暫時都唔會再買手袋住.........

而且呢個Salsa Air 真係好輕，仲有我鍾意嘅紫色......旅程去到最後兩日就決定買嘞，因為成個trip 都只係shop 左好少野，最終把心一橫

My first Rimowa!

店員仲送埋呢枝價值9.95e 嘅清潔cream 俾我，抵啦!!



今個trip 食左幾次豬手，我地覺得最好食都係響Munich Marienpl. 嘅Hofbrauhaus，呢間啤酒屋可以容納成三千人，入面仲有souvnier shop，我地當然要買返d 野紀念啦~


呢件T shirt 係響海德堡大學城買嘅，雖然比較貴，但話晒係大學城，同埋去海德堡呢日旅程已經接近尾聲，老爺都由得我買


呢條scarf 好平，一舊水唔駛，係響Munich Central Station 等車時快速閃買


去德國又點可以唔買Jack Wolfskin，我同老爺都一人整左一件，我呢件仲要係on sale，only 169e，叩埋稅只需147e 咋!!

 

好鍾意個腳印

科隆著名嘅4711 香水......世界上第一隻古龍水就係響呢間4711 古龍水店生產......小小一枝，仲有塊香水紙巾，用黎做手信最好~


4711 咁出名，除左香水古龍水，咁鍾意shopping 嘅我當然唔會放過佢嘅副產品.......


Shower gel, body spray & body lotion

我最鍾意嘅小鎮Rothenburg ob der Tauber，大部份嘅木屋都好童話feel，好鬼可愛.......小鎮內有一間Leyk 專賣呢種屋仔模型，雖然我地去嗰日間shop close 左，不過後來響Fussen 見到呢間分店，真係天意要我買啦，價錢雖然都幾貴，但我真係好想買呀，最後忍唔住買左兩個，hehe....專揀d 減價貨


點左燭光好靚呀

如果可以買晒成條村就好啦

下面呢個係響Rothenburg 買嫁........


點左蠟燭之後上面d 小天使會不斷轉圈，好靚嫁!!


又係響Rothenburg 買嘅燭台，Rothenburg 屋仔圖形，我最like~~


下面呢個係參觀海德堡古城入面嘅藥事博物館買嘅~


小狗 key holder，送俾小姪女........

另一個小熊飛機師造型，俾自己.....重點係兩個都係made in Germany


磁石貼


呢種德國大啤酒杯好靚不過亦都好貴，老爺最後都係唔捨得買，咁我就一於買返個啤酒杯造型嘅磁石貼留念啦~

唔爭在買多個開罐蓋器~

新天鵝堡玻璃紙鎮


各種地方搜購嘅mini 玻璃啤酒杯


大嘅買唔起，就買小型嫁啦，都係留念啫~


響美麗嘅國王湖買嘅，中間個building 就係靚靚嘅洋蔥教堂~


好得意嘅咕咕鐘，不過實在太貴，而且稍為大d 嘅都好重，所以我地只係買左磁石貼........


不過可以入電池，個鐘係work 嫁


逛海德堡古城入面嘅藥事博物館，當然整返個藥秤啦~

好靚!

仲有唔少得嘅係藥丸同藥酒........


其實係vitamin C candy & 一小枝甜酒


國王湖買嘅鈴鐺


Rothenburg 買嘅bear bear，好軟林林摸落去好舒服嫁，竟然係made in Sweden!! 而且只係10e，諗返早知買多隻啡色啦

 

新天鵝堡postcard


兩本postcard album，一本新天鵝堡，一本係好出名賣Xmas decoration 嘅Kathe Wohlfalrt，因為兩處入面都唔俾影相.......


Kathe Wohlfahrt museum 入面真係好靚，當中有棵好高嘅白色聖誕樹，現場見真係靚到嘩嘩聲，成間museum 都好有聖誕氣氛~
 

充滿悲劇色彩嘅新天鵝堡主人King Ludwing II，後生時真係幾靚仔

去到德國都要買Hello Kitty......原來德國都有Claire's，響日本我好鍾意逛嫁 (不過之前已聽講過話內地而家都開左好多分店).......右面嗰枝eyeliner 係送嘅，都值1e 嫁，雖然我唔會用，但都真開心

 

參觀BMW World......車就無錢買，買返把摭啦~


響海德堡買嘅酒，Easter special package，除左枝酒仲有隻兔公仔同一包靚靚餐巾，枝酒有得試飲嫁，據職員講係當地red berry 釀造，only 7e，抵啦!

 

紀念金幣，同Paris 一樣都係2e 一個，左邊係新天鵝堡，右邊係科隆大教堂~


超市同藥房搜購嘅維他命錠片，超平呀，最貴都係1e，有d 0.79e!! 響香港萬靈買康鈣C 減價都要$98三枝啦，好想入多d 貨呀，不過最初有人不斷阻止話好重唔好買咁多，到後期條友仔肯屈服但已經再搵唔到超市.......好想打鑊佢!!


Ritter 朱古力，some only 0.85e & some 1.x! 而且味道選擇多過香港好多，我只係買左其中幾款咋~


德國名物Haribo 小熊軟糖，最大300g 都只係0.95e，不過一定要響超市先有咁平，d 價格上落差都好大，見過同一款100g 響車站d 便利店就要賣2.4e!


Kathe Wohlfart 都有小熊軟糖，不過就貴d，100g 要1e，不過無所謂啦，都係$10一包，最緊要買得開心嘛!


Milka，一樣好平，0.79e each, 右邊嗰盒豆豆 0.69e


雖然唔係奧地利，但都有好多Mozart 朱古力賣，不過就相對比較貴，所以只係買小小~

右邊嗰包三角mix 只係10.9e，係響機場嘅最後衝刺


全部都係響海德堡一間叫Cafe Knosel 附屬嘅chocolate shop 買嘅，最左手面紅色嘅就係海德堡最出名嘅學生之吻朱古力~

Walkers cookies，唔記得幾錢，不過應該都係平過香港我地先會買~


Merci，最大盒都係7.99e!! From 德國好出名嘅百貨公司Galeria Kaufhof，我地專搵d 減價貨品

 

好得意嘅歐羅朱古力


德國腸，機場買嘅，臨走要買返d 返香港回味下!


特別版三角朱古力 + 可愛狗狗


復活兔朱古力


又係朱古力，from Kathe Wohlfahrt，其實係想要個罐


德國超市d 野真係好平，大吉嶺茶包，0.99e!


Hehe, 連M巾都買，因為20片裝都只係1.09e......本來仲見到有Tempo，一條都係十零港紙，不過有人話行李超重唔俾買
 

 

呢個係回程機Lufthansa 送嘅紀念品........


因為是日我地坐呢班機係Lufthansa 最新波音客機747-8「空中皇后」由Frankfurt 飛香港嘅首航，降落香港機場仲有射水呀，我地幾驚會有記者訪問，哈哈!!




同場加映，香港機場買嘅日本雜誌........

因為鍾意個袋~


好靚呀


雖然d 野已經唔齊，但按慣例都黎個大合照，yeah!!