2011年2月北海道道東道北12日 - 早晨!! 美瑛~

2月28日 - DAY 10 (PART 1)
美瑛

完成左伊豆個遊記，係時候又要寫返北海道啦......唉，點解呢個北海道嘅遊記好似寫極都未寫完咁嫁?! 睇黎我真係要加把勁，我真係唔想到下一次再出發去北海道玩但呢個遊記都仲未完成呀!!

話說上一次講到第九晚去到美瑛，響Pension Jacatra 食完成吉思汗無咩好做就去瞓教啦.......第二朝未夠六點鐘我地就起左身嘞，因為我地想出去外面睇下見唔見到日出呀......

一踏出屋外就忍唔住嘩一聲，清晨下嘅美瑛好靚呀!!!


外面天已經光晒，遠遠地平線有厚厚嘅雲，相信日出時間已經過左.......

雪地上有小小嘅腳印，唔知係咩小動物尋晚響我地屋外呢?


雖然見唔到日出，但周圍嘅雪景好靚，反正都已經起左身，我地決定四圍逛下影下相~






d 雪好深呀，想行去坐下張搖椅都唔得呀!

Pension Jacatra 嘅location 實在好正，響山上望出去嘅風景好遼闊!

 

我好鍾意呢個view，一天一地嘅雪白，真係靚到不得了








大約六點半，朝陽忽然響雲層中出現.......

 

不過因為好多雲，影出黎個效果麻麻地~

有人影唔到心目中滿意嘅日出相，一邊影一邊響度發脾氣，哈哈!!

 

其實我覺得OK啦，我d 要求唔係好高咋，現場睇靚好多~

而且周圍嘅景色真係好正，我覺得已經係不枉此行啦!

簡直好似人間仙境一樣~~

再黎多個take!!




瘋狂咁影左大量雪景相，兩條友冰冷到好似兩條雪條咁，唔覺唔覺太陽已經高升，影夠後我地拿拿聲走返入cottage 暖返下先.......




 由屋入面嘅窗望出去都係風景........
 

呢面小窗係響 bathroom，一邊浸浴一邊可以欣賞靚景~

 

七點半就去主樓食早餐.......


外面陽光開始猛烈，今日好好天，good 呀!!

餐廳入面一個人都無，係真係一個人都無，我意思係連pension 主人都唔見.......

我地都係揀坐返尋晚dinner 時坐嘅位~

等左一陣都係無人出黎招呼喎，咁我地就自己影下相周圍睇下......

好有home feel~

坐左一陣個女主人就出現嘞，同我地傾左一陣計佢先攞野俾我地食，我地其實都好肚餓好想同佢講不如食完先傾啦......


沙律同burger


唔記得係乜，不過有d 印象係幾好食嘅


好簡單而健康嘅早餐，呢幾日食慣左酒店buffet 同溫泉旅館嘅日式早餐，換個口味都ok 嘅~

個柚子都幾甜嫁~


望出窗外個view 都唔錯，一邊食一邊欣賞美景~


可以遠眺旭岳、十勝岳等群山.......

 

睇唔清楚仲可以用望遠鏡~ 

食完先係八點幾，我地join 左 Pension 嘅 photo tour，九點半先出發，仲有大把時間就周圍逛下.......原來食事處另一邊有和室嫁~


有地方可以上網~

之後無乜好做當然又走出去影相.......


我地間cottage 呀~

 

  
因為呢度嘅景色實在太靚，我地影到唔停手呀......









 

 

  

 

 

同兩隻bear bear 影左好多造型照

 







Hahaha.....


玩完一輪又繼續影.......實在太多靚景太多相，每一張都想放上黎回味，所以請大家容忍一下

 

響外面hea 到九點鬆d，係時候要返去cottage 執行李，搞掂出黎pension 主人已經將架車泊左響我地cottage 門口前面........

呢個係pension 男主人，就係佢車我地去photo tour 啦~

同女主人say bye-bye 後，就同男主人一齊出發去我地期待已久嘅photo tour 啦!

美瑛，我地黎啦!!

(...待續)