(真係人都癲!! 明明呢一日小樽嘅行程只需兩篇就搞掂，結果俾佢cut 完又cut 要分四篇，點知去到第四篇又再cut，已經犧牲好多相唔post，但整極都仲係爭少少，真係火都黎，我真係唔想再搞索性整多一篇算，而家打一篇要花雙倍時間去搞，諗下諗下講真咁辛苦都唔知為乜!!)
3月1日 - DAY 11 (PART 5)
札幌
返到札幌先六點，先去酒店放低d 戰利品，休息一陣又出去諗住最後一擊再shop 多一陣........
近近地只係去Stellar Place 逛下~
逛到八點，都無乜點入貨，唔知係咪今個trip 已經shop 得太勁，竟然無乜mood 買野(!)，就連大丸都未close 我已經唔想再行
.......同埋今日行左成日真係好攰，所以就是但響JR 站旁邊嗰間味之時計台解決我地嘅晚餐~
我地都係要帆立貝牛油拉面.......
老爺要味噌湯底......
而我就要鹽味~
另加餃子
食完離開，一出到外面，wow!! 原來落緊大雪呀!! 頭先響酒店出黎時仲好好天，忽然間天氣就變，d 雪仲要好綿密嗰隻，兜口兜面咁灑落黎，好sad 嘅感覺
.......今晚係旅程最後一晚聽日要返香港啦，我地都覺得應該係北海道唔捨得我地，所以連個天都落淚，不過天氣太凍d 淚變成雪........返到酒店攤抖一陣，又係夜宵時間.........
當然仲有最重要亦都係最唔like 做嘅野 --> 執行李!!
每次到呢個時候亦係最痛苦嘅時候
，一床都係睇見都想死 
......唔係，今次唔單止一床.........
每次到呢個時候亦係最痛苦嘅時候，一床都係睇見都想死 ......唔係，今次唔單止一床......... 一張床都放唔晒
，今個trip 實在太癲，要1.5 張床先放得晒
.......我都無眼睇，由得老爺一邊哦一邊搞掂佢
Pack 好晒已經係兩點半
，終於可以搵返張床去教教豬
(...待續)
YAHOO話今日會取消文字上限喎!! 不過而家仲未得啊!!
回覆刪除[版主回覆06/04/2013 16:15:15]今個trip 係重手左d
係真係取消就好啦，成日俾佢cut 真係無心機打，不過都係睇定d 先開新篇，我唔係好信得佢過囉~
[路過蜻蜓回覆06/04/2013 09:31:16]啲戰利品好勁啊!!
戰利品多到咁, 好恐怖
回覆刪除只剩一日, 加油!
[版主回覆06/04/2013 16:17:19]如果唔係咁點會要罰咁多錢
我已經好積極，不過成日俾yahoo 打殘
注意: 文章字限將於6月4日內取消
回覆刪除http://blog.yahoo.com/yblog_hk/articles/1301701
[版主回覆06/05/2013 16:39:12]唔該晒呀! 希望佢唔好再搞新野，等我可以安安樂樂打埋個北海道埋尾啦!
戰利品好精彩....好彩酒店房夠大, 如果唔係唔知點執
回覆刪除[版主回覆06/05/2013 16:41:20]其實間房都唔算大，你都知日本商務酒店d 房可以有幾大，不過我地都慣左響逆境中收拾殘局
1.5 床都係既戰利品，大滿足 ! 執得辛苦o的抵番晒啦
回覆刪除味之時計台既帆立貝牛油拉面，又係每次去札幌都必食既
[版主回覆06/05/2013 23:21:16]係呀，嗰塊牛油真係好heavy 但又好吸引，響香港真係打死我都唔敢食，但去到日本又覺得死都抵
你千祈唔好俾YAHOO激到唔寫啊, 我好鍾意睇你寫BLOG呢, 尤其係戰利品篇
回覆刪除[版主回覆06/09/2013 22:04:07]多戲支持
我會好努力寫嫁，希望清多d 爛尾遊記啦....你真係有taste，我都覺得戰利品篇係最happy moment ar