呢牌好忙....但係忙得黎好興奮呀，因為係忙住planning去日本呀~~
已經有一段時間無去北海道，唔知點解成日都好掛住札幌，我諗我真係愈來愈變態
.....上兩次去北海道都係冬天，試過冬雪嘅浪漫，總係好想響夏天再去多次北海道，記得好幾年前第一次去北海道係五月，富良野一D花都未開，一直都引以為憾，成日都同老爺講點都要再去一次，或者俾我煩得多，佢終於決定八月再去我地至愛嘅北海道啦~~
同往年一樣，每年去到年中都已經剩返好小假
，所以只能夠去六日.....今次嘅主題係"親親大自然"
，顧名思義即係以睇大自然景點為主啦，so, 富良野同美瑛係主打!!
近呢兩年去日本，每去一處地方都希望將想去嘅景點玩晒，唔駛下次再重複，因為人生得嗰幾個十年，太小嘅假期，太小嘅金錢，但就太多想去嘅地方，實在唔想話明明已經去到一處地方但唔夠時間今次唔去住留返下次先再去過，世界咁大，仲有好多地方未去過，幾時先得輪返再去過同一地點喎
......所以希望今次可以儘量去晒富良野同美瑛嘅景點，另外仲想去埋十勝同帶廣啦，層雲峽都係考慮之列.....唉~
都未開始plan已經有咁多地方想去，六日時間點夠呀?????
今次呢個trip比較特別嘅地方，係我地諗住自駕遊，或者對於好多朋友黎講日本自駕遊已經係家常便飯，但係我地從來未試過響日本駕車，所以真係有D緊張，單係做planning已經有D無所適從，不過平時去日本，之前大部份嘅籌備都係本小姐一人負責，老爺好小參與，今次自駕係重點，未開始計劃行程，淨係睇join邊個package佢已經同我一齊研究喇，佢仲要一有時間就上租車網睇定先，佢平時工作好忙，今次真係唔該晒佢呀~~
因為八月中要考一個試，要等個試考完先去得，問題黎喇，八月中打後....富良野仲有無花呢?!
如果無咩花咁去黎做咩先??
仲有好緊要嘅一個問題，今次呢個trip究竟去唔去我摯愛而百去不厭嘅小樽好呢?????
妳就好啦 我八月尾都攞左假~但係重未諗到去邊
回覆刪除[版主回覆06/08/2009 22:58:00]或者到時我地會響機場擦身而過 .....有無諗過去日本呢?
如果得六日 , 又想去小樽 , 更係得啦 , 事在人為 , 點解去層雲峽呀! 無紅業喎
回覆刪除[版主回覆06/08/2009 22:56:00]我貪心嘛，成日想去多D地方.....其實你講得啱嘅，層雲峽都係秋天去好D，而且得嗰六日，時間都好趕~
嘩, 東北遊記都還沒有寫完又去北海道, 好羡慕呢!
回覆刪除[版主回覆06/08/2009 22:52:00]唔好羨慕啦，暑假都差唔多到，快D同你兩個小朋友去玩咪得囉~
8月中打後的薰衣草可能麻麻, 不過唔同品種都有唔同時間開的, 而且天氣又會影響, 不過太陽花可能會靚d, 因它是8月份開的, 自駕遊實可以暢遊美瑛啦, 留意Pension都要早d book喎, 黎緊我會寫翻賞花之旅 , 不過已是2006年lu, 因只是回憶寫翻, 所以都好簡單一些 , 同時我不是自駕
回覆刪除[版主回覆06/08/2009 22:50:00]多謝你嘅提醒呀，而家仲揀緊住宿，都應該會住pension，不過花多眼亂都好難揀，見你上次住嗰間都唔錯，諗住search多幾個blog友嘅遊記黎睇先決定~~
我響度等緊你寫賞花之旅呀，06年都唔係好耐啫，好期待.....
piggybread : 恭喜晒 ~ 又去 "日本" ( 2月頭先至去過 , 咁快又去 ~ 超羨慕 ) 我諗我最快都要明年中先至有機會 , 不過唔會自駕遊 , 因為冇車牌 . 八月中仲有冇花 ? 真係要等妳地返黎先解答得到 .
回覆刪除Bye Bye !
[版主回覆06/08/2009 22:40:00]平時都係鍾意搭JR，不過今次去嘅美瑛D景點比較"隔涉"，所以就試下自駕啦，都唔知掂唔掂嫁~
明年中好快就會到啦，而家D時間好快過，不過我以為你下次都係冬天去添，因為你呢兩年都係揀二、三月去日本~
哈! 咁快又去日本, 羡慕死人啦! 是一早plan 定, 定突然想去嫁? 你自駕那是否搭直航去北海道? 小樽梗係要去啦! 去大半日都得嫁! 好鄧你興奮啊!
回覆刪除[版主回覆06/09/2009 23:04:00]其實都無話係咪一早plan，因為我無時無刻都掛住去旅行啦，仲成日發神經得閒就諗埋好多個地方嘅路線(我係好變態嫁~ )
今次搭凌晨機去呀，慳多D時間嘛~
今次一早答應侄女、外甥去陽光與海灘 其實係我想同佢地玩 最多都係去沖繩 妳最北我最南包圍日本囉
回覆刪除[版主回覆06/09/2009 22:59:00]咁到時響北海道我就向住沖繩嘅方向同你招手啦~~
你又去日本 . 寫埋個東北遊記先好出發啊, 8月中後應該得返向日葵了, 不過都好靚, 美英住這家也不錯, 好鬼童話, 如果我能夏天去一定住 http://www.spoonvalley.com/
回覆刪除[版主回覆06/09/2009 22:58:00]我會努力寫嫁喇....如果有向日葵都好正啦.....
多謝你嘅好介紹呀，D屋仔真係好鬼童話，不過好似略為貴左D囉~~
有無搞錯, 又去北海道! 今次係第幾次去呢? 連我老公都開始覺得你愈來愈變態
回覆刪除[版主回覆06/09/2009 22:49:00]Hehe, 都唔係好多次啫 ，咁北海道離大板遠D無豬流感嘛，同埋我地都未去過美英同十勝帶廣......
你個東北遊記都未寫完就又計劃去北海道，真令人羨慕。咁你嘅遊記就寫不停。
回覆刪除[版主回覆06/09/2009 22:47:00]咁我寫得慢嘛，其實我只不過去遲你一個星期，但你已經一早寫完....不過我真係幾享受寫嘅過程，一路揀返D相好似又去多次咁~
piggybread : 其實我都係唔想勁大雪果陣時出發 , 上次去 "北海道" D雪大到好深刻 , 怕怕 .
回覆刪除Bye Bye !
[版主回覆06/10/2009 22:55:00]係呀，日本D暴風雪分分鐘會令到火車同飛機班次delay，落小小雪就夠啦，太勁雪真係好鬼煩~
eeee~我諗住9月頭去呀~~又係親親大自然wo~~~哈哈~
回覆刪除前幾次去北海道都係同你一樣~~落雪~落雪~同落雪~~一次就6月去~~又係咩花都無得睇~~~
plan緊去~~~不過唔知9月頭d花仲等唔等我呢~~哈哈~~~
你果個東北都好吸引啊~~keep寫我keep睇~哈哈~
[版主回覆06/11/2009 23:38:00]歡迎光臨~ 9月頭應該都仲有其他D花嘅，至於薰衣草我就唔抱太大期望，到時真係仲有咪有驚喜，無都唔會太失望啦....你開始plan行程未呢? 得閒大家交流下啦~~
eeee~我諗住9月頭去呀~~又係親親大自然wo~~~哈哈~
回覆刪除前幾次去北海道都係同你一樣~~落雪~落雪~同落雪~~一次就6月去~~又係咩花都無得睇~~~
plan緊去~~~不過唔知9月頭d花仲等唔等我呢~~哈哈~~~
你果個東北都好吸引啊~~keep寫我keep睇~哈哈~
HELO~~我地宜家約睇下點樣租車、會住D咩地方、有D咩特別野睇咁囉~
回覆刪除其實真係PLAN都未呀~~~
你有D咩好提議呀~~~我都係想睇下D大自然野~~影下D靚相咁啦~~~
[版主回覆06/13/2009 12:27:00]而家我地都仲係諗緊住宿，想要響富良野或美英住一晚pension，我想住單棟屋嗰D，因為見blog友紅米奇介紹嗰D好鬼型~
好羨慕呀, 我也很想去北海道
回覆刪除[版主回覆06/15/2009 22:56:00]唔使羨慕啦，快D plan去玩咪得囉~
咦,又有鄉里要番鄉下喎!!
回覆刪除[版主回覆06/21/2009 23:17:00]Heee, 都好耐先回綁一次啫....
會唔會睇向日葵啱時候D呢???
回覆刪除[版主回覆06/21/2009 23:16:00]應該就係，希望睇到人咁高嗰D啦~~
我个行程終於O.K.啦 比我追到位, 改咗少少 你又如何呢 BOOK哂房未呀
回覆刪除[版主回覆07/11/2009 22:39:00]酒店都基本上book晒，不過個行程都仲係十五十六，唔知去唔去北竜好，因為車程始終比較遠......等緊你返黎攞料呀~
仲有幾日就出發嘞，心情一定好興奮啦，祝你食多D、買多D，玩得開心D~
六日行程怎樣, 可否給我look look
回覆刪除[版主回覆07/13/2009 23:09:00]其實我地都仲踱緊，大致上頭尾兩日響札幌，day 2 去美瑛(未sure 去唔去北竜好)，day 3去富良野，day 3上午續玩富良野，下午去帶廣，day 5上午續玩帶廣，下午去小樽或outlet....暫時係咁上下，都仲plan 緊~
帶廣有咩玩 是否入十勝 8月去北竜係最盛放,唔好錯過 自駕由更加no problem啦 我今次都去
回覆刪除[版主回覆07/15/2009 23:10:00]都係想浸下個美人湯，同埋食佢最出名嘅豚肉丼咋
就係想等你返黎睇下北竜值唔值得去囉~