2012年12月東京熱海快閃72小時 - Part 1

12月14日 (星期五)
香港 > 成田機場 > 湯河原

完成左10年北海道嘅遊記，本來打算開始寫去年四國嘅trip，不過諗下諗都係快快手整左呢個快閃trip 先，希望五篇可以搞掂~

又係搭凌晨機......得嗰72小時，仲唔搭凌晨機不如唔好去!

 放左工拿拿林返屋企沖涼食小小野然後就出發啦.......今次行李好輕便.........

兩個行李箱夾埋17.1 kg~

入左閘當然又係去Traveller's Lounge 食我地遲來嘅dinner......

第一次見到有呢隻芒果汁~

雖然知道上機好快就派餐，但我地呢d 咁貪小便宜嘅人當然要食到盡，連cookies 都唔放過啦


旅遊例牌成員紫bear + mini forever bear......紫bear 一見候機室張凳就好like，睇佢個樣已經好似返左屋企瞓得好自在咁

1:05 起飛，一上機我就即刻瞓，老爺就仍然搵d 打打殺殺嘅動作片睇.......瞓到三點半就俾老爺推醒食野........


CX 飛機餐唯一好食嘅野.......但可唔可以俾多兩款人揀呢，好似我最鍾意嘅士多啤利?

食完繼續瞓，坐響度瞓真係都幾辛苦，年紀大真係唔知仲可以捱多幾多次.......6:15 就到成田機場，雖然係凌晨機但過關都搞左一段時間，攞左行李就去搵租車office，我地約左八點攞車，本來想約早d，不過Nissan 八點已經係最早嘅取車時間.......去到見Nippon Rent-A-Car 已經有職員響度，但其他counters 就仲未有人，呢個時候先七點幾，機場除左d 食店乜shops 都未開都無咩好逛，再加上我地懷有少少希望Nissan 嘅職員或者會早返工可以早d 攞車，所以逛左一個圈就走返去坐住等~

租車office 旁邊有間外賣coffe shop，於是我地就響度買左我地今朝嘅早餐........

兩個人其實都唔肚餓，只係買左一個隻hot dog 同coffee.......



租車office 陸續有職員返工，Toyota 七點半已經有人攞車，不過等極都唔見有Nissan 嘅.......


最後個職員踏正八點先出現，真係準時......因為我地係香港人，香港人出名心急，我地一見佢走埋去Nissan 嘅counter 就即刻急不及待走過去，佢一見我地連個公事包都無放好就即刻招呼我地，真係唔好意思~

租車手續好快就搞掂，唔知係咪因為呢度係機場，出路只得一個? 個職員俾左張地圖教我地點樣離開.......


仲再三叮囑我地還車地點唔係機場呢度.......真係唔該晒佢呀~

搞掂晒佢就帶我地出去外面攞車.......今次係我地第一次響機場攞車，原來機場租車outlet 唔係好大嫁，只係得幾架車響度~


Check 好架車，八點半我地就離開機場~
車行左一陣就上成田IC~


好快去到第一個PA，停一停交水費......

呢個PA 都有d 野逛......


仲有頗大嘅食店.......

不過我地只係買左罐熱粟米湯就閃~


望下望下車窗外嘅view 好快就十下十下

由成田機場去東京原來都頗遠，行左好耐先去到東京IC，而且呢一段IC 都頗塞~



彩虹橋，每次經過我都會諗起理子同哲平，然之後又會哼佢嗰首主題曲


響IC 塞車真係好厭悶，之後去到一個叫海老名SA，GPS 顯示一串長嘅facilities，當然即刻停低架車hea 下........



呢個SA 好大，連衫都有得賣~

有條橫丁有好多野食賣~


仲有好多精品.......不過老爺話眼看手勿動，係咁意逛個圈就俾佢拉走

富士山? 到底係咪好快會爆發呢?

接近十一點終於去到我地嘅目的地，熱海附近嘅湯河原溫泉.......
今日第一個景點，就係位於萬葉公園嘅獨步之湯 (Tel: 0465-64-2326)......不過獨步之湯個入口附近都唔見有停車位，我地沿路繼續搵，車路沿山彎彎曲曲上，終於響山腰再上少少搵到有處地方有兩三個位泊低架車........之後就要行返落去搵返個入口~


一路向山下走，好幽靜，山下面有溪流，景色唔錯~


沿山路仲見到紅葉，都十二月中啦，無諗過仲有紅葉，好開心


萬業公園面積好大，不過我地只係去佢嘅足湯「獨步之湯」~

呢度幾靚


遍地楓葉，不過大部份已經變黃~

好快去到......


入場費每位300円~

另外有毛巾賣，唔記得幾錢，好似每條200円，我地唔記得帶備，所以買左一條.......

毛巾有獨步之湯個名，仲有個索繩袋嫁~

足湯內係土足禁止，需要除左鞋換上園內provide 嘅拖鞋~


售票處後面有男女更衣室........


入面仲有locker 俾你寄存對鞋.......


原來每個locker 入面都放定左一對拖鞋，真係細心~

 

換左拖鞋就去足浴啦~~


園內有兩個出入口，各有名堂嫁.......


左青龍.......

右白虎.......唔知起呢兩個 "朵" 有咩意思

呢個足湯設施據講係日本最大嘅足浴溫泉，一共有九個泉~

我地首先去「腸鼻之湯」.......

啱晒啦，我d 腸胃一向麻麻

「大龍穴」即係泉眼?

下一個係「思考之泉」.......泡湯都可以刺激思考?
冷冷嘅天氣之下浸泡一下對腳，好舒服呀!




Next, 「脈胃之泉」.......
唔係太多人，一邊浸一邊可以同兩隻bear bears 影下造型照~



之後係「喜之泉」.......

呢個湯有按摩功能，不過好大陣味，唔係硫磺味，而係好似泳池d 氯氣味，所以我地好懷疑呢度d 所謂溫泉水係假


「肝目之泉」........老爺話啱晒我，因為我眼又盲成日PK 平時做野又無心肝


呢個湯放左d 石頭俾人踩刺激穴位.......
個構圖幾靚



「腎耳之泉」........唔該醫醫老爺隻耳，條友仔成日扮聽唔到我講野

呢個湯好鬼熱，而且佈滿晒石春，踩落去好係野


「脾骨之泉」



今次呢個係另一款石頭......莫非唔同嘅石頭有唔同嘅功效?

呢個湯有兩個池，一個有石頭，另一個無但就熱到飛起!


「平靜之泉」.........

有好小粒嘅石頭，唔好睇佢細細粒，踩落去包你痛到叫阿媽~

最後一個係「皮口之泉」，有幾個伯伯響度浸左好耐，久不久仲大叫大笑.........


我地去到班伯伯即刻叫我地去試下.......原來呢個湯左右兩邊水溫唔同，有一邊熱得好交關，班伯伯笑住同我地講 "ichiban"~

 

響度玩左差不多一個鐘我地就離開，上去換返對鞋先.......左上角嗰間building 就係售票處同更衣室......

沿路行返上山，周圍有好多楓樹，大部份都已變黃，但都幾靚~




返到去入口，我就響度等老爺走返去上面泊車處攞返架車........雖然呢個「獨步之湯」d 泉水有d 騎呢，但響冰冷嘅天氣下浸泡一下對腳，真係好舒服，而且周圍環境唔錯，地方又乾淨，浸得好自在，不失為一個relax 嘅好地方~

等左一陣老爺嚟啦........


離開「獨步之湯」，呢個時候已經一點，係時候速去熱海搵地方開餐~

(...待續)