2009年2月日本東北8日溫泉之旅 - Day 4 (Part 9 藏王國際‧夕食篇)

2月17日   星期二   (松島 > 山形 > 藏王山)

返到酒店已經過左六點半，拿拿林放低D野就即刻走去二階餐廳食晚飯~~

去到見D野食已經set左D響度~

同大家介紹一下個菜式.... (我最鍾意寫嘅環節呀~~)

前菜

我最鍾意食嘅漬物~

和食一定唔少得嘅sashimi~

黎到山形縣梗係要食山形牛啦~~

陶板燒.....o-i-shii~~

芋煮鍋.....呢一個係山形名物，響山形三晚嘅晚餐都有呢種鍋，一舊舊圓圓嗰D就係山芋，煙煙韌韌咁，幾好食，不過老爺就唔係太多欣賞~~

唔記得係咩喇....不過粉紅色嗰舊好似係魚蛋掛??

一小口蕎麥麵~

白飯 + 湯 (個湯都幾"傑"，幾多料~)

睇下生日先有嘅特別筷子套嫁~

平常係呢款咋~~~

生日送左兩杯紅酒俾我地

.....Yeah!! 乾杯~~~

我地另叫左枝日本酒~

餐廳都幾大，環境都唔錯.....

不過因為之前呢間酒店嘅接送安排攪到我一肚氣，後黎我地order枝酒又攪左好耐個女waiter先明我地講咩.....唔係我誇大或刻薄，呢位亞姐真係好鬼鈍，wine又唔明，sa-ke又唔曉，攪咩呀??....救命!! 真係頂唔順呢間酒店嘅員工，唔該再攞佢地 (especially 個司機)去再培訓啦!!!.....就係咁攪到我食呢餐生日嘅晚飯初初都食得唔係咁開心~

窗外睇到個滑雪場，原來酒店有條通道直達嫁~

食飽後再上埋個甜品同生果~

呢餐晚餐都算係咁啦，而且份量都好足夠，食到我地捧住個肚....最慘就係食完已經將近八點，想去攤抖下先都唔得，因為約左八點去浸貸切風呂呀.....

---> Day 4 - Part 10 藏王國際‧溫泉篇