2009年2月日本東北8日溫泉之旅 - Day 4 (Part 3 松島五‧景點篇)

2月17日    星期二    (松島 > 山形 > 藏王山)

離開酒店，正式開始今日嘅行程，上午仍然係松島市內遊，第一站係瑞巖寺~

尋晚落過雪，白雪鋪滿一地~

大約十分鐘就行到去瑞巖寺~

要先經過一段長長嘅小徑，四周環境好幽靜，小徑兩邊種滿左好高嘅杉樹~

入口前有自助售票機.....不過好似同咁古雅嘅寺院唔係咁協調噃....

入寺費每位700 yen~

入面有唔少嘅墓碑，不過好多地方做緊維修，搭晒鐵架摭住晒，想話搵嗰塊鰻塚都唔見....

D鐵架真係大殺風景...

晨早有個和尚響度打掃~

行到去本堂，要除鞋先可以入去，我地最初無留意著住對鞋踩左兩級，即刻俾個看守嘅阿伯呼喝，佢好惡呀，仲一路倔住我地換拖鞋，目光好恐怖.....大佬，一時睇唔倒個指示牌啫，使唔使想殺左我地咁......

呢個寺院據講當年阿伊達政宗公請左130個技藝高超嘅工匠花左五年時間黎興建.....其實講真或者係我唔識欣賞，個feel係幾古樸，不過我真係唔覺得有咩咁特別.....

入面唔準影相，內堂亦唔準入只可以離遠望，有D仲閉門睇唔倒.....700 yen 好唔抵囉....
.

好快速行左一圈就出返黎著鞋走人....

反而個庭園仲靚D囉~~

庭園旁邊有個青龍殿，係寶物館，入場費已經包埋~

個toilet幾古色古香~

響瑞巖寺行左大半個鐘就走喇~

我覺得呢張相老爺影得幾靚~~~

離開瑞巖寺就向觀瀾亭進發，途經觀光船碼頭，於是買定十點鐘嘅船票，然後就行去附近嘅小山丘，觀瀾亭就響上面....

入場費200 yen，使用折扣卷只需150 yen~

呢座觀瀾亭係豐臣秀吉當年響某某地方嘅茶室，後黎有個藩主將成座建築物由江戶移左黎呢度用作乘涼同賞月(.....個動機都好無聊啫.....).....所以呢度入面除左有字畫文物外，仲可以俾多幾百yen飲杯抹茶同食和菓子~

咁悠閒響度歎茶嘅野，唔使錢就話試下，要錢梗係no thanks 啦....

由個茶亭望出去可以望到松島海岸嘅景色~

旁邊有個博物館，入場費已包埋~

5000分之一嘅松島鳥瞰模型

呢個博物館都幾殘舊，亦無咩特別野睇，好快就行完...

之後就離開，行返去碼頭途中可以見到成個亭嘅全貌~

無端端會有個小島響個海度，而上面又種滿晒松島，幾有趣....

呢個就係循環巴士車站，不過我地始終都無搭過，因為松島市真係比較細，所有景點都行到去~

離開觀瀾亭，朝下一站進發，遊松島指定動作 ---> 遊船河餵海鷗~~~

---> Day 4 - Part 4 松島六‧遊船篇