2010年1月31日星期日

2009年12月台北是是但但咁就玩完4日- DAY 2 (PART 4)


12月26日  (星期六)
西門.樂也


離開101大樓,實在太攰唔想行返去搭捷運,所以就打的算.......響台北搭的士真係好平,由101大樓搭去西門都只係四、五十蚊港紙,咁多人搭真係抵到唔抵,自此超lazy嘅我地就差不多程程都打的.......


我地今晚又係去西門,因為想去呢間樂也食燒肉呀~~


呢間燒肉店晚餐時段每位439台幣,各款肉類任叫,限時兩個鐘,飲野同雪糕都係任攞嫁!!


佢話係用紐西蘭牛肉喎......


不過去到超多人,服務員幫我地做左reservation, 話大約要到九點半先有位,要等大半個鐘..........


本來諗住出去四周逛下,不過實在太攰,又拎住大包細包,結果我地就坐響度呆等,地方都OK,有得坐就得啦.......點知坐左一陣有個服務員走出黎叫名,叫叫下又叫到我地,所以唔駛九點就入得去,好彩無出去行咋.........


我地要左一個火窩........


同一個燒烤~~


飲野用呢D細細個紙杯.......都好嘅,唔鍾意唔飲都唔駛咁嘥,出去攞多幾轉都唔緊要啦,而且都有好多種飲品俾人揀嫁~


仲有沙律吧~~


我地咩都點一餐,攪到一枱都係.........





配籵醬汁都有好多種,都係響外面自助形式~~


開餐啦)))))




上面三粒辣腸個look好似好畸怪,但其實幾好食,台灣人真係好興食腸......


飲飽食醉後當然係甜點時間啦.........下面呢D只係一小部份......我地狼死到好似唔駛錢咁......


睇下!! 係Haagen Dazs呀,係正常人都搏老命攞啦~~~


仲有chocolate fountain,正!!


風捲殘雲、杯盤狼藉後一堆mess!!!



食飽後又響西門街頭溜連下先~~



逛左一陣真係頂唔順,於是又打的返歸囉.......第三日我地打算去郊區遊玩一下,雖然都仲未諗到去邊度......(待續)


4 則留言:

  1. 快D出啦 我等唔切啦
    [版主回覆02/02/2010 22:46:00]做咩等唔切叨呀? 講得咁恐怖 ,抑或你又要去台灣呢?

    回覆刪除
  2. 吐~梗係趕住去台灣啦 本來D衰嘢就唔應該係blog度講 今次係針對D無為人啫 快D講番旅行啦
    [版主回覆02/07/2010 10:13:00]吓! 你唔好參考我地個行程啦,我地個trip好 "行" 啫,都話是是但但咁就玩完咯,都無咩特別啦......不過見你咁support,我努力D出post啦

    回覆刪除
  3. piggybread :           個燒烤有D似我地 "香港" 既 "漢X" 韓國燒烤喎 , 正 ~  
    Bye Bye !
    [版主回覆02/07/2010 10:00:00]係呀,整體黎講OK嫁~

    回覆刪除
  4. 主要係想睇下有乜好食啫 到咗呢幾日唔阻妳同老爺準備啦 記得要盡興而歸呀
    [版主回覆02/13/2010 11:22:00]多謝呀,我會聽你吩咐盡情咁食同買嫁喇

    回覆刪除