2月17日 星期二 (松島 > 山形 > 藏王山)
睇完日出浸完個私家風呂就去食早餐喇~~
朝食係響酒店餐廳，我地約左七點......餐廳望出去都係個無敵海景~~
早餐又係已經set定晒響度~
前菜、漬物
沙律
魚餅，好彈牙嫁~~
魷魚刺身
呢兩條魚好好味~~
溫泉蛋
海苔湯
白飯+麥茶.......日本人極度男尊女卑！D飯同茶總係放響女性嗰邊，都就快2010啦，食餐飯都仲要女人服侍
紫菜
唔知係咩，好似係魚春醃埋一舊野....好salty嫁，好難食
又有最難頂嘅納豆！
老爺又響度攪攪震.....
一路食一路可以欣賞窗外嘅海景~
食飽飽就返入房執行李....攪掂後就再欣賞下個海灣曬曬日光....
Hehe....忍唔住又再好快速咁浸多次個風呂.....
終於攪到差唔多八點半先去check out......
酒店仲有紀念品贈送....好開心
Check out 後將D行李寄存響酒店，之後就正式開始今日嘅行程喇~~~
我地上次係松島住"大觀莊"，非常正呀~
回覆刪除[版主回覆04/01/2009 21:46:00]你間酒店個無敵海景真係好正喎~~~
這個日式早餐好似唔係太多野食，而且一早便吃飯好像太滯了點~~
回覆刪除[版主回覆03/31/2009 23:11:00]睇落好似唔係好多野，不過食落都好飽，可能因為有食飯啦
係呀，唔係咁多人鍾意日式早餐，我老爺有得揀一定只會揀西式~~
Hi, 打算明年去日本東北，偶然看見你的blog，很同意你說日本人現在還有男尊女卑的觀念，我都覺得很是不可思議!
回覆刪除還有，你的blog很有趣，會繼續追看，加油啊!!
[版主回覆04/01/2009 21:44:00]多謝捧場，希望我地D騎呢經驗可以幫到手~~
piggybread : 日式早餐 , 果然不同凡響 , 不過我個人都係鍾意西式多D , 埋單 38100 Yen , 都幾甘 , 不過送份紀念品都幾細心 .
回覆刪除Bye Bye !
[版主回覆04/29/2009 23:36:00]係呀，雖然份紀念品只係小小一塊手巾，但就覺得好warm囉~~
雖然見個埋單個條數好甘，但見你晚餐同有私人風呂，我又覺得抵喎!!!
回覆刪除[版主回覆08/01/2009 00:47:00]歡迎光臨~~
係呀，呢間旅館整體唔錯，雖然唔係當地名牌，但其實各方面都幾令人滿意，最主要係松島d酒店無邊幾間有私家風呂嘛，雖然細個d，但都好過無~