2009年2月日本東北8日溫泉之旅 - Day 7 (Part 4 米沢牛! 我地黎啦~~~)

2月20日   星期五   (葉山溫泉 > 米沢 > 東京 > 新宿 > 東京)

上一回講到逛完上杉城史苑，我地就行返去巴士站等搭巴士，下一個行程係米沢遊嘅重點，就係去食和牛呀~~~

米沢市有好多食店都係食和牛，我地揀左老字號登起波~~

按照時間表應該11:56有巴士到，不過等左好耐都未見架巴士出現....平時搭日本d巴士基本上都好準時，就算有誤差都係一、兩分鐘，今次真係遲左好多，差唔多十五分鐘! 仲要落住大雨，無摭無擋，又凍又濕，真係等到媽媽聲!!

逛書展差點被人打......

昨天下午我們去了逛書展，今年的會場好像擴大了一點，有點行不完的感覺。原來今年已經是第二十屆.....每一年都跟老爺說下年不再去，但是不知怎的每一年又會心癢癢的走去觀光一下。其實想要買的書總已第一時間在書店購買，不會留待這展覽會才跟人搶購，因此說實在的，去逛書展其實只是當作一個午後消閒的節目而已。

書市?
當香港書展已經發展至連車衣機也可以拿出來售賣之時，當所謂的偶像歌手連字也未認清也可以出書而甚至有市場之時，我實在不願意將這樣一個一年一度的「盛事」稱之為「書展」，我以為「書市」會比較合適。其實這也沒有什麼不好，視乎你用什麼心態去參與。走在其中，跟在維園行花市並沒有多大的分別，那些攤檔真是各色各樣，有點兒嘉年華會的味道，香港文化從來百花齊放，通俗的、嚴肅的、宗教的、內地的、外文的各式書籍都找得到，當然少不了偶像派的寫真、文具、電腦產品、玩具精品....還有還有，無線收費電視的攤檔在宣傳Laughing 哥電影呢! 不過最令人驚歎的還是車衣機吧? 車衣機! 我自問都算很是異想天開的一個人，但也實在想不通究竟車衣機跟「書」有什麼關連。

最反感的事
今年其實都是跟往年一樣，人頭湧湧，基本上你是提不起勇氣走入攤檔中，我們只是在外圍流連，也已經有種筋疲力盡的感覺。人們愈來愈流行拉著旅行箱去書市，我的腳趾不止一次被旅行箱的轆輾過。有些旅行箱好大，大約有21寸! 那些人大抵一年才能抽空去買一次書....不過知否最令人反感的是什麼? (當然不是o靚模的寫真集啦)，最令人反感的是依然有人推著嬰兒車在迫爆的會場閒逛! 是真的閒逛，因為該位老兄將放有嬰兒的嬰兒車隨意橫放在攤檔之前，自顧自在一旁把手上那本「我的低能大肚之道」看得津津有味。

戰利品
這次我只是買了十多本書，一部份是旅遊書，一部份是特價書，趁著有特價把平時有點想買而又不捨得買的都買回去，搜集旅遊相關書籍已經成為我的嗜好。

最遺憾的事
這一年一度的盛事，我們都是有點抱著觀光的心態，所以絕對沒有抗拒o靚模的想法，相反老爺甚至整天在問為什麼看不到真人騷，當然他是早已從亙聯網中下載了圖片看過夠，所以只想一睹伊人風采....而我覺得最遺憾的是看不到舔雪糕及派奶的奇景。

最驚險的事
會場雖大，但實在太多人，所以無論你身在何方，都可以聽到旁邊一眾人的談話聲....話說當經過一處售賣o靚模寫真的攤檔，正好順道欣賞其中一位o靚模的大海報時，耳邊突然傳來兩位少女的閒聊聲，其中一位以很誠懇的語調在說︰「我覺得Kama真係好清純....」不好意思，那一剎那小妹實在忍不住笑了出來，當然我的反應比較大，因為我直情是笑出了聲音，兩位少女立即以極度不友善而凌厲的目光射向我，我想若我走遲半步她們一定想要把我狂毆，以為清純的偶像吐一口氣.....

最好笑的事 
看蘋果的報導︰ ....Yumi更狂插 Kama（羅凱珊）前日在酷熱下派奶並不恰當，體質受不到更會出現嘔奶。

各位，這是一個正常人會說的話嗎????

Dinner @ 千両迴轉壽司

早幾晚我地去左銅鑼灣逛街，行行下忽然見到呢間迴轉壽司，記起早陣子有網友推介過，於是就走入去試下~

Wasabi應該係手磨.....

加州卷

好奇怪，迴轉壽司會有幾款呢d脆片，我地試左個炸蕃薯片，唔會太甜，當小食都唔錯~

唔記得係咩蝦，不過蝦肉嘅質地好黏口

他他牛壽司，即係安格斯和牛，我覺得略為韌左dd~

藍鰭大吞拿魚腩....入口即溶!! 好正呀!! 雖然要$50一件，但物有所值~~

老爺必食嘅腐皮卷，佢話一般~

炙燒三文魚壽司，都ok，配蘿蔔蓉同三文魚子，幾特別~

呢個甜蛋真係好甜，好好味，yummy yummy~~

左口魚裙邊，好爽口，唔錯!

我地另外又order左個特上刺身盛合....個甜蝦真係好鮮甜! 連個蝦頭都好好味，真係回味無窮.....其他魚生片都好新鮮，帶子都ok~

總括黎講，呢度D壽司飯做得幾好，唔會好易就散開，d魚生都好新鮮，sushi bar 嘅座位亦唔會好窄，坐得幾舒服，好過Hip Sushi，埋單差唔多四百蚊，都唔算太貴，有機會會再去試，希望可以試下個油甘魚腩同軟殼蟹手卷.....不過呢間食店真係勁多人等位，尋晚響IFC等老爺放工，本來諗住encore一次，不過六點幾已經見到超多人響度等緊，唯有等下次~

2009年2月日本東北8日溫泉之旅 - Day 7 (Part 3 上杉神社)

2月20日   星期五   (葉山溫泉 > 米沢 > 東京 > 新宿 > 東京)

米沢上杉神社係響米沢市中央が岬公園入面，落左巴士行幾分鐘就到.....呢個神社係供奉上杉一族嘅先人，據講上杉家當年好威猛嫁，不過對於我地黎講真係無乜所謂，都係當一個景點咁行下啫~~

2009年2月日本東北8日溫泉之旅 - Day 7 (Part 2 向米沢出發)

2月20日   星期五   (葉山溫泉 > 米沢 > 東京 > 新宿 > 東京)

懷住好滿足嘅心情，我地向橋本屋講bye-bye，旅館特別安排左專車送我地去JR車站~

Dinner @ 白木屋

平時如果夜晚諗唔到去邊度食飯，好多時都會去Mega Box，因為貪嗰度人流唔多，基本上d食店都唔駛等位，而且泊車好平，shopping 之餘又有間幾大嘅大眾，食完飯可以去逛下~

今次我地揀左白木屋，呢間食店嘅style同和民好相似，碟頭細細，食物嘅選擇都好大眾化，以前有一間分店響APM，不過就已經執左~

先要一個五式刺身拼盤....普普通通，未至於好新鮮，但亦唔算差~

無油甘魚，改為鏗魚，第一次食，都ok~

鐵板鹽燒牛舌，賣相麻麻，味道一般~

三文魚pizza，餅底好薄下，都幾脆~

長崎雜菜炒麵....無論賣相抑或味道，我都覺得自己食緊中式肉絲炒麵~

牛油粟米，牛油味好香濃，我覺得最好食，每次都要叫嫁....不過老爺好不以為然，佢話我遲早會肥死~

整體上個人認為如果同和民比較，和民d野好食d，不過呢度d位就幾闊落，坐得都幾舒服，service 都ok，d waiter 成日黎幫你加茶，上菜都幾快，價錢亦唔算貴，不過又係要收茶介每位$5....Mega Box上面有間鳴門又係咁，唔通係呢度d日本食店嘅共識?!

漫步科學園

2009年7月11日    星期六

響囍慶食完飯，我地就響科學園周圍逛下...

都有好多人響呢段路踩單車，唔知係咪一路可以踩晒成條吐露港公路呢?

走向海邊....可以望見八仙嶺~

馬鞍山

有人好悠閒響度釣魚~

響呢條長廊散下步，陣陣嘅海風吹過來，幾舒服....不過無耐就變得勁大風~

個天開始烏雲密佈.....

呢個環保街燈嘅設計幾得意~

呢張凳嘅設計幾特別~

有個人工湖

湖中間有個嘖水池，旁邊有個金色巨蛋~

個巨蛋真係幾科幻，放響廣場中心好搶眼～

有人選擇響度影結婚相，新娘正準備拋花球~

呢個噴泉到左夜晚好似係會有燈光變色嘅音樂噴泉

湖畔有間露天餐廳，好似係食buffet，環境唔錯~

行行下突然間天色大變，落起好大雨，個個雞咁腳咁搵地方避雨~

我地走左去巨蛋下面~

有個小巨蛋....原來係一個時間囊~

d雨愈落愈大，我地無帶雨傘，好彩d建築物有天橋相連，可以行返去停車場~

呢個透明玻璃蓋下面其實係巴士站~

睇真d呢個停車場係無四樓嫁.....仲話係"科學園"，咁鬼迷信.....

悠悠閒閒咁就過左一個下午，閒來無事，諗唔到有咩節目，走去消磨一下都係唔錯嘅選擇～